Chan 12:11 - Chahta Holisso Holitopa 1886

¹¹ Yʋmmak atuk pulla mak o̱ Chu ʋhleha laua kʋt yʋmma itʋnowʋt, Chisʋs a̱ ai i̱ yimmi kak a tok.

Chan 12:11 Iomraidhean Croise

Chan 11:42

Yohmi kʋt is sa haiyaklo a bilia chatuk a̱ ithaiyana li kʋno; yohmi kia okla ilʋppa hiohma̱ya kʋt, chishno ak osh auet is sa kanchi tok a̱ ai yimma chi̱ kak o̱, yʋmma achi li tuk oke, achi tok.

Chan 11:45

Yohmi ma Chu okla Meli a̱ im ai itahoba tuk osh, Chisʋs ʋt nana ka ai yʋmihchi na pisa mʋt, laua hosh i̱ yimmi tok.

Chan 11:48

Ilʋppa ant ik yohmí, iloh im ahni hokma, hatak moma kʋt i̱ yimma chi̱ hoke; yohmikma Loman okla hʋt ʋla cha, pi̱ yakni, micha pim okla talaia aiena kash ai okpʋnicha hinla hoke, achi tok.

Chan 12:10

Yohmi kia na‐holitompa isht a̱sha pehlichi ʋhleha hokʋto Lasalʋs ak kia aieninchit illicha hinla kʋt, isht it im anumpulit ma̱ya tok.

Chan 12:18

Yʋmmʋt na‐fehna ilʋppa yʋmihchi tuk a̱ okla ha̱klo tuk atuk osh, ilʋppak atuk pulla kak o̱ okla mak kia ont afama ha tok.

Chan 12:42

Yohmi kia nan apesa hochito̱ka ʋhleha hʋt i̱ yimmi kʋt laua akinli tok: yohmi kia sinakak a̱ a kohchicha hinla hatuk o̱, Falisi ʋhleha pulla kak o̱ yʋmmak ash i̱ yimmi hatuk ʋt okla ik otʋnincho ki tok.

Chan 7:31

Mihma okla la̱wʋt yʋmmak ash i̱ yimmi mʋt, Klaist ak osh ʋla hokmʋto, na‐fehna puta ka yʋmihchi kʋt, hatak ilʋppʋt ai yʋmihchi tuk puta ka i̱ shahlicha hinla ho̱? okla achi tok.

Apostel isht Anumpa 13:45

Yohmi kia Chu okla hʋto okla laua ya̱ pisa mʋt, nukhobelʋt alota mʋt, Pal ʋt nana anumpuli ka ik ahobalot na mihachit itachowʋt ma̱ya tok.