Chan 10:4 - Chahta Holisso Holitopa 1886

⁴ Atuk osh in chukfʋlhpoba yash kocha welit tahlikmʋt, tikba im iakma, itih ola ka, ithana hatuk okʋt, chukfʋlhpoba yash ot apehʋt ia chatuk.

Chan 10:4 Iomraidhean Croise

Mahlu 16:24

Yohmi mʋt nitak yʋmma foka ma Chisʋs ʋt nan im ai ithʋna ʋhleha hash o̱, Hatak nana hosh siakaiya bʋnna hokmʋt, ile kaiyanchi cha, im iti‐taiyukhʋna ya̱ sholi hosh siakaiyashke.

Chan 10:16

Yohmi kʋt chukfʋlhpoba inla mʋt ilʋppa a̱shaka ai achʋfa keyu kʋt ʋm a̱sha hoke: yʋmmakma pehlichit ʋla likma, ʋm anumpa ha̱ hakla hi oke: yohmikma aiasha ʋt achʋfakma, anonti chukfʋlhpoba apesʋchi ʋt achʋfa hi oke.

Chan 10:27

An chukfʋlhpoba ʋto ʋm anumpa ha̱ haklokma, anonti ʋno ʋt ilap ma ithana li ho̱, a si apeha chatuk.

Chan 10:3

Yʋmmak o̱ okhissa apesʋchi atuk ʋt in tiwikma, itih ola ka, chukfʋlhpoba yʋt ithana; yohmi hatuk oka in chukfʋlhpoba atuk ash hohchifo aiyuka hochifot pehlichit kohcha chatuk.

Chan 10:5

Yohmi kia inla itih ola hokʋno ik ithano hatuk osh, api̱hʋt ia he keyu hosh, amba i̱ filʋmmit yihlepa chatuk oke, im achi tok.

Chan 10:8

A sa ti̱kba a̱ya tok puta kʋto hu̱kopa, mikmʋt nawehpuli bano ha tok: yohmi hatuk o̱ chukfʋlhpoba yʋt yʋmmak okʋno ik i̱ haponaklo ki tok.

Chan 12:26

Hatak nana hosh ʋm antia hokmʋt, siakaiyashke; mikmʋt kanima yo̱ ai ahanta likma, yʋmmak o̱ an tishu hoh kia anta hi oke; hatak nana hosh ʋm antia hokma, yʋmmak o̱ A̱ki ʋt holitobla he mak oke.

Chan 13:15

Ʋno ʋt a hʋchi̱ yʋmihchi li tuk mak o̱ hʋsh a chiyuhmicha he mak o̱, na hʋchim abʋchi li hatuk oke.

Chan 18:37

Yohmi hatuk o̱ Pailat ash osh, Mih kʋto mi̱ko chia akinli hotuma? im achi ma, Chisʋs ʋt afalaminchit, Mi̱ko sia mak atuk o̱ ish mihʋshke. Nan ai a̱hlika atokolit anoli la he ilʋppak osh sa toba cha, anonti ilʋppa pulla hatuk mak o̱ a̱yʋt yakni a̱ ʋla li tuk oke. Nan ai a̱hlika yo̱ anukfoyuka aiyukali hokʋto, ʋm anumpa ha̱ haponaklo bano hoke, achi tok.

Chan 3:29

Ohoyo himona hatak auwaya ka ilaueli kak osh, yʋmmʋt hatak himona ohoyo itauwaya mak oke: amba himona ohoyo itauwaya i̱ kana hokʋto himona ohoyo itauwaya anumpuli pulla kak o̱ hiki̱ʋt i̱ haponaklot isht a yukpa chinto hoke: yohmi ka na sai yukpa ilʋppʋt isht aia̱hli mak oke.

1 Kolinhlian 11:1

Ʋno ʋt Klaist a̱ iakaiya sia akinli ho̱ chohmit, siakaiya hʋchia hashke.

Efeshan 5:1

Yʋmohmi hoka ʋlla holitopa yo̱ chiyuhmit Chihowa ya̱ hʋsh iakaiyashke.

Tutelonomi 1:30

Hʋchin Chitokaka Chihowah ak osh hʋchi tikba iʋt hʋsh pi̱sa ho̱, Echip a̱ hʋchim a yʋmihchi tok moma ka̱ chohmit hʋchim itiba chi̱ hoke.

Heblu 12:2

Chisʋs nan isht a pi yimmi ka pi nukfohkichi, micha atahli, yʋmmak osh nan isht ilaiyukpa yʋt itikba auet takali kak osh ʋlhpesa ahnit, ititaiyukhʋua ya̱ takalit, nan isht a hofahya nan isht ik im ahobo tok osh, Chihowa ai o̱ binili holitompa isht impakimma yak o̱ binili ka hʋsh pihi̱sashke.

Heblu 6:20

Yʋmmak oka pin tikba‐heka, Chisʋs ʋt chukowʋt, Melkisetek atok a̱ chiyuhmit na holitompa isht ʋtta chinto bilia toba tok oke.

1 Pita 2:21

Yohmi ka ilʋppak o̱ hʋsh yʋmohma he osh hʋchi ʋlhtoka tok; pishno ak atuk pulla mak o̱ Klaist ak kia ilbaha̱sha kʋt, ilap a noho̱wa tok a̱ il iakaiya he mak o̱ pim abahanchi hatok oka:

1 Pita 4:1

Yʋmohmi ka Klaist ʋt hʋchishno yak atuk pulla kak o̱ haknip a̱ isht ilbaha̱sha tok a̱, chiyuhmit hʋchishno yak kia im anukfila hatok chiyuhmi ka hʋsh il ataiyahli mak inlashke: yohmi ka haknip a̱ isht ilbaha̱sha tok ʋt nan ai ashʋchi ya̱ issʋt ai i̱ filʋmmi ha tok oke:

1 Pita 5:3

Yohmi kʋt Chihowa immi hoka i̱ shahli chiyuhmit ahanta he keyu, amba chukfʋlhpoba ya̱ nan isht im ʋlbʋchi ya he tuk.