Chan 13:9 - Chahta Holisso Holitopa 1886

⁹ Saimon Pita yash ot, Chitokaka ma! saiyi ak bano keyu kashke, amba sʋbbak, micha sa noshkobo pit aieninchi hosh, im achi tok.

Chan 13:9 Iomraidhean Croise

Atʋloa 26:6

Nan okpʋni keyu yosh sʋbbak a̱ ʋchefa lish, chim alta ya̱ ʋpakfoiyupa lashke, Chihowa ma,

Atʋloa 51:2

Na̱ sʋ yoshuba ya̱ is si achefah fehna cha, nan ʋsshʋche li ya̱ is si a kʋshuffashke.

Atʋloa 51:7

Hissʋp a̱ isht is sʋ kashuffi na, sʋ kashufashke; is si achefakma̱, tohbi kʋt okti pushi ya̱ i̱ shahli lashke.

Mahlu 27:24

Pailat ash osh ilapʋt na kanihma he keyu, amba yahapa kak osh i̱ shahlit toba pulla hi a̱ akostininchi mʋt, oka kapʋssa ya̱ ishi cha, okla itikba ya̱ ibbak ai achifa mʋt, Hatak a̱hli achukma ilʋppa im issish a̱ isht si ahalaia keyu mak oke: hʋchishno ak osh isht hʋsh a̱shashke, im achi tok.

Chan 13:10

Chisʋs ʋt, Ʋlhchifa tuk okʋto himmak ma ik ʋlhchifo ho̱ iyi ak bano kia, momʋt kashofa chatuk; yohmi ka hʋchishno ʋt hʋchi kashofa akinli kia, hʋsh moma keyushke.

Chan 13:8

Pita yash ot, Saiyi yak okʋno nitak nana chik sʋm achifo kashke, im achi tok. Chisʋs ʋt afalaminchi mʋt, Ak chi achifo hokma, is si ahalaia keyu hoke, im achi tok.

Heblu 10:22

Chu̱kʋsh ai a̱hli, micha i̱ yimmi ai a̱hli fehna, pi chu̱kʋsh mʋt issish o̱ fimmʋt, isht il il‐akostininchi ik achukmo ka ai i̱ filʋmmit, pi haknip okʋt oka kashofa achukma isht ʋlhchifa tuk aiena ho̱ isht i bili̱kasi il onashke.

1 Pita 3:21

Yʋmmak ash o̱ chiyuhmi hosh himonasi ak kia baptismo yʋt, yʋmmak osh haknip liteha yoka isht kanchi keyu, amba Chihowa itikba isht il akostininchi achukma ai yʋmohma he il apihi̱sʋt, Chisʋs Klaist illi tok kia falamʋt tani tok pulla kak o̱ yʋmohmi kak osh pi okchalinchi ak inli hoke.