Chan 12:16 - Chahta Holisso Holitopa 1886

¹⁶ Ʋmmona kʋno nan im ai ithʋna ʋhleha hʋt ilʋppa ik ai akostinincho ki tok; amba Chisʋs ʋt ont a holitopa ha yak o̱, nana kʋt yakohmi hosh yʋmma isht a holisso tok a̱, anonti okla hʋt nana kash ai i̱ yʋmihchi tok aiena ka ithaiyana tok.

Chan 12:16 Iomraidhean Croise

Mark i̱ Holisso 16:19

Yohmi mʋt Chitokaka yʋt ant im anumpuli mʋt, ʋba iʋt ʋba yakni a̱ ont chukowa cha, Chihowa im ibbak ishtimpakimma ya̱ a binili tok oke.

Mark i̱ Holisso 9:32

Yohmi kia anumpa yʋmma okla ik akostinincho; yohmi mʋt i̱ ponaklo nukshopa tok.

ʋBanumpa Luk Ʋt Holissochi Tok 18:34

Yohmi ma ilʋppa puta ka achi kia okla ik akostinincho ki tok: mihma anumpa ilʋppʋt im a luma na nana kʋt anumpa tuk ash kia okla ik ithaiyano ki tok.

ʋBanumpa Luk Ʋt Holissochi Tok 24:25

Mihma yʋmmak ash ot, Im anukfila iksho, hopaii ʋhleha hʋt anumpuli tok moma ka chu̱kʋsh isht yimma he sʋlaha hʋchia ma!

ʋBanumpa Luk Ʋt Holissochi Tok 24:45

Mihmʋt Holisso Holitopa ya̱ ithaiyana chi̱ ka, im anukfila nan‐isht akostininchi a̱ in tiwi tok.

ʋBanumpa Luk Ʋt Holissochi Tok 9:45

Yohmi kia anumpa ilʋppa okla ik akostinincho ki tok: mihma na miha kash ik im ai otano; yohmi hoka yʋmmak ash okla ik ai ithaiyano ki tok: mihmʋt anumpa yʋmmak ash im asilhhʋchi okla nukwia tok.

Chan 12:23

Mihma Chisʋs ʋt afalaminchi mʋt, Hatak Ushi ʋt a holitopa he tuk a̱ hʋshi kanʋlli ʋlhpisa kʋt ai onʋshke.

Chan 14:26

Yohmi kia nanuktalali, yʋmmʋt Shilombish Holitopa mak o̱ a̱ hohchifo pulla hatuk mak o̱ A̱ki ʋt auet kancha chi̱ hoka, yʋmmak osh nan oklu̱ha ka hʋch ithʋnanchit, nana ho̱ hʋchim ahanchi li tuk ma, moma falaminchit hʋchi anukfohka hi oke.

Chan 16:4

Yohmi kia nitak yʋmmʋt ai ona hokma, yʋmmak oka hʋchim anoli li tok a̱ hʋsh ithana he mak o̱, ilʋppa puta ka hʋchim anoli li hoke. Yohmi kʋt ʋno ʋt hʋchi ta̱kla anta li hokʋt, nana ʋmmona hokʋno ilʋppa puta ka ak hʋchim acho ki tok oke.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 2:22

Yohmi tok o̱ yʋmmak ash ot illi tuk ʋt falamʋt tani ma, ilʋppa im achi tok a̱, nan im ai ithʋna ʋhleha hʋt ithaiyana tok; mihmʋt Holisso Holitopa, micha Chisʋs ʋt anumpa anumpuli tok aiena ka okla yimmi tok.

Chan 7:39

Yohmi kia ilapa̱ i̱ yimmi ʋhleha hʋt Shilombish a̱ habena he yʋmmak o̱ isht anumpuli hosh ilʋppa miha tok: Chisʋs ʋt ont ik a holitopo ki̱sha hatuk o̱, Shilombish Holitopa yʋt ik a̱yo ki̱sha ha tok.

Apostel isht Anumpa 2:33

Yohmi ka Chihowa im ibbak isht impak imma a binilit holitopa, micha Shilombish Holitopa im ihi̱sa tuk ash, I̱ki ya̱ im ai ihi̱shi aiena hatuk makosh, ilʋppa auet fohohombli na, himonasi ka mihmak o̱ hʋsh pisa, micha hʋsh haha̱kloshke.

Apostel isht Anumpa 2:36

Yʋmohmi hoka, Islael okla moma kʋt, Chisʋs iti itaiyukhʋna hʋsh a takalichi chash fehna ka, Chihowa yʋt yʋmmʋt Chitokaka, micha Klaist aiena mak o̱, ikbi tok a̱, ithaiyana pullashke; im achi tok.

Apostel isht Anumpa 3:13

Eblaham micha Aisak, mikmʋt Chekob in Chihowa, micha hʋp i̱ki ʋhleha in Chihowa yʋt Ushi Chisʋs a̱ holitobli tok; yʋmmak oka Pailat ʋt ant ik iá, im ahni ʋlhpiesa tuk a̱ hʋchishno ʋt itikba hielit kanchit ibbak hʋsh fohki tok oke.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

Heblu 8:1

Nana isht il anumpohonli kash puta ka ilʋppak osh moma i̱ shahlishke: Na holitompa isht ʋtta chinto yakohmi hosh ʋba yakni Chihowa Chitokaka yʋt a binili kak o̱ isht impak imma yo̱ pi̱ binili hosh;