Chan 15:4 - Chahta Holisso Holitopa 1886

⁴ Ʋno a̱ ho sʋbai acha̱fá; mikma ʋno mʋt hʋch ibai acha̱fa lashke. Naksish ʋt ʋpi ak o̱ pit a hikia ho̱ keyukmʋt, ilap illa kʋt ʋna he keyu chatuk a̱, yʋmmak i̱ chiyuhmit hʋchishno ak kia ʋno a̱ hʋs sʋbai acha̱fa ho̱ keyukmʋt, nana hʋsh kanihma he keyushke.

Chan 15:4 Iomraidhean Croise

Mahlu 12:33

Iti ʋt achukma ho̱ hʋsh ikbi hokma, ʋni ak kia achukma he: keyukmʋt iti ʋt okpulo yo̱ hʋsh ikbi hokma, ʋni ak kia okpula he: iti ʋt ilap ʋni ak inli ho̱ isht otʋni chatuk oka.

ʋBanumpa Luk Ʋt Holissochi Tok 8:15

Amba yakni achukma yo̱ ai o̱ kaha kʋto, yʋmmʋt chu̱kʋsh achukma aia̱hli mak osh anumpa ha̱ haklokmʋt, ieshit achunanchi cha, ʋnit waya kak oke.

Chan 14:20

Ʋno ʋt A̱ki a̱ ibai acha̱fa likma, anonti hʋchishno ʋt ʋno a̱ hʋs sʋbai acha̱fa na hʋchishno ma hʋch ibai acha̱fa li aiena ka, nitak yʋmma fehnakma hʋsh akostinincha hi oke.

Chan 17:23

Ʋno ʋt ilʋppa ai ibacha̱fa likma, anonti chishno mʋt auet is sʋbai acha̱fa; ai yakohmi ho̱ yʋmmak osh ont ai a̱hli achʋfa ka tobashke; yohmikma chishno ak osh auet is sa kanchi tok; a tok osh ilʋppak oka ish i̱ hullo kʋt ʋno a̱ is sa̱ hullo kak inli ho̱ ish chohmichi ka, yakni ʋt ithaiyanashke.

Chan 6:56

Kʋna hosh sa nipi a̱ ʋpa cha, sʋssish ma ishko hokʋt, ʋno a̱ a sʋbai acha̱fakma, anonti ʋno mʋt ilapa̱ ai ibacha̱fa li hoke.

Chan 8:31

Yohmi ma Chisʋs ash ot i̱ yimmi tuk ʋhleha Chu okla hash o̱, Ʋm anumpa ha̱ hʋsh halʋlli kʋt hʋch ik issokmʋt, nan ʋm ai ithʋna a̱hli fehna hʋchia mak a chi̱ hoke.

Apostel isht Anumpa 11:23

Yʋmmak ash osh ʋla cha, Chihowa im isht il aiyukpa ka pihi̱sa mʋt na yukpa tok; micha chu̱kʋsh mʋt kʋllo hosh Chitokaka ya̱ isht asitia chi̱ ka, mominchit atonohonchi tok.

Apostel isht Anumpa 14:22

Nan ithʋna ʋhleha im anukfila hlampkochi, micha ayimmi kʋt achunancha chi̱ ho̱ atohnochi mʋt, na palʋmmi laua ka il a hlopulli pulla hosh Chihowa apehliechika ya̱ e chukowa hi oke; achi tok.

2 Kolinhlian 13:5

Ai yimmi ka yoka hʋsh ibai achʋfakma, nana kʋt hʋchishno inli hʋsh ile pisashke; hʋchishno inli imomaka hʋsh pisashke. Hʋchishno inli hʋch ik ithano cho? Chisʋs Klaist ʋt hʋch iba foyʋka ka, ik ai a̱hlo hʋchia keyukmʋt.

Kaleshan 2:20

Klaist a̱ ititaiyukhʋna iba takalit sʋlli hoke: yohmi kia si okcha̱ya hoke; yohmi kʋt ʋno ak o̱ keyu, amba Klaist ak osh okcha̱yʋt sa foyuka hoke; himak a̱ okcha̱yʋt haknip a halaia li moma hokʋto, Chihowa Ushi, yʋmmʋt a̱ hullot si ʋlhtobʋt illi tok a̱ i̱ yimmi li hosh si okcha̱ya hoke.

Efeshan 3:17

Micha na hʋchi yimmi ho̱ Klaist ʋt hʋchi chu̱kʋsh a̱ anukfoyuka he yohmi lishke; yohmi ho̱ nan isht i̱ hullo a̱ akshish a tobʋt a hʋchi kʋllo hosh,

Filippian 1:11

Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Koloshan 1:23

Nan ai yimmika ya̱ a kʋllot nan anukfilli fitikʋchi iksho, micha nana ka yohma he ahni, ʋbanumpa a takali yʋmma hʋsh haiyaklo ma, yʋmmak ash ot okla moma shutik nuta aiasha ka im anuhumpa tuk a̱ hʋch ik i̱ filʋmmo ka chi̱ mak o̱, Pal sia hʋt ʋbanumpa isht ʋtta toba li tuk osh;

Koloshan 1:27

Yʋmmak ash o̱ Chihowa hʋt anumpa luma hatok ilʋppak ash isht a holitopa chinto kʋt Chentail ai itintakla otʋni kʋt kaniohmi ka im otʋnincha he ai ahni tok; yʋmmʋt Klaist hʋchi anukfoyuka a holitopa isha he isht ai ahni yoke.

Koloshan 2:6

Yʋmohmi ka Klaist Chisʋs Chitokaka ya̱ hʋsh i̱ yimmi hatuk okʋt, yʋmohmit hʋsh iba nohowashke:

1 Hlessalonian 3:5

Yakohmi kak o̱ sa nuktaiyala he keyu kit taha mʋt, na nukpʋlichi ʋt kaniohmit haksichi tuk yoba ká, yohmi na e toksʋli tuk ʋt peh pilla ná, ahni li hosh, hʋchi ai yimmi ka akostininchi la chi̱ hosh pila li tuk oke.

Heblu 10:39

Amba pishno ʋto falama cha, nan isht ai ilbʋsha bilia pihi̱sa he ʋhleha yʋmmak okʋno il ibai achʋfa keyu, amba na yimmi cha, shilombish okʋt okcha̱yʋt bilia yʋmmak o̱ il ibai achʋfa hoke.

1 Chan 2:6

Kʋna hosh yʋmmak oka ai iba foyuka, miha hokʋto, ilap mak kia, yʋmmʋt kaniohmit a̱ya tok mak o̱, a chohmit a̱ya he tuk oke.

2 Chan 1:9

Kʋna hosh ashahanchi cha, Klaist im anumpa anukfoyukʋt a̱ya keyu hokʋto, Chihowa ya̱ pit ai ibai achʋfa ho̱ keyu hoke. Kʋna hosh Klaist im anumpa ha̱ afoyukʋt a̱ya hokʋto, mihi yosh I̱ki, micha Ushi aiena ka pit ai ibai achʋfa hoke.