Chan 12:3 - Chahta Holisso Holitopa 1886

³ Yohmi ma Meli ʋt spiknat nan‐ahama holitopa fehna weki achʋfa ka ishi cha, Chisʋs iyi ya̱ ishit a hʋmmi mʋt ilap pa̱shi akinli ho̱ iyi yash isht i̱ kasholichi tok: mihma nan ahama balama kʋt aboha yash alotowa tok.

Chan 12:3 Iomraidhean Croise

Atʋloa 132:2

Yʋmmʋt Chihowa ha̱ ʋnnumpah kʋllo im il ʋnumpulit, Chekob i̱ Hulittopa chinto ya̱ ʋnnumpah im il onucchih mʋt,

ʋBanumpa Luk Ʋt Holissochi Tok 10:42

Yohmi kia nana ai ʋlhpiesa hokʋto achʋfa hoke; yohmi ka ai im ai isha he keyu nana achukma mih mak o̱ Meli yokʋto ai apissali tuk oke, im achi tok.

ʋBanumpa Luk Ʋt Holissochi Tok 7:46

Chishno ʋto sa noshkobo ha̱ nan‐ahama isht chik sʋm a hʋmmo ke tuk; amba ohoyo ilʋppak okʋto saiyi ya̱ nan‐ahama isht ahʋmmishke.

Chan 11:2

Meli yʋmmak osh Chitokaka ya̱ pa̱shi ahama isht a hʋmmi cha, iyi ma ilap pa̱shi yo̱ isht i̱ kasholichi tok mak o̱ i̱ nakfi yosh Lasalʋs ʋt abeka ha tok.

Chan 11:28

Ilʋppa yakohmichit miha mʋt, iʋt itibapishi Meli a̱ lumasit ont i̱ howʋt, Nan‐ithʋnanchi ʋt ʋla cha, chi hoyoshke, achi tok.

Chan 11:32

Atuk o̱ Meli ash ot Chisʋs a hikia kash ona cha, pisa mʋt, iyi ituma ya̱ ont hlipia cha, Chitokaka ma! ilʋppa ant ish anta tuk okma, a̱ nakfi ʋt illa he tuk keyushke, im achi tok.

Chan 19:39

Yohmi ma Nikotemʋs ʋt nan ʋmmona ka ninak o̱ a̱yʋt Chisʋs a̱ pisa tok yʋmmak ash kia ʋla cha, mʋh micha aloes itibʋlhto kʋt weki tahlepa achʋfa foka ho̱ isht ʋla tok.