Chan 11:2 - Chahta Holisso Holitopa 1886

² Meli yʋmmak osh Chitokaka ya̱ pa̱shi ahama isht a hʋmmi cha, iyi ma ilap pa̱shi yo̱ isht i̱ kasholichi tok mak o̱ i̱ nakfi yosh Lasalʋs ʋt abeka ha tok.

Chan 11:2 Iomraidhean Croise

Mark i̱ Holisso 14:3

Mihma yʋmmak ash osh Betani tʋmaha Saimon leplosi‐ʋbi a tok in chuka yo̱ impa hosh a̱sha ma, ohoyo hʋt spiknat nan‐ahama toba ho̱ alabasta kotobushi ʋlhto, holitopa fehna ho̱ i̱shi hosh ʋla tok: mihmʋt kotobushi ash o̱ koli mʋt, yʋmmak ash o̱ noshkobo ha̱ o̱ fohopli tok.

ʋBanumpa Luk Ʋt Holissochi Tok 7:13

Mihma Chitokaka yʋt ishki atuk a̱ pisa mʋt, i̱ nukha̱klo cha, Ish yaiya ná, im achi tok.

ʋBanumpa Luk Ʋt Holissochi Tok 7:19

Mihma Chan ash ot ilap nan im ai ithʋna ya̱ tu̱klot hoyo cha, Chisʋs a̱ pit in tihleli mʋt, Chishno ak osh a̱ya he tuk mak o̱ chia hokmá, ak chu? himmak pilla hak o̱ inla yo̱ e hoya chi̱ cho? achi tok.

Chan 11:21

Mihma Mahla ʋt Chisʋs ash o̱, Chitokaka ma! ilʋppa ant ish anta tuk okma, a̱ nakfi ʋt illa hetuk keyushke.

Chan 11:3

Yohmi hatuk o̱ in tek tuklo kash ot yʋmmak ash pit im anolit, Yakeh! Chitokaka ma! ish holitobli chatuk ʋt abekʋshke, achi tok.

Chan 11:32

Atuk o̱ Meli ash ot Chisʋs a hikia kash ona cha, pisa mʋt, iyi ituma ya̱ ont hlipia cha, Chitokaka ma! ilʋppa ant ish anta tuk okma, a̱ nakfi ʋt illa he tuk keyushke, im achi tok.

Chan 12:3

Yohmi ma Meli ʋt spiknat nan‐ahama holitopa fehna weki achʋfa ka ishi cha, Chisʋs iyi ya̱ ishit a hʋmmi mʋt ilap pa̱shi akinli ho̱ iyi yash isht i̱ kasholichi tok: mihma nan ahama balama kʋt aboha yash alotowa tok.

Chan 13:13

Ʋno a̱, Na pithʋnanchi, pin Chitokaka hʋs si achi; yohmi ka mih sia ho̱ mʋhli hoka, ʋlhpesa hʋsh mihʋshke.

Chan 13:14

Yohmi kia ʋno ʋt hʋchin Chitokaka, micha na hʋch ithʋnanchi sia hatuk osh, hʋch iyi ya̱ hʋchim achifa li hatuk okma, hʋchishno ak kia hʋchishno bi̱ka iyi ya̱ hʋsh it im achifa he ʋlhpesa hoke.