Chan 13:1 - Chahta Holisso Holitopa 1886

¹ Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 13:1 Iomraidhean Croise

Mahlu 26:45

Yohmi mʋt nan im ai ithʋna aiasha kash o̱ ʋla mʋt, Himmak mak o̱ ma̱yʋt nusit hʋsh fohashke; inta! hʋshi kanʋlli ʋlhpisa hʋt ai ona mak oke; yohmi ka Hatak Ushi a̱ haksichit nan ashʋchi ʋhleha ibbak sa fohka chi̱ mak oke.

Mahlu 28:20

Nan oklu̱ha ka nana ho̱ hʋchim apesa li tuk a̱ holitobla he mak o̱ hʋsh im abahanchashke: yohmikma yakeh! ʋno ʋt hʋchi awant a̱ya li̱ bilia ho̱, yakni ʋt ont ai ʋhla hi oke, achi tok oke. Amen.

ʋBanumpa Luk Ʋt Holissochi Tok 22:53

Nitak moma hʋchi takla tempel a̱ anu̱kaka ya̱ ahanta li kʋno; ibbak nana kia hʋch ik si o̱ welo ke tuk; yohmi kia himak okʋto hʋchishno, micha aiokhlilika nana im aia̱hli aiena ka hʋchi̱ nitak mak okʋt, im achi tok.

ʋBanumpa Luk Ʋt Holissochi Tok 9:51

Atuk o̱ yakohmi tok: yʋmmak ash o̱ aiokpanchit ʋba ya̱ isht ia chi̱ nitak ʋt ont ʋlhpiesa hatuk o̱, Chelusalem a̱ ia chi̱ kʋt ai anukfoyukʋt nashuka ya̱ pit filimmi tok.

Chan 11:55

Atuk o̱ Chu okla nan im ʋbanʋblit ont ia yʋt ai ona̱ hosi tok; mihma ilap nan ai il atahlit ma̱ya chi̱ kʋt, nan‐ʋbanʋblit ont ia yʋt ik ai ono ki̱sha ho̱ yakni yʋmma a̱sht Chelusalem a̱ ia kʋt laua tok.

Chan 12:23

Mihma Chisʋs ʋt afalaminchi mʋt, Hatak Ushi ʋt a holitopa he tuk a̱ hʋshi kanʋlli ʋlhpisa kʋt ai onʋshke.

Chan 13:29

Chutas ak osh shukcha ya̱ ishi hatuk oka, ai impa holitopa a̱sha takla ka nana ho̱ pi bʋnna hinla ka chumpakmá, keyukmʋt ilbʋsha ʋhleha yak o̱ nanasi kia i̱ hopela hinlakmá, nana ho̱ Chisʋs ʋt i̱ miha hatuk a̱, kanimi kʋt im ahoba tok.

Chan 13:3

Chisʋs ʋt, I̱ki ʋt nana moma ka ilap ak o̱ ibbak a̱ fohki tok, micha ilapʋt Chihowa hak o̱ a minti ha tok osh, anonti Chihowa hak o̱ im ia chi̱ kʋt ithaiyana mʋt,

Chan 13:34

Hʋsh it i̱ hullo kʋt, ʋno ʋt hʋchi̱ hullo li tuk a̱ ohmichi hosh hʋchishno yak kia hʋsh it i̱ hulla he mak o̱, nan ʋlhpisa himona ka hʋch ima lishke.

Chan 14:28

Ia li tukmʋt, anonti falamʋt hʋchim a̱ya la hi oke, hʋchim achi li ka hʋsh ha̱klo kʋno. Hʋs sa̱ hullo hatuk okmʋt, A̱ki ak o̱ im ia li hoke, achi li tuk a̱ na hʋchi yukpa he tuk; A̱ki ʋt ʋmaiya hatuk oka.

Chan 14:31

Yohmi kia A̱ki a̱ holitobli li ka, yakni ʋt ithaiyana chi̱ ka, A̱ki ʋt nana ho̱ ʋm apihi̱sa tok a̱, mih mak o̱ yʋmihchi li hoke. Ho wakayá, kiloh ilhkolí.

Chan 16:28

A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.

Chan 17:1

Anumpa ilʋppa puta ka Chisʋs ʋt anumpohonli mʋt, ʋba pit ʋba chakali cha, A̱ki ma! hʋshi kanʋlli ʋlhpisa yʋt ai onʋshke. Chiso ha̱ ish holitoblichi na anonti chiso mʋt chi holitoblichi akinlashke.

Chan 17:16

Yakni a̱ ai immi keyu kʋt, ʋno ʋt yakni a̱ ai immi sia keyu kak inli ho̱ okla chiyuhmi hoke.

Chan 17:26

Yohmi na ilʋppak o̱ chi hohchifo ha̱ isht im anohonli li tuk osh, anonti anohonli la chi̱ hoke: yohmikma na‐holitobli ai isht is sa̱ hullo hatuk ʋt ilʋppak ma anukfoyuka na, anonti ʋno mʋt ai ibacha̱fa lashke, achi tok.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 18:4

Yohmi ma Chisʋs ʋt nana hosh ilapa̱ ai onʋtuyula chi̱ puta moma ka ithana hatuk okʋt, iʋt ont afamʋt, Kʋta ho̱ hʋsh hoyo cho? im achi tok.

Chan 19:28

Yakohmi ha ya, nan oklu̱ha kʋt ont ai ʋlhtaha ka, Chisʋs ʋt ithana hatuk osh, Holisso Holitopa yʋt ont ai a̱hla chi̱ ka, Sa tukshilʋshke, achi tok.

Chan 2:13

Mihma Chu okla i̱ nan‐ʋbanʋblit ont ia yʋt ai ona̱ hosi hatuk o̱, Chisʋs ʋt Chelusalem a̱ ia tok.

Chan 6:4

Mihma ʋbanʋblit ont‐ia Chu okla im impa holitopa yʋt ai ona̱ hosi tok.

Chan 7:30

Mihma okla ishi bʋnna tok; yohmi kia hʋshi kanʋlli isht ai im ʋlhpisa kʋt ik ai ono ki̱sha hatuk oka, hatak nana kia ibbak a̱ ik onocho ki tok.

Chan 7:6

Mihma Chisʋs ash ot, Ʋno ʋt ia la he ai ʋlhpiesa kʋto ik ai ono ki̱sha hoke; amba hʋchishno ʋto hʋsh ia hi ʋt hʋchim ʋlhpiesa bieka hoke.

Chan 8:20

Anumpa ilʋppa Chisʋs ʋt tempel anu̱kaka ya̱ nana ai ithʋnanchi hosh ahantʋt, tʋli holisso abohli yo̱ hiki̱a hosh anumpuli tok: hʋshi kanʋlli isht ai im ʋlhpisa kʋt ik ai ono ki̱sha hatuk o̱, hatak nana kia ibbak a̱ ik onocho ki tok.

Loman 8:37

Yʋmmak illa keyu, nan oklu̱ha ilʋppa puta ka ilap pi̱ hullo tuk pulla kak o̱ im aiyachi yak kia il i̱ shahli hoke.

1 Kolinhlian 1:8

Yʋmmak ash inli hosh hʋchi ai a̱hlihinchit ont ai ʋhli ka isht hʋch ona hi oke: yohmi ho̱ pin Chitokaka Chisʋs Klaist i̱ nitak fehna ka anumpa isht a hʋchi onʋtula hi ʋt iksho ka hi oke.

Heblu 3:14

Yohmi ka na pi yimmi ʋmmona tok ʋt ai a̱hli biekʋt ma̱ha̱yʋt ont ai ʋhli ka il ona hokmʋt, Chisʋs oka ibai achʋfa ʋhleha e toba hoke.

Heblu 3:6

Amba Klaist ʋto Ushi yosh in chuka achʋfa pehliechi ho̱ chiyuhmit ai a̱hli tok; yohmi ka ai okcha̱ya ya̱ na‐yukpʋt e hoho̱yo hosh Chisʋs Klaist il anukchieto kʋt, achunanchi ai a̱hli hosh ai ʋhli ka il ona hokmʋt, yʋmmak ash in chuka pia hoke.

Heblu 6:11

Mikmʋt ai okcha̱ya ishi la he ai ahnit, ai a̱hlit hʋchi yimmi hosh ont ai ʋhli ka hʋsh ona chi̱ kʋt, nana hʋsh a kaniohmi kash ot moyuma kʋt hʋsh achunancha he e hʋchim ai ahnishke.

1 Pita 1:13

Yʋmohmi hoka hʋchi chu̱kʋsh a̱ okchʋlit aiksiachi cha, ahah! ahnit, Chisʋs Klaist ʋt ant haiakakma, isht i̱ kana yosh hʋchim ʋla hi okʋt ai a̱hli bano hosh hʋsh hoho̱yashke.

1 Chan 4:19

Ilap ak osh ti̱kba pi̱ hullo tok oka, pishno ʋt yʋmma il i̱ hulloshke.

Nan Otʋni 1:5

Micha Nan atokowa anoli ai a̱hli, mikmʋt illi tuk osh falamʋt tani kʋt illi ʋhleha hak o̱ Ʋttahpi hosh holitopa i̱ shahli; micha mi̱ko yakni pakna ai asha puta I̱ shahli Chisʋs Klaist mak o̱ a minti hosh hʋchi anukfoyukashke. Hʋp i̱ hullo cha, na hʋpim ai ashʋchika puta hatuk ma ilap im issish ak inli ho̱ isht achifʋt hʋp i̱ kashofi cha,