Chan 13:4 - Chahta Holisso Holitopa 1886

⁴ Okhlili impa a̱sha tuk ʋt wakayʋt, im anchi ash o̱ naksika pit bohli mʋt, tikba takali ishi cha, isht il ai ʋskofʋchi tok.

Chan 13:4 Iomraidhean Croise

2 Mi̱ko 3:11

Mihma Chehoshafat ʋt, Chihowa i̱ hopaii ʋt ilʋppa anta tuk o̱ tohnot Chihowa ya̱ il i̱ ponakla hinla keyu cho? achi tok. Mihma Islael i̱ mi̱ko in tishu ʋhleha achʋfa kʋt, Shafat ushi Elisha, yʋmmʋt Elichah ibbak a̱ oka on hlali yatuk ʋt yak antʋshke, achi tok.

ʋBanumpa Luk Ʋt Holissochi Tok 12:37

Chitokaka yʋt a̱yʋt ʋlʋt, o̱kchʋt a̱sha na ont pisa ka, tishu ʋhleha yʋmmʋt na‐yukpa mak oke: a̱hli mak o̱ hʋchim achi lishke, Ilap ash osh nan isht il ai ʋskufʋchit tahli cha, yʋmmak osh impa chi̱ ka binohlichikmʋt, wakayʋt nan isht im ʋtta hi oke.

ʋBanumpa Luk Ʋt Holissochi Tok 17:7

Yohmi ka hʋsh katima kak osh yuka hʋt im anta tuk ʋt yakni patʋffi hokmá, keyukmʋt wak ipeta hokmá, nana hosh anta tuk osh osapa mintit ʋla makinli ho̱, Iʋt ont binili cha, impá, im acha hinla̱?

ʋBanumpa Luk Ʋt Holissochi Tok 17:8

Amba yʋmmak o̱ keyukmʋt; Nana ho̱ opiaka impa la chi̱ ka atahli cha, il ai‐ʋskofʋchit chin taha cha, nan isht is sʋm anta na impʋt nan ishko aienʋt issa li ha yo̱, himmak o̱ impʋt nan ish ishkashke, im acha hinla keyu̱?

ʋBanumpa Luk Ʋt Holissochi Tok 22:27

A̱shʋt impa kak okmá, nan isht im anta kak okmá, nanta kak osh i̱ shahli yo̱? a̱shʋt impa kak keyu̱? yohmi kia ʋno ʋto nan isht im ʋtta mak o̱ chohmi hosh hʋchi ibafo̱ka lishke.

Chan 13:12

Yohmit iyi ya̱ im achifʋt taiyahli mʋt, im anchi ash ishi cha, falamʋt aka binili mʋt, Nana ka hʋchi̱ yʋmihchi li ka hʋsh ithana cho?

2 Kolinhlian 8:9

Hʋpin Chitokaka Chisʋs Klaist, yʋmmak okʋt nan in laua yatuk kia, hʋchishno pulla kak o̱ ilbʋsha yo̱ toba tok; yʋmmʋt nan ilbʋsha pulla hatuk mak o̱ na hʋchin laua chi̱ hatok ʋt hʋsh ithana hoke.

1 Chan 3:11

Iloh it i̱ hulla he anumpa ilʋppak o̱ ʋmmona mak inli ho̱ hʋsh haha̱klo tok.