Chan 12:1 - Chahta Holisso Holitopa 1886

¹ Atuk o̱ nan ʋbanʋblit ont ia isht a̱sha chi̱ ka nitak hannalit takanli moma ho̱, Chisʋs ʋt Betani ak o̱ Lasalʋs ʋt ai illi tuk o̱ falaminchit tanichi tuk a̱ yʋmmʋt yʋmmak o̱ ai ʋtta chatuk o̱, ona tok.

Chan 12:1 Iomraidhean Croise

Mahlu 21:17

Mihmʋt yʋmmak ash o̱ issʋt tʋmaha a kohchʋt ia mʋt, Betani a̱ ona cha, yʋmmak o̱ ont nusi tok.

Mark i̱ Holisso 11:11

Mihma Chisʋs ʋt Chelusalem a̱ ont chukowʋt, tempel a̱ ont chukowa tok: micha nana puta kash filemoʋt pisʋt in taha, mihma opiʋt taha aiena hatuk o̱, auah‐tuklo kash o̱ pehlichi cha, pit kohchʋt Betani a̱ ia tok.

ʋBanumpa Luk Ʋt Holissochi Tok 24:50

Yʋmohmi tuk osh yʋmmak ash pehlichit kohchʋt iʋt Betani yokʋno isht ona tok: mihmʋt ilap ibbak ash ʋba pit wieli cha, yʋmmak ash holitoblit aiokpʋchi tok.

ʋBanumpa Luk Ʋt Holissochi Tok 7:37

Yohmi ma ohoyo nan‐ashʋchi yosh tʋmaha yʋmma anta tuk osh, Falisi in chuka ya̱ Chisʋs ʋt a̱sht impa na akostininchí mʋt, alabasta kotoba nan‐ahama balama ʋlhto ho̱ isht ona mʋt,

Chan 11:1

Hatak achʋfa Lasalʋs hohchifo, Meli micha itibapishi Mahla itatuklo in tʋmaha Betani ak o̱ ʋtta yosh abeka tok.

Chan 11:43

Yakohmichit anumpulit ont in taha mʋt, chitoli hosh anumpulit, Lasalʋs ma! auet kohchá, achi tok.

Chan 11:44

Mihma illi atuk ash ot ibbak, iyi aiena ka ahollopi ishit shema yʋt isht ʋlhfo̱wa ho̱ ant kohcha tok; mihma nashuka yano nantapʋski yosh isht ʋhlfoyuka tok. Mihma Chisʋs ʋt, Oh i̱ hotofi na ik iá, im achi tok.

Chan 11:55

Atuk o̱ Chu okla nan im ʋbanʋblit ont ia yʋt ai ona̱ hosi tok; mihma ilap nan ai il atahlit ma̱ya chi̱ kʋt, nan‐ʋbanʋblit ont ia yʋt ik ai ono ki̱sha ho̱ yakni yʋmma a̱sht Chelusalem a̱ ia kʋt laua tok.

Chan 12:12

Nitak ont atu̱kla ma okla laua kʋt ai‐impa holitopa ya̱ itʋnowa tuk ʋt, Chisʋs ʋt Chelusalem a̱ ʋla chi̱ hosh minti na okla haklo mʋt,

Chan 12:20

Mihma Klik ʋhleha kanimi kʋt ʋba pit aiokpʋchit a̱yʋt, ai impa holitopa a̱sha ka ai ʋla tuk ʋt takla ma̱ya tok.

Chan 12:9

Yohmi ma yʋmma ant anta ka Chu okla hʋt lauʋt akostininchi tok: mihmʋt Chisʋs ak bano kak o̱ keyu, amba Lasalʋs, yʋmmʋt illi tuk o̱, falaminchit tanichi tuk ash it aieninchit pisa chi̱ hosh okla ai ʋla tok.