Chan 15:10 - Chahta Holisso Holitopa 1886

¹⁰ Ʋm anumpa ʋlhpisa puta ka hʋsh im antia hokmʋt, a sa holitobli kʋt a hʋchi bilia he: ʋno ʋt A̱ki a̱ im anumpa ʋlhpisa puta ka im antia li kʋt, ai i̱ hullo mʋt a sa bilia tok mak o̱ hʋsh chiyuhma hi oke.

Chan 15:10 Iomraidhean Croise

2 Samuel 22:22

Chihowa i̱ hina foyukʋt a̱ya lish, micha shitilemʋt an Chitokaka ya̱ ak i̱ filʋmmo tok oka.

2 Mi̱ko 18:6

Micha Chihowa ya̱ asitia cha, iakaiya kʋt issa keyu, amba im anumpa ʋlhpisa puta Chihowa yʋt Moses a̱ im apihi̱sa tok a̱ ieshi tok.

Eksotʋs 7:6

Mihma Moses, micha Alon ʋt yʋmohmi tok; Chihowah yʋt im apesa tuk mak o̱ yʋmihchi tok.

Chan 10:18

Hatak nana hosh ʋm ishi ho̱ keyu: amba ʋno akinli ahni li hosh aka bohyuli li hoke. Aka bohyuli la hi ʋt isht ʋm ai ʋlhpesakmʋt, anonti falaminchit ishi la hi ʋt isht ʋm ai ʋlhpesa hoke. Nan‐ʋlhpisa ilʋppak o̱ A̱ki a̱ im a habena li tok, im achi tok.

Chan 12:49

Ʋno akinli hosh nana ka ahnit anumpuli li tuk keyu hoka; amba auet sa kanchi tok A̱ki ak osh nana ho̱ achi la he, mikmʋt nana ho̱ anumpuli la he aiena ka nana ʋm apesa ha tok.

Chan 14:15

Hʋs sa̱ hullo hokmʋt, ʋm anumpa ʋlhpisa puta ka hʋsh holitoblashke.

Chan 14:21

Kʋna hosh ʋm anumpa ʋlhpisa ʋt in tonla cha, holitobli hokmʋt, yʋmmak osh sa holitobli mak oke; micha kʋna hosh ʋno a̱ sa holitoblikmʋt, A̱ki ma i̱ holitopakma, ʋno mʋt holitoblit il im otʋninchi la hi oke.

Chan 14:23

Chisʋs ʋt afalaminchi mʋt, Hatak ʋt a̱ hullo hokmʋt, ʋm anumpa ha̱ holitobla he; yohmikma A̱ki ʋt ilapo ma holitoblikma, il im a̱ya cha, il ibai ʋtta he mak oke.

Chan 14:31

Yohmi kia A̱ki a̱ holitobli li ka, yakni ʋt ithaiyana chi̱ ka, A̱ki ʋt nana ho̱ ʋm apihi̱sa tok a̱, mih mak o̱ yʋmihchi li hoke. Ho wakayá, kiloh ilhkolí.

Chan 17:4

Yakni paknaka ya̱ a chi holitoblichi lishke. Na‐toksʋli isht ahanta la hi o̱ is sʋm apesa tok a̱, atahli lishke.

Chan 4:34

Chisʋs ash ot, Auet sa kanchi tok nan ahni kak o̱ a yʋmohmi, micha i̱ na‐toksʋli atahli aiena kak osh ʋm ilhpak oke.

Chan 8:29

Micha auet sa kanchi tok ʋt sa ta̱kla a̱ya hoke; A̱ki ʋt ilap illʋchit sa kanchi tok keyu; nana kʋt yʋmma yukpali pulla kak o̱ yʋmohmi kʋt a sa bilia chatuk oke, im achi tok.

Chan 8:55

Yohmi kia hʋchishno ʋto yʋmma hʋch ik ithanoshke; amba ʋno ʋto yʋmma ithana lishke; yohmi kʋt yʋmma ak ithano hoke; achi li hokmʋt, holabi hʋchishno akinli ho̱ chohmi la chi̱ hoke; yohmi kia yʋmmak oka ithana li mʋt, nana ahanchi ka holitobli lishke.

1 Kolinhlian 7:19

Hakshup tʋpa yokʋto nana keyu, mikma hakshup ik tapo yokʋt nana keyu, amba Chihowa i̱ nan ʋlhpisa holitohombli kak oke.

1 Hlessalonian 4:1

Yʋmohmi ka anonti itibapishi li ʋhleha ma! Chitokaka Chisʋs puyulla ho̱ isht e hʋchim anumpohonli kʋt, yʋmmʋt kaniohmit a̱yʋt Chihowa ya̱ hʋsh yukpala hi osh hʋsh pi a haponaklo tok ʋt, yʋmohmit chitot isht i̱ shahli fehnʋt hʋsh ma̱ha̱ya he ak o̱ e hʋchim asilhhʋshke.

Heblu 7:26

Yohmi ka na holitompa isht ʋtta chinto, yʋmmak okʋt ai ashʋchika ik im iksho, nan ik okpano, na liteha iksho, nan ashʋchi ʋhleha ha̱ ai i̱ filʋmmi, micha chaha kʋt ʋba yakni yak kia i̱ shahli, yʋmmak chiyuhmi hosh pim ahanta he ai ʋlhpiesa hatok:

2 Pita 2:21

Yohmi ka yʋmmak okʋt nan ai ʋlhpiesa hina ya̱ ik ithano hatuk mak osh im achukma kʋt yʋmma ithana cha, anumpa ʋlhpisa holitopa yʋt im anoho̱wa ha ya tuk osh i̱ filʋmmi kʋt, im i̱ shahla he atuk oka.

1 Chan 2:3

Micha im anumpa ʋlhpisa yak o̱ e holitobli hok mak osh, yʋmma il ithaiyana ho mʋhli kʋt isht il akostininchi hoke.

1 Chan 2:5

Amba kʋna hosh yʋmma im anumpa ha̱ holitobli hokʋto, mihi yosh Chihowa ya̱ i hullo ai a̱hli fehna hoke. Ilʋppak o̱ yʋmma il ibai achʋfa kʋt isht il akostininchi hoke.

1 Chan 2:6

Kʋna hosh yʋmmak oka ai iba foyuka, miha hokʋto, ilap mak kia, yʋmmʋt kaniohmit a̱ya tok mak o̱, a chohmit a̱ya he tuk oke.

1 Chan 5:3

Im anumpa ʋlhpisa ya̱ e holitobli ilʋppak osh Chihowa i̱ hullo mak oke; micha im anumpa ʋlhpisa yʋt a palʋmmi ka keyu hoke.

Nan Otʋni 22:14

Kʋna hosh im anumpa ʋlhpisa puta ka holitobli hokʋto na yukpʋshke: yohmi hok mak osh iti ai okcha̱ya isht im ai ʋlhpiesa hosh okhissa ont a hlopullit tʋmaha chito yash chukowa chi̱ hoke.