Chan 11:4 - Chahta Holisso Holitopa 1886

⁴ Mihma ilʋppa Chisʋs ʋt haklo mʋt, Nan abeka ilʋppʋt isht ai illa hi o̱ keyu hoke; amba Chihowa ʋt isht a holitopa na Chihowa Ushi ʋt yʋmmak o̱ isht a holitopa chi̱ mak oke, achi tok.

Chan 11:4 Iomraidhean Croise

Eksotʋs 16:7

Atuk osh onnahinlikma Chihowah a holitopa ya̱ hʋsh pisa chi̱ hoke, Chihowah i̱ sanalit hʋsh nanumachi ka̱ haklo hoka; mikma pishno ʋt nanta pia hatuk o̱ nan ish pi nanumanchi cho? achi tok.

Chan 10:38

Amba yʋmihchi li hokmʋno, ʋno ak okʋno hʋch ik sa̱ yimmo hoh kia, nana kʋt a kaniohmi yʋmmak o̱ hʋchi yimmi cha, A̱ki ʋt auet a si acha̱fakma, anonti ʋno ʋt ilap a pit ai acha̱fa li ka, akostininchit hʋchi yimmashke, im achi tok

Chan 11:40

Mihma Chisʋs ʋt, Chi yimmi hokmʋt, Chihowa isht a holitopaka ya̱ ish pisa hinla hoke, ak chim acho ke tuk oh cho? im achi tok.

Chan 12:28

Chi̱ hohchifo ha̱ ish holitoblichashke, A̱ki ma! achi tok. Yohma ma ʋba ya̱ auet ai anumpa kʋt, Yʋmmak oka holitoblichi li tuk osh, anonti himmakma holitoblichi la chi̱ akinli hoke, achi tok.

Chan 17:1

Anumpa ilʋppa puta ka Chisʋs ʋt anumpohonli mʋt, ʋba pit ʋba chakali cha, A̱ki ma! hʋshi kanʋlli ʋlhpisa yʋt ai onʋshke. Chiso ha̱ ish holitoblichi na anonti chiso mʋt chi holitoblichi akinlashke.

Chan 17:10

Yohmi ka ʋmmi hʋt momʋt chimmi hokma, anonti chimmi hʋt ʋno a̱ ʋmmi makinli hoke: yohmi hoka ʋno ʋt yʋmma isht a sa holitopa hoke.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 2:11

Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.

Chan 8:54

Chisʋs ʋt afalaminchi mʋt, Ʋno akinli hosh ile holitobli li hokma, na sa holitopa he mak keyu hoke. Hʋchin Chihowa hʋsh miha tuk A̱ki yʋmmak osh sa holitobli hoke.

Chan 9:24

Yohmi ma atu̱kla ma hatak lʋpa yatuk ash o̱ okla hoyo mʋt, Chihowa yak o̱ pit holitoblichí, hatak ilʋppak okʋto nan ashʋchi a̱ il im ithana hoke, im achi tok.

Chan 9:3

Chisʋs ash ot afalaminchi mʋt, Hatak ilʋppak okmá, keyukmʋt i̱ki, ishki ita‐tuklo ka a kanima kak osh nana ashʋchi tok o̱ keyu hoke; amba Chihowa nan‐isht im ai a̱hlika yʋt ilʋppak o̱ isht ai otʋna he mak o̱, ai yakohmi tok oke.

Loman 11:11

Yakohmi hoka ibetʋbli hatuk ak osh isht ai itulʋt kʋnia ho̱? Ik yʋmohmo pullashke: amba isht ai itula hatuk pulla kak o̱ isht ai okcha̱ya yʋt Chentail a̱ im ʋla ho̱ isht a nukta̱hlahancha chi̱ hatok oke, achishke.

Filippian 1:11

Yʋmohmit Chisʋs Klaist ak atuk mak o̱ nan ai ʋlhpiesa isht ai ʋni isht a hʋchi alotowa na, Chihowa yʋt isht a holitopʋt isht anumpa he yak oke.

Filippian 1:20

Yʋmmak a he ahni li fehna kʋt, nana kia isht sa hofahya he keyu, amba nukwa̱ya iksho kʋmohmit ai yʋmohmi chatuk ʋt, a moyuma chi̱ ho̱ si okcha̱ya hokmá, sʋlli hokmá, nana kia Klaist ʋt sa haknip a̱ isht a holitopa hi a̱ ahni li hoke.

1 Pita 1:21

Hʋchishno yʋt yʋmmak atuk pulla kak o̱ Chihowa ha̱ hʋch i̱ yimmi pulla kʋt, yʋmmak osh illi tuk a̱ falaminchit tanichi cha, isht a holitopa ka ima tok oka; ai okcha̱ya ya̱ Chihowa yak o̱ im ai ishi la he ai ahnit, hʋch i̱ yimmashke.

1 Pita 4:11

Hatak kanima hosh anumpuli hokmʋt, Chihowa im anumpa hʋt abʋchi kak o̱ anumpulashke; hatak kanima hosh ʋbanumpuli ilbʋsha ya̱ nan isht im ahanta hokmʋt, Chihowa hʋt kanimihchit hlampkochi kak o̱ isht ahantashke: yohmi na Chihowa hʋt Chisʋs Klaist ak atuk pulla kak o̱ nan oklu̱ha ka isht a holitopashke, yʋmmak o̱ isht a holitopa, mi̱kot ahantʋt bilia yʋt immit biliashke. Amen.

1 Pita 4:14

Klaist hohchifo ak atuk pulla kak o̱ isht ik hʋchi ahobalo hokma, hʋchi yukpa hoke; yohmi kʋt isht a holitopa Shilombish, micha Chihowa imi Shilombish ʋt hʋchi onʋtuyula hoke; yʋmmʋto Klaist a̱ isht ik ahobalot isht anumpohonlikma, amba hʋchishno yokʋto hʋsh holitobli hoke.