Chan 12:21 - Chahta Holisso Holitopa 1886

²¹ Yohmi hatuk osh yʋmmak ash ot Kalili yakni Betsaita tʋmaha a minti tuk, Filip ash im ai ona mʋt, Pi̱ shahli ma! Chisʋs a̱ pisa pi bʋnnʋshke, achit i̱ ponaklo tok.

Chan 12:21 Iomraidhean Croise

Mahlu 11:21

Kolasin ma! na chi̱ palʋmmi mak oke: Betsaita ma! na chi̱ palʋmmi mak oke; na‐fehna puta kʋt hʋchishno ya̱ hʋchim a yʋmohmi tuk ʋt Taia, micha Saiton aiena ka a yʋmohmi ha tok okma, hopaki kash inli ho̱ na pa̱shi tʋnna anchit hituk chubbi banot ma̱yʋt ilekostinincha he a tok oke.

Mahlu 2:2

Chu okla i̱ mi̱ko ʋtta tuk mʋto katimak o̱ ituyula cho? i̱ fochik a̱ hʋshi akochaka imma ya̱ il a pihi̱sa tuk osh aiokpʋchit il itʋnowa hatuk oke, achi tok.

Chan 1:48

Mihma Nahlanael ash ot, Katiohmit is sʋthana cho? im achi ma, Chisʋs ʋt afalaminchi mʋt, Filip ʋt ont ik chi hoyo ki̱sha ho̱, fik ʋpi nuta ya̱ ish a̱sha kak o̱, chi pi̱sa li kamo, im achi tok.

Chan 6:40

Micha Ushi a̱ pisa cha, yʋmmak ash i̱ yimmi hokʋto, momʋt ai‐okcha̱yʋt bilia ya̱ pisa he, ilʋppak o̱ auet sa kanchi tok ʋt aiahni hoke; yohmi ka nitak ont ishtaiyopikma yʋmmak ash o̱ falaminchit tanichi la hi oke.