Chan 13:5 - Chahta Holisso Holitopa 1886

⁵ Yohmi ha yosh oka ya̱ ampo pit ʋnit ishi cha, nan im ai ithʋna ʋhleha iyi yash achifʋt isht ia mʋt, tikba takali isht ai il ai ʋskofanchi tuk ash o̱ ishit isht i̱ kasholichi tok.

Chan 13:5 Iomraidhean Croise

Genesis 18:4

Oka kanomosi ka̱ isht ʋla na, hʋch iyi ya̱ hʋsh achifa cha, iti nuta ya̱ chieyʋt hʋsh fohashke, hʋchim asilhha lishke:

Genesis 19:2

Mihmʋt, Yakeh, a̱ shahli ma! himak a̱ fullotʋt hʋchin tishu im aboha ya̱ hʋsh chukowa cha, hʋsh a̱shwa na onnashke; micha hʋch iyi ya̱ hʋsh achefashke; atuk mʋt onnahinli fehna hʋsh wakaya cha, hʋchi̱ hina ya̱ hʋsh a̱yashke, achi tok. Mihma, Ahá, amba aiitʋnowa ak o̱ il a̱shwa na onna chi̱ hoke, achit okla tok.

Genesis 43:24

Mihmʋt hatak ash osh hatak ʋhleha hash o̱ Chosef in chuka isht ona cha, oka ima na iyi ya̱ okla achifa tok; mihma im issuba haksobish falaia ya̱ nanʋpa ipeta tok.

2 Mi̱ko 3:11

Mihma Chehoshafat ʋt, Chihowa i̱ hopaii ʋt ilʋppa anta tuk o̱ tohnot Chihowa ya̱ il i̱ ponakla hinla keyu cho? achi tok. Mihma Islael i̱ mi̱ko in tishu ʋhleha achʋfa kʋt, Shafat ushi Elisha, yʋmmʋt Elichah ibbak a̱ oka on hlali yatuk ʋt yak antʋshke, achi tok.

Atʋloa 51:2

Na̱ sʋ yoshuba ya̱ is si achefah fehna cha, nan ʋsshʋche li ya̱ is si a kʋshuffashke.

Eksotʋs 29:4

Micha Alon, micha ushi ʋhleha aiena ka̱ okla moma im ʋlhtipo okhissa itikba ya̱ isht ish ona cha, oka isht ish achefashke.

Lefitikʋs 14:8

Micha kashofa chi̱ kʋt i̱ nafohka ya̱ achifa cha pa̱shi moma ka̱ sha̱fikmʋt oka ya̱ ilachefa cha kashofa hi oke; atuk osh yohmi ha yosh binah ha̱ onashke; micha nitak untuklo ho̱ binah ha̱ kocha ya̱ ahantashke.

ʋBanumpa Luk Ʋt Holissochi Tok 7:38

Im asha‐ka iyi pit a chiya ka ont hikiʋt yaha̱ya cha, iyi ash nishkin okchi yak o̱ isht achifʋt, anonti ilap noshkobo pa̱shi akinli ho̱ ishit kasholinchi mʋt, iyi a̱ i̱ su̱ksoho̱wʋt, nan ahama balama ash o̱ isht a hʋmmi tok.

ʋBanumpa Luk Ʋt Holissochi Tok 7:44

Mihmʋt ohoyo a hikia ka pit filema mʋt, Ohoyo ilʋppa ish pisa cho? chim aboha ant chukowa li ma, chishno ʋto saiyi isht achifa he oka kapʋssa kia chik samo ke tuk: amba ilʋppak okʋto nishkin okchi yo̱ saiyi ya̱ isht achifa mʋt, ilap noshkobo pa̱shi ak o̱ isht kasholihinchishke.

Chan 13:10

Chisʋs ʋt, Ʋlhchifa tuk okʋto himmak ma ik ʋlhchifo ho̱ iyi ak bano kia, momʋt kashofa chatuk; yohmi ka hʋchishno ʋt hʋchi kashofa akinli kia, hʋsh moma keyushke.

Chan 13:6

Atuk osh Saimon Pita yash o̱ ont a hikia tok; mihma Saimon Pita yash ot, Chitokaka ma! saiyi ya̱ ish achifa chi̱ hoh cho? im achi tok.

Chan 13:8

Pita yash ot, Saiyi yak okʋno nitak nana chik sʋm achifo kashke, im achi tok. Chisʋs ʋt afalaminchi mʋt, Ak chi achifo hokma, is si ahalaia keyu hoke, im achi tok.

Chan 19:34

Yohmi kia tʋshka chipota ʋhleha yash ot achʋfʋt naksi a̱ na halupa ho̱ ishit bahli na ashali̱ka issish, micha oka aiena hosh auet fohopa tok.

Apostel isht Anumpa 22:16

Yohmi kʋt nanta katiohmi ho̱ himak a̱ ish ahchibali cho? wakaya cha, baptismot, Chitokaka ya̱ pit hochihi̱fot, nan chim ai ashʋchika puta kʋt kashofʋt chi̱ kʋniashke; achi tok.

1 Kolinhlian 6:11

Yohmi ka hʋsh kanimi kʋt yʋmma chohmi hʋchia hatuk oke. Yohmi tuk kia hʋchi ahchifa hatuk, mihmʋt hʋchi kashofa hatuk, yohmi kʋt Chihowa imi Shilombish pulla ho̱ Chitokaka Chisʋs i̱ hohchifo ho̱ isht a hʋchi ʋlhpiesa hoke.

Efeshan 5:26

Yʋmohmi kʋt oka isht achifʋt ʋbanumpa isht kashofʋt na hullochi cha,

1 Timohli 5:10

Yʋmmʋt hatak achʋfa tekchi atok, nan isht ʋtta achukma ka isht annoa achukma, ʋlla achukmalit hofantihinchi, hatak ik ithano nowʋt a̱ya ka nan im atahanli, ʋbanumpuli holitopa iyi kia im achihi̱fa, ilbʋsha ya̱ apelahanchi, nan isht ʋtta achukma puta ka achunanchi biekʋt isht ahanta cha tuk mak osh iba holissashke.

Heblu 10:22

Chu̱kʋsh ai a̱hli, micha i̱ yimmi ai a̱hli fehna, pi chu̱kʋsh mʋt issish o̱ fimmʋt, isht il il‐akostininchi ik achukmo ka ai i̱ filʋmmit, pi haknip okʋt oka kashofa achukma isht ʋlhchifa tuk aiena ho̱ isht i bili̱kasi il onashke.

1 Chan 1:7

Amba yʋmmak okʋt atohwikelika yo̱ anta hoka, pishno ʋt atohwikelika yo̱ il itʋnowa hokmʋto, iloh it ibai achʋfa. Yohmikma Ushi Chisʋs Klaist im issish ʋt nan ai ashʋchika ya̱ mominchit a hʋpi kashofi hoke.

1 Chan 5:6

Oka, micha issish aiena kak o̱ isht otʋnit a̱ya tok ʋt Chisʋs Klaist ilʋppak oke: oka yak o̱ illa keyu; amba oka, micha issish aiena tok. Mikma Shilombish ak osh ai a̱hli ka mak okʋt, Shilombish ak osh atokowa ka anoli hoke.

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,

Nan Otʋni 7:14

Mihma, A̱ shahli ma! yʋmmak okʋno ish ithanʋshke, im achi li tok. Mihma, Ilʋppa yakohmi kak osh na palʋmmi chinto ho̱ a̱sht kohchʋt a̱ya hosh, im ilefoka yash Chukfʋlhpobushi issish o̱ isht achifʋt tohbichi tok mak oke.

Nan Apesa 19:21

Yohmi mʋt ilap in chuka ishit chukowa cha, issuba haksobish falaia ipeta tok: mihma iyi ya̱ achifa cha, impʋt, micha nan ishko tok.

1 Samuel 25:41

Mihma wakaya mʋt, nashuka ya̱ aka pit isht akachunoli cha, Yakeh! chin tishu ohoyo hʋt peh tishu hosh a̱ shahli in tishu ʋhleha ha̱ iyi ya̱ achifa yashke, achi tok.