Chan 12:43 - Chahta Holisso Holitopa 1886

⁴³ Hatak ai im aholitopa yak o̱ im achukma kʋt, Chihowa ai im a holitopa ka im i̱ shahli hatuk osh.

Chan 12:43 Iomraidhean Croise

Atʋloa 22:29

Yakni paknaka nia ʋhlehah moma kʋt impa cha, ayokpʋchih pulla hi oke; akka o̱ho̱na kʋt kʋnioht ilap inlit il okchalincha he keyu moma kʋt itikba ai ʋkahchunola hi oke.

Mahlu 6:2

Yohmi ka na hʋsh habenʋchi kʋt, isht‐pu̱fa ya̱ chi tikba yo̱ ai olachit, nan‐ilahobi ʋhleha hokʋto hatak puta kak o̱ im a holitopa chi̱ hosh sinakak anu̱kaka, micha ai itʋnowa puta ka a yʋmohmi chatuk oka, hʋch ik chohmo kashke: a̱hli mak o̱ hʋchim achi lishke, yʋmmak okʋto im ʋlhtomba chatuk oke.

ʋBanumpa Luk Ʋt Holissochi Tok 16:15

Mihma yʋmmak ash o̱, Hʋchishno ak osh hatak itikba ya̱ ai il achukmʋli hʋchia mak oke: yohmi kia Chihowa hʋt hʋchi chu̱kʋsh puta ka ithaiyanʋshke: nana kʋt hatak a̱ im a holitopa fehnakma, Chihowa hʋt ai i̱ nukkilli mak oke.

ʋBanumpa Luk Ʋt Holissochi Tok 19:17

Mihma yʋmmak ash o̱, Ʋlhpesa, tishu chi achukmʋshke; nana kʋt ik lauwo fehna kia aia̱hli chi achukma tuk okʋt, tʋmaha pokoli ho̱ ai i̱ shalhit ish pehlicha chi̱ kʋt a chim ʋlhpiesashke, im achi tok.

Chan 12:26

Hatak nana hosh ʋm antia hokmʋt, siakaiyashke; mikmʋt kanima yo̱ ai ahanta likma, yʋmmak o̱ an tishu hoh kia anta hi oke; hatak nana hosh ʋm antia hokma, yʋmmak o̱ A̱ki ʋt holitobla he mak oke.

Chan 5:41

Hatak o̱ ai im a holitopa hi ano ahni li keyushke.

Chan 5:44

Ilap bi̱ka ai it im aholitopa yak o̱ hʋsh aiahni cha, Chihowa ak illa ai im a holitopa hi ano hʋsh ahni keyu kʋt, katiohmi kak osh hʋchi yimma hinla cho?

Chan 7:18

Kʋna kia peh ilap ahni hosh anumpuli hokʋto ilap isht a holitopa he ak o̱ aiahni chatuk; amba auet kanchi tok ʋt nan‐isht a‐holitopa he ak o̱ aiahni hokʋto, yʋmmak osh aia̱hli, mikma nana ik ai ʋlhpeso nana kia ai a takali keyu hoke.

Chan 8:54

Chisʋs ʋt afalaminchi mʋt, Ʋno akinli hosh ile holitobli li hokma, na sa holitopa he mak keyu hoke. Hʋchin Chihowa hʋsh miha tuk A̱ki yʋmmak osh sa holitobli hoke.

Loman 2:29

Amba im anukfila anu̱kaka yokʋto Chu oke; mikma hakshup tʋpa yʋto chu̱kʋsh anu̱kaka yak oke; yʋmmak oka hatak okʋt ahninchi keyu, amba Chihowa yak oke.

Loman 2:7

Yohmi kʋt kʋna hosh nuktaiyalʋt achunanchit nan achukma yʋmohmi kʋt, isht a holitopa, micha isht annoa achukma, micha isht ai illa he keyu hoho̱yo hokʋno isht ai okcha̱ya bilia he im apesa hi oke.

1 Kolinhlian 4:5

Yʋmohmi hoka Chitokaka yʋt ik lo ki̱sha ka tikbalinchit nan isht anukfillit hʋch ik apeso kashke, yʋmmak osh ai okhlilika ya̱ nana kʋt a luma puta tuk a̱ otʋninchikmʋt, anonti chu̱kʋsh im anukfila puta hatuk ma haiakahancha hi oke; yʋmohmi ha ya hatak moma kʋt nana ai isha he ʋlhpesa tuk ʋt Chihowa ya̱ im ai isha hi oke.

2 Kolinhlian 10:18

Kʋna hoh kia ilap inli il ahninchi kak osh mihi yosh holitopa keyu, amba kʋna ho̱ Chitokaka ak osh ahninchik mak oh chatuk oke.

1 Hlessalonian 2:6

Micha hatak ak o̱ a holitopa e hoyo tuk keyu, hʋchishno, micha inla yak oh kia tok keyu, Klaist im apostel pia hʋt hʋchi̱ wekit na hʋch im a hoyocha he ʋlhpesa kia, e yʋmohmi tuk keyu.

1 Pita 3:4

Amba chu̱kʋsh anu̱kaka a toba hatak luma okpula himma keyu, anukfila yohbi, micha nuktanla isht shema yo̱ fehna yʋmmak ashke; ilʋppak osh nan ai ʋlli chinto fehna Chihowa hʋt ai ahni hoke.

1 Samuel 15:30

Yʋmohmi ma, Sai yoshubʋshke: yohmi kia himak ano ʋm okla im asʋnonchi ʋhleha itikba, micha Islael itikba ya̱ is sa holitoblit, fullotʋt si awant ish ia na chin Chitokaka Chihowa ya̱ aiokpʋchi lashke, chim asilhha lishke, achi tok.

1 Samuel 2:30

Yʋmohmi hoka Islael in Chitokaka Chihowa ʋt yak achishke, Chin chuka achʋfa, micha chi̱ki in chuka achʋfa ʋt sa tikba a noho̱wa na bilia hi oke, achi li mʋhli tok: yohmi tok kia himak ano Chihowa ʋt achi kʋt, Ak yohmo kashke; sa holitoblikma, yʋmmak oka holitobli la he, micha kʋna hosh sa shitilemakmʋt, ik ahobo ka hi oke.