Chan 13:8 - Chahta Holisso Holitopa 1886

⁸ Pita yash ot, Saiyi yak okʋno nitak nana chik sʋm achifo kashke, im achi tok. Chisʋs ʋt afalaminchi mʋt, Ak chi achifo hokma, is si ahalaia keyu hoke, im achi tok.

Chan 13:8 Iomraidhean Croise

Genesis 42:38

Mihma, Sʋso hʋt hʋchi awant ia he keyu; itibapishi hʋt illi tok o̱, ilap bano hosh anta hoke: hina yʋmma hʋsh ia ka̱ nana ik achukmo kia onʋtolakma, yohmikma sa pa̱shi tohbi ya̱ ilbʋshalit ahollohpi ya̱ hʋs sʋsht ona chi̱ hoke, achi tok.

2 Samuel 20:1

Mihma yʋmma Belial hatak, Bichli ushi Benchamait hatak, hohchifo kʋt Sheba yosh anta yoba tok: atuk osh ishit pu̱fa ya̱ olachit, Lewi ya̱ il ahalaia keyu, micha Chesse ushi ya̱ il ai isha he ʋlhpesa ʋt iksho hoke: hatak puta kʋt im ʋlhtipo aiyukali onashke, achi tok.

1 Mi̱ko 12:16

Yʋmohmi ho̱ Islael moma kʋt mi̱ko ʋt i̱ haponakla he keyu ho̱ pisa mʋt, okla hash osh afalamichit mi̱ko ya̱, Lewi ya̱ nanta isht pi ahalaia cho? micha il ai isha he ʋlhpesa yʋt Chesse ushi ya̱ ik pim ikshoshke: Islael ʋhleha ma! hʋchim ʋlbina ha̱ hʋsh iashke: himak a̱ Lewi ʋt chin chuka akinli ish apistikelashke, achi tok. Yohmi ho̱ Islael ʋt tishelit im ʋlbina ha̱ ona tok.

Atʋloa 51:2

Na̱ sʋ yoshuba ya̱ is si achefah fehna cha, nan ʋsshʋche li ya̱ is si a kʋshuffashke.

Atʋloa 51:7

Hissʋp a̱ isht is sʋ kashuffi na, sʋ kashufashke; is si achefakma̱, tohbi kʋt okti pushi ya̱ i̱ shahli lashke.

Mahlu 16:22

Yohmi ma Pita yʋt ilauelit ishi cha, im alʋmminchit ishtia mʋt, Na yakohmi kʋt chi̱ mishemashke, Chitokaka ma! ilʋppak okʋt a chi̱ yʋmohma he keyu hoke, achi tok.

Mahlu 21:29

Mihma afalaminchi mʋt, Yohmi la he ak ahnoshke, achi tok: yohmi tuk kia i̱ himmakma inlanchit anukfilli cha, ia tok.

Mahlu 26:33

Pita yʋt afalaminchi mʋt, Moma kʋt chishno ak atuk mak o̱ isht ai ibetʋbli kia, ʋno yokʋto nitak nana si a ibetʋbla he keyushke, im achi tok.

Mahlu 26:35

Pita yash osh, Chi awant sʋlla chi̱ ik nana kia, ak chithano miha la he keyushke, im achi tok. Mihma nan ithʋna ʋhleha hʋt momʋt yʋmmak inli ho̱ miha tok.

Chan 13:6

Atuk osh Saimon Pita yash o̱ ont a hikia tok; mihma Saimon Pita yash ot, Chitokaka ma! saiyi ya̱ ish achifa chi̱ hoh cho? im achi tok.

Chan 13:9

Saimon Pita yash ot, Chitokaka ma! saiyi ak bano keyu kashke, amba sʋbbak, micha sa noshkobo pit aieninchi hosh, im achi tok.

Chan 3:5

Chisʋs ʋt afalaminchi mʋt, A̱hlishke, a̱hli mak o̱ chim achilishke, Hatak ʋt oka, micha Shilombish ita‐tuklo kak o̱ isht ai ʋtta keyu hokʋto, Chihowa apehlichika ya̱ chukowa he keyu hoke.

Apostel isht Anumpa 22:16

Yohmi kʋt nanta katiohmi ho̱ himak a̱ ish ahchibali cho? wakaya cha, baptismot, Chitokaka ya̱ pit hochihi̱fot, nan chim ai ashʋchika puta kʋt kashofʋt chi̱ kʋniashke; achi tok.

1 Kolinhlian 6:11

Yohmi ka hʋsh kanimi kʋt yʋmma chohmi hʋchia hatuk oke. Yohmi tuk kia hʋchi ahchifa hatuk, mihmʋt hʋchi kashofa hatuk, yohmi kʋt Chihowa imi Shilombish pulla ho̱ Chitokaka Chisʋs i̱ hohchifo ho̱ isht a hʋchi ʋlhpiesa hoke.

Efeshan 5:26

Yʋmohmi kʋt oka isht achifʋt ʋbanumpa isht kashofʋt na hullochi cha,

Tutelonomi 12:12

Mikmʋt hʋchishno, micha hʋchiso ʋhleha, micha hʋchiso tek ʋhleha, micha hʋchin tishu hatak ʋhleha, micha hʋchin tishu ohoyo ʋhleha, micha Lefait ʋhleha hʋchi̱ holihta okhissa anu̱kaka hikia aiena kʋt, i̱ kashapa micha aiisha he ʋlhpesa ʋt hʋchim ai iti takla ya̱ ik im iksho hoka; awant hʋchin Chitokaka Chihowah itikba ya̱ na hʋchi yukpashke.

Koloshan 2:18

Hatak nana kia ilap ahnit il akanlosechit, enchil ʋhleha ha̱ aiokpʋchit nana pisa chatuk keyu kʋt, afʋnalit haknip im anukfila isht ilefehnʋchi, yʋmohmit noshkoboka ya̱ halʋlli keyu kʋt, na hʋsh asitʋba he tuk a̱, ik hʋchim esho kashke.

Koloshan 2:23

Nana yʋmma puta hokʋt hopoyuksa ahoba ho mʋhli, ilap ahnit ʋba aiokpʋchit il akanlosechit hahnip a̱ ilbʋshali; yohmi kia holitoblichi keyu, peh haknip ak o̱ im achukmali hoke.

Titus 3:5

Nan ai ʋlhpiesa isht ahantʋt il atahli tok ak o̱ keyu, amba pi nukha̱klo kak osh himona toba isht ʋlhchihi̱fa kʋt, Shilombish Holitopa yak o̱ himona isht a toba ho̱ isht a pi okchalinchi tok oke;

Heblu 10:22

Chu̱kʋsh ai a̱hli, micha i̱ yimmi ai a̱hli fehna, pi chu̱kʋsh mʋt issish o̱ fimmʋt, isht il il‐akostininchi ik achukmo ka ai i̱ filʋmmit, pi haknip okʋt oka kashofa achukma isht ʋlhchifa tuk aiena ho̱ isht i bili̱kasi il onashke.

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,

Nan Otʋni 7:14

Mihma, A̱ shahli ma! yʋmmak okʋno ish ithanʋshke, im achi li tok. Mihma, Ilʋppa yakohmi kak osh na palʋmmi chinto ho̱ a̱sht kohchʋt a̱ya hosh, im ilefoka yash Chukfʋlhpobushi issish o̱ isht achifʋt tohbichi tok mak oke.