Chan 15:2 - Chahta Holisso Holitopa 1886

² Naksish ʋno ak o̱ a sai offo hosh ʋni keyu hokma, mominchit ishit kanchi hoke: mikmʋt naksish ʋt ʋni hokʋto isht i̱ shahlit ʋna chi̱ ka, achukmalit apoksiachi hoke.

Chan 15:2 Iomraidhean Croise

Atʋloa 92:14

Sipoknit tahah kia, ʋnit wayah immoma hi oke; okchi ʋlotah, okcha̱kih aiena hi oke.

Mahlu 13:12

Kʋna hosh i̱shikma, mihi yo̱ ima he; mikma in laua kʋt i̱ shahla hi oke: amba kʋna hosh i̱shi keyuk mʋno, i̱shi tuk ash kia im ai isha hi oka.

Mahlu 13:33

Anonti nan isht ʋlhpisa inla yo̱ isht im anumpuli mʋt, Ʋba apehlichika yʋt pʋska shatʋmmichi yo̱ ohoyo hʋt ishi cha, tanchi pushi ʋlhpisa tuchina ho̱ ibafohki tuk o̱, momʋt shatʋmmi tuk a̱, holba hoke, achi tok.

Mahlu 15:13

Yohmi kia yʋmmak ash osh afalaminchi mʋt, Na holokchi moma kʋt A̱ki ʋba binili hosh hokchi tok keyu hokʋno, tehʋt taha hi oke.

Mahlu 21:19

Micha fik ʋpi ʋt tikba ya̱ hikia na pit pisa mʋt, yʋmmak ash o̱ ona; yohmi kia nana kia takanli na ik ahayucho; amba hishi ak illa tok; mihmʋt, Himak a pilla ma nitak nana ʋni yʋt ik chi a tobo kashke, im achi tok. Mihma chekosi mak inli ho̱ fik ʋpi ʋt bʋshit taha tok.

Mahlu 25:29

Kʋna hosh i̱shi hok mak o̱ ima na lauʋt im aiasha hi oka: amba ik im iksho hatuk okʋno i̱shi tuk ash kia, im ai isha he oke.

Mahlu 3:10

Yohmikma himak ak kia iskifa yʋt iti puta akishtʋla ya̱ itonla hoke; yohmi hatuk o̱ iti yʋt ʋni achukma ho̱ ʋnit waya keyu kʋt moyumʋt cha̱yʋt akakoha cha, luak pit itokaha chatuk oke.

Mahlu 3:12

Yʋmmak osh i̱ nan‐isht‐mʋshahchi yʋt ibbak a foyuka; yohmi hokʋt i̱ nan‐anihichi yatuk ma achukmalit kashofit tahli cha, onush atuk ma kanchak a̱ pit ashacha hi oke; yohmi kia hakhlopish okʋno luak moshola hi keyu mak o ishit hukma hi oke, im achi tok.

Mahlu 7:19

Iti ʋt ʋni achukma ho̱ ʋni keyu hokʋto momʋt cha̱yʋt akakoha cha, luak itokaha chatuk oke.

Mark i̱ Holisso 4:20

Mikma yakohmi kak osh yakni achukma a holokchi mak oke; ʋbanumpa ha̱ haklo mʋt, yʋmmak ash yimmi cha, ʋnit wayʋt, kanimi kʋt achʋfa tuk ʋt pokoli tuchinakma; kanimi kʋt pokoli hannali; anonti kanimi kʋt tahlepa achʋfa ona hoke, im achi tok.

ʋBanumpa Luk Ʋt Holissochi Tok 8:13

Tʋli yo̱ ai o̱ kaha kʋto, anumpa ha̱ haklokmʋt, na yukpa hosh ahninchi kak oke; yakohmi kak osh hakshish ʋt iksho; yohmi hosh chekosi takla hokʋno yimmi tuk osh, nana kʋt ont a palʋmmikma, mokohli hoke.

Chan 15:1

Ʋno ak osh pa̱k‐ʋpi a̱hli sia hokma, anonti A̱ki ak osh apoksiachi oke.

Chan 15:16

Hʋchishno ak osh hʋs si atokoli tok o̱ keyu; amba itʋnowʋt ʋnit hʋsh waya he ak atuk oke; yohmikma hʋchi a waya kʋt aiasha na A̱ki a̱ nana ho̱ a̱ hohchifo pulla kak o̱ isht hʋsh im asilhhakma, hʋch ima he mak o̱, ʋno ak osh ai atokolit hʋchim apesa li hatuk oke.

Chan 15:3

Anumpa isht hʋchim anumpohonli li tuk pulla ho̱ himonasi a̱ isht a hʋchi a kashofʋshke.

Chan 15:6

Kʋna kia ʋno a̱ sʋbai acha̱fa keyu hokma, naksish mak o̱ ai itilauechit kanchi na bʋshi chatuk; yohmikma hatak puta mʋt yʋmmak ash aiowʋt luak a̱ pila na lua chatuk oke.

Chan 15:8

Hʋsh ʋni fehna yʋmmak okmak o̱, A̱ki ʋt isht a holitopa ai a̱hla he; yohmikma nan ʋm ai ithʋna hʋchia mak a hi oke.

Chan 17:12

Pehliechit yakni paknaka ai ahanta li moma kʋto chi̱ hohchifo pulla ho̱ isht ai apesahanchi li tok: is sʋma tok ʋhleha yʋmmak oka apesahanchi li ma, achʋfa kia ik kʋnio ho̱, amba Holisso Holitopa ʋt ont ai a̱hla chi̱ kak o̱, nan‐okpʋni ushi ak illa tuk oke.

Loman 11:17

Mihma naksish kaniohmi kʋto atʋptoʋt kʋnia hokma, alif haiaka ai offo chia hash osh ish ibafohka hatuk; micha yʋmmak ash ibafo̱ka hosh alif okchi, micha hakshish aiena ka ish ibai ishi hatuk okmʋt;

Loman 11:22

Yʋmohmi ka Chihowa hʋt isht i̱ kana, micha isht palʋmminchi ya̱ ho pesá: aka itula tok ash isht palʋmminchi; amba chishno yokʋno isht chi̱ kana, ilap isht i̱ kana yash o̱ ish a ma̱ha̱ya hokmʋt; yʋmmak keyu hokmʋno chishno yak kia cha̱yʋt chi tʋpa he ak inli hoke.

Loman 8:28

Yohmi ka nan oklu̱ha hokʋt Chihowa i̱ hullo ʋhleha, ilap nan ai ahni tok pulla mak o̱ ʋlhtoho̱ka tok ʋhleha hokʋto, isht im ai achukma he mak o̱ it ibai toksahanli ka il ithaiyanʋshke.

1 Kolinhlian 13:1

Hatak im anumpa ilaiyuka puta, mikmʋt enchil puta im anumpa ho̱ isht anumpuli li hoh kia, nan i̱ hullo yʋt ik sʋm ikshokmʋt, tʋli lakna ohonla, keyukmʋt tʋli kʋsa kʋsahahanchi ak inli ho̱ holba li hoke.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Heblu 12:15

Nana ka ahah! hʋsh ai ahnashke, keyukma hatak kanima kʋt Chihowa yʋt isht i̱ kana ya̱ i̱ hlakofi yoba ná; mikmʋt na homi okpulo hakshish kia offot kohcha cha, hʋchi ataklʋmmi na la̱wa kʋt isht ai okpula hinla hoke.

1 Chan 2:19

Yʋmmak ash ot a pi̱ filʋmmit kocha wiha tok; yohmi kia yʋmmʋt a hʋpibai achʋfa tok o̱ keyu hoke; yʋmmʋt pishno ak o̱ a hʋpibai achʋfa tok okmʋt, a hʋpibai afo̱ka na bilia he tuk pulla chishke: amba yʋmmʋt moma kak osh a hʋpibai achʋfa ho̱ keyu hatuk ʋt otʋna chi̱ kak osh a hʋpi̱ filʋmmit kocha wiha tok oke.

Nan Otʋni 3:19

Kʋna ho̱ ʋno ʋt i̱ hullo li hokʋto, nana ka im olʋbbit kostininchi li chatuk: yohmi hoka nana ka amosholi hosh ish ile kostininchashke.