Chan 10:3 - Chahta Holisso Holitopa 1886

³ Yʋmmak o̱ okhissa apesʋchi atuk ʋt in tiwikma, itih ola ka, chukfʋlhpoba yʋt ithana; yohmi hatuk oka in chukfʋlhpoba atuk ash hohchifo aiyuka hochifot pehlichit kohcha chatuk.

Chan 10:3 Iomraidhean Croise

Atʋloa 80:1

Islael ʋpesʋchi, Chosef a̱ ʋlhpoa chipinta chomihchit pehliechit isht a̱ya chia hʋt et ish hʋponaklashke; chelubim paknaka binnili chia hʋt et ish tombashke.

Eksotʋs 33:17

Mihma Chihowah yʋt Moses a̱, Ish anumpuli tuk, ilʋppak kia yʋmihchi la chi̱ hoke. Ʋm isht i̱ kana ya̱ ish ahayuchi tuk okʋt, micha chi hohchifo ha̱ ithana li hoke, im achi tok.

Chan 10:14

Ʋno ak osh chukfʋlhpoba apesʋchi achukma sia hoke; an chukfʋlhpoba ya̱ ithaiyana li hoke; mikma anonti ʋmmi hʋt ʋno a̱ sʋthana hoke.

Chan 10:16

Yohmi kʋt chukfʋlhpoba inla mʋt ilʋppa a̱shaka ai achʋfa keyu kʋt ʋm a̱sha hoke: yʋmmakma pehlichit ʋla likma, ʋm anumpa ha̱ hakla hi oke: yohmikma aiasha ʋt achʋfakma, anonti chukfʋlhpoba apesʋchi ʋt achʋfa hi oke.

Chan 10:4

Atuk osh in chukfʋlhpoba yash kocha welit tahlikmʋt, tikba im iakma, itih ola ka, ithana hatuk okʋt, chukfʋlhpoba yash ot apehʋt ia chatuk.

Chan 10:9

Ʋno ak osh okhissa sia hoke: hatak nana hosh ʋno ak o̱ si a chukowa hokʋto, okcha̱ya he: micha pit chukoho̱wʋt, anonti kohonchʋt, ai‐impa ya̱ ahayuhoncha hi oke.

Chan 6:37

A̱ki ʋt ʋma hokʋno momʋt ʋm ʋla hi oke; mikma kʋna hosh ʋm ʋla hokʋno, ik kaniohmi kia falaminchit kocha pit tobli la he keyu hoke.

Chan 6:45

Mihmʋt momʋt Chihowa yak o̱ nan im ai ithʋna he, achi kʋt hopaii puta i̱ holisso ha̱ a holisso tok. Yohmi hatuk o̱ hatak ʋt A̱ki a̱ im a haponaklot, nana ka im ai ithʋna aiyuka hokʋto, ʋm ahanla hoke.

Loman 8:30

Anonti tikbanli atokohonli hatok okʋto hoyo mak inli tok: mihmʋt hoyo hatuk okʋto ai ʋlhpiesʋchi mak inli tok: mihmʋt ai ʋlhpiesʋchi hatuk okʋto ilap isht aholitopa yo̱ ib ai isha he im ai ahni tok.

1 Kolinhlian 16:9

Okhissa yʋt chito, mikmʋt ʋm ai a̱hla hi ʋt an tiwa, mikma a̱ sanali ʋt laua hoke.

Filippian 4:3

Mikmʋt chishno itiba toksʋli li a̱hli ak kia chim asilhha lishke, ohoyo yʋmmʋt ʋbanumpa ha̱ isht sʋba toksʋli tuk, micha Klement, micha sʋba toksʋli ʋhleha inla aiena, yʋmma hohchifo hʋt holisso okcha̱ya a takali ka, ish apelahanchashke.

Koloshan 4:3

Yohmi mak inlit Klaist im anumpa luma yatok, micha yʋmma pulla kak o̱ sa talakchi ak inli tuk ʋt isht anumpuli la he, okhissa ya̱ Chihowa yʋt pin tiwa hi a̱, isht hʋsh anumpohonli mak inlashke.

2 Timohli 2:19

Yohmi kia Chihowa im intolahpi yʋt kʋllo ai a̱hli hoke: anumpa ilʋppak osh ai o̱ holisso kak o̱, Ilap immi ka Chitokaka yʋto ithana hoke. Mikmʋt Klaist hohchifo hochihi̱fo kʋt moyumʋt nan ai ʋlhpesa keyu ka i̱ filʋmmashke.

1 Pita 1:12

Yʋmmak ash o̱ im otaiyani kʋt, ilap ak atuk ak o̱ yohmi keyu; amba pishno ak atuk mak o̱ nana ka otʋnihinchi tok yʋmmak ash himonasi ka ʋbanumpa ha̱ Shilombish Holitopa ʋba yakni mihinti hosh awant a̱ya ho̱, isht hʋchim anumpohonli kash osh hʋchim anohonli tok; nana yʋmma puta kash enchil ʋhleha hokʋt akostininchi bahana fehna hoke.

1 Chan 4:6

Pishno ʋt Chihowa ak o̱ immi hʋpia hoke; kʋna hosh Chihowa ya̱ ithana hokmʋto, hʋpi̱ haponaklo: kʋna hosh Chihowa ya̱ immi keyu hokʋto, ik hʋpi̱ haponakloshke. Ilʋppak o̱ shilombish ai a̱hli, mikmʋt shilombish na yoshubli aiena ka isht il akostininchishke.

3 Chan 1:14

Yohmi kia chekosikma chi pisʋt, nashuka ai it atokowʋt isht chim anumpuli la chi̱ ka ʋm ahoba hoke, Nan isht il ai yukpa yʋt chi anukfoyukashke. Pi̱ kana ʋhleha hʋt pit chi ai okpʋchishke. Il iti̱ kana ʋhleha ha̱ hochifo cha, pit ish ai okpʋchashke. Amen.

Nan Otʋni 20:15

Yohmi ka holisso ai okcha̱ya ya̱ a holisso tuk osh otʋni keyu hokʋto okhʋta luak mak o̱ pit a kʋnia tok.

Nan Otʋni 3:20

Yakeh! okhissa ya̱ hikiʋt suko̱ho̱ha lishke: Kʋna hosh ʋm anumpa ha̱ haklo cha, okhissa ya̱ tiwi hokma, iba chukowa lish, ibai impa likma, anonti ilap mʋt sʋbai impa chi̱ mak oke.

Nan Otʋni 7:17

Chukfʋlhpobushi ai o̱ binili holitompa iklʋnna binili yʋmmak osh impʋchit, pehlichit oka kʋli okcha̱ya hiohli puta ka isht oho̱na he: yohmikma Chihowa ak osh nishkin okchi puta ma mominchit i̱ kasholichit tahla he mak oke, ʋm achi tok.