Chan 11:51 - Chahta Holisso Holitopa 1886

⁵¹ Yohmi kʋt ilap nana aiahni hosh ilʋppa anumpuli ha tok keyu; amba afʋmmi yʋmma fehna ka na‐holitompa isht a̱sha pehlichi i̱ shahli hosh anta hatuk okʋt, Klaist ʋt okla yʋmma ʋlhtobʋt illa he.

Chan 11:51 Iomraidhean Croise

Eksotʋs 28:30

Micha nanisht apesa ikkishi alata ya̱ Ulim micha Hlummim a̱ ish fohkashke; atukma Alon ʋt chukowʋt Chihowah itikba onakmʋt chu̱kʋsh a̱ onochit shaiyalashke, micha Islael im ʋlla ʋhleha nan im aiʋlhpiesa ya̱ Alon ʋt chu̱kʋsh onochit shaiyalit Chihowah itikba hikia na biliashke.

Numbas 22:28

Mihma Chihowah yʋt issuba nashoba im itih ha̱ wakʋmmi na, Balaam a̱, Nanta chi katiohmichi li ho̱ ilʋppa ont isht atuchina mak o̱ issʋsso cho? im achi tok.

Numbas 24:2

Atuk osh Balaam ʋt akachakali mʋt Islael ʋt apehlichika ʋlhpisa i̱ binah puta aiasha na pisa tok, mihma Chihowah im ishilombish ʋt onʋtola tok.

Mahlu 20:28

Hatak Ushi ʋt ilapo ak o̱ nan isht im ʋtta chi̱ ho̱ a̱ya ha tok keyu: amba nan isht ʋtta chi̱, mikmʋt laua ho̱ ilap im ilhfiopak a̱ isht chumpa chi̱ aiena hosh a̱ya tok a̱, mih mak o̱ hʋsh chiyuhmashke, achi tok.

Chan 10:15

A̱ki ʋt sʋthana ka, ʋno mʋt A̱ki a̱ ithana li akinli koke; yohmi hosh chukfʋlhpoba ya̱ isht ʋlhtoba ho̱ ʋm ilhfiopak a̱ aka bohyuli lishke.

Chan 11:49

Mihma achʋfʋt Kaiafas hohchifo hosh afʋmmi yʋmma fehna ka na holitompa isht a̱sha pehlichi i̱ shahli a̱ ai ibafohka hatuk osh, Nana ka hʋch ik akostinincho kʋmohmishke.

Chan 18:13

Mihmʋt yʋmmak osh Kaiafas ʋt afʋmmi yʋmma fehna ka na holitompa isht a̱sha pehlichi i̱ shahli yatuk o̱, yʋmma ipochi yatuk oka Annas ak o̱ ti̱kba okla isht im ona tok.

1 Kolinhlian 13:2

Yohmi ka Shilombish anukfoyukʋt anumpuli na holhpela ka ieshi li, micha nan ik otano ki tok moma ka akostininchi li, micha nan ithana moma ka ieshi li, yohmi cha na yimmi moma ma ieshi li, yohmi hokʋt nʋnih hochito puta ka kanʋllichi la hinla kia, nan i̱ hullo yʋt ik sʋm iksho hokmʋto, nana ho̱ sia keyu hoke.

2 Kolinhlian 5:21

Yʋmmak atuk mak o̱ Chihowa nan isht im ai ʋlhpiesa e toba chi̱ ka, yʋmmʋt nan ashʋchi ithaiyana tok keyu ka, yʋmmak ash o̱ Chihowa yʋt nan ashʋchi yo̱ pim ikbi tok.

Kaleshan 3:13

Klaist ʋt pi ʋlhtobʋt na hotopa onʋtula toba cha, ʋba nan ʋlhpisa isht a hotopa ya̱ a chumpʋt pi falaminchi tok; holisso kʋt, Kʋna kia iti a̱ atakalikmʋt, na hotopa anumpa hosh onʋtula hoke, achi hoke.

1 Pita 2:24

Yʋmmak osh nan il ai ashʋchika ya̱ ilap haknip fehna ak o̱ ilap inlit il onochi hosh iti ya̱ takali tok: yohmi ho̱ nan ai ashʋchika puta il im ihinli hosh, nan ai ʋlhpiesa ya̱ il im okcha̱ya chi̱ ha tok: yʋmmʋt fahama tok ak o̱ isht hʋchi hlakofi hoke.

1 Pita 3:18

Yohmi ka Klaist ak kia himonna ma nan ai ashʋchika pulla kak o̱ ai ʋlhpesa yʋt ik ai ʋlhpeso yak o̱ ʋlhtobʋt isht ilbʋsha tok; yohmi hosh pi pehliechit Chihowa ya̱ isht pim ona chi̱ ha tok: haknip okʋto illi ha tok kia, amba shilombish okʋto okcha̱ya tok:

1 Chan 2:2

Yʋmmak osh na pim ai ashʋchika ya̱, ʋlhtoba kʋt pishno pimmi hak bano keyu, amba yakni moma nan ashʋchi aiena ka oklu̱ha ʋlhtoba mak oke.

1 Samuel 23:9

Mihma Sal ʋt lumʋt nana ik achukmo ka yʋmihchit i̱ sanali ka Lewi ʋt ithana tok: micha Abiahla naholitompa isht ʋtta ya̱, Efot a̱ isht ish lashke, im achi tok.

1 Samuel 28:6

Mihma Sal ʋt Chihowa ya̱ i̱ ponaklo kia, Chihowa ʋt afalamichit nana ik acho tok, holhpokna hokma, Ulim okma, hopaii okma, nana kia isht ik im anolo tok.