Chan 14:2 - Chahta Holisso Holitopa 1886

² A̱ki in chuka ya̱ aiasha yʋt laua hoke: ik yʋmohmo hatuk okma, hʋchim anoli la he tuk oke, aiasha ya̱ hʋchim apoksiachit atahli la chi̱ hosh ia li hoke.

Chan 14:2 Iomraidhean Croise

ʋBanumpa Luk Ʋt Holissochi Tok 14:22

Atuk o̱ tishu hashot, Chitokaka ma! chishno nana ish ai apesa tuk ano, ont aia̱hlit taha akinli kia, aiasha ʋt a̱sha momʋshke, achi tok.

Chan 13:33

Chipota ʋhleha ma! chekosi takla kak o̱ hʋchi takla a̱sha lishke; yohmi ka hʋs sa hoya chi̱ hoke; Chu okla ha̱, Kanima yo̱ ai ia li hoka, hʋsh ona he keyushke, im achi li tuk mak osh anonti hʋchishno ma himonasi a̱ hʋchim achi lishke.

Chan 13:36

Saimon Pita yash ot, Chitokaka ma! katima ko̱ ish ia chi̱ hoh cho? im achi ma, Chisʋs ʋt afalaminchi mʋt, Kanima yo̱ ia li hoka, himonasi kʋno pit is siakaiya he keyushke; yohmi kia i̱ himmak o̱ pit is siakaiya hi oke, im achi tok.

Chan 14:28

Ia li tukmʋt, anonti falamʋt hʋchim a̱ya la hi oke, hʋchim achi li ka hʋsh ha̱klo kʋno. Hʋs sa̱ hullo hatuk okmʋt, A̱ki ak o̱ im ia li hoke, achi li tuk a̱ na hʋchi yukpa he tuk; A̱ki ʋt ʋmaiya hatuk oka.

Chan 16:4

Yohmi kia nitak yʋmmʋt ai ona hokma, yʋmmak oka hʋchim anoli li tok a̱ hʋsh ithana he mak o̱, ilʋppa puta ka hʋchim anoli li hoke. Yohmi kʋt ʋno ʋt hʋchi ta̱kla anta li hokʋt, nana ʋmmona hokʋno ilʋppa puta ka ak hʋchim acho ki tok oke.

Chan 17:24

A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.

Apostel isht Anumpa 9:16

Micha ʋno sa hohchifo pulla ka, na palʋmmi hochito kaniohmi kia isht ilbʋsha chi̱ ka, im anoli la chi̱ hoka; im achi tok.

2 Kolinhlian 5:1

Ʋlhtipo yakni pakna a pim aboha ilʋppak okʋt ont a yuhla kia, ibbak isht atoba tok keyu, ʋba a holitopa ya̱ a bilia chuka, Chihowa hʋt ikbi tok a̱, pin talaia kʋt il ithaiyana hoka.

1 Hlessalonian 5:9

Chihowa yʋt ai i̱ nukkilli yo̱ a pim apesa tok keyu, amba pin Chitokaka Chisʋs Klaist pulla ho̱ ai okcha̱ya il isha chi̱ hatok oka.

Titus 1:2

Yohmi cha ai okcha̱yʋt bilia pisa he ai ahna hi atok, yʋmmak oka Chihowa holaba he keyu yʋt, nana puta kʋt ik tobo pilla kash inli ho̱, im ihi̱sa tok;

Heblu 11:10

Tʋmaha chito intolahpi yʋt kʋllo achukma yʋmmak oka Chihowa hak osh apesʋt bohli, micha ikbi yak o̱ hoho̱yo hatok okʋt.

Heblu 13:14

Ilʋppak okʋno tʋmaha chito talaia bilia hi ʋt ik pim iksho, amba himmak ʋla he achʋfa kak o̱ e hoyo hokʋt.

Heblu 6:20

Yʋmmak oka pin tikba‐heka, Chisʋs ʋt chukowʋt, Melkisetek atok a̱ chiyuhmit na holitompa isht ʋtta chinto bilia toba tok oke.

Heblu 9:8

Shilombish Holitopa yak osh ʋlhtipo ʋmmona yash ot hikia imoma hokʋno, aholitopa moma i̱ shahli anu̱kaka a chukowa yokʋt ik otano ki̱sha ho̱ ilʋppak o̱ otʋninchi tok:

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,

Nan Otʋni 21:2

Mihma Chan sia hʋt tʋmaha chito holitopa Chelusalem himona Chihowa ya̱ a mintit ʋba ya̱ auet a kohcha kʋt, ohoyo himita hatak auwaya chi̱ hosh isht il a shema chatuk ak o̱ chiyuhmi tok.

Nan Otʋni 3:12

Kʋna hosh nana ka imaiyachit a hlopulli hokʋno mihi yo̱ an Chihowa in tempel in toni̱k o̱ ikbi la he: yohmikma yʋmmak atuk mʋt nitak nana ik kohcho ka he mak oke: yohmikma an Chihowa hohchifo, mikmʋt an Chihowa in tʋmaha chito hohchifo, yʋmmʋt Chelusalem himona, an Chihowa ak o̱ minti hosh ʋba yakni a̱ a kohchʋt ʋla hatuk a̱ yʋmma isht a holissochi la he, mikmʋt, sa hohchifo himona ma yʋmmak ash isht a holissochi la hi oke.

Nan Otʋni 3:21

Kʋna hosh nana ka imaiyachit a hlopulli hokʋto, mihi yosh, ʋno ʋt imaiyachit a hlopulli lish, A̱ki a̱ awant im ai o̱ binili holitompa ya̱ a binili li kʋt, yʋmmak inli ho̱ chohmit ʋm ai o̱ binili holitompa ya̱ a binila chi̱ ka, im apesa la he mak oke.