Chan 10:21 - Chahta Holisso Holitopa 1886

²¹ Inlaka yokʋto, Ilʋppak okʋt nan‐isht‐ahullo okpulo il ai i̱shi ho̱ im anumpa keyushke. Nan‐isht‐ahullo okpulo ʋt lʋpa nishkin a̱ fatumma hinla ho̱? achi tok.

Chan 10:21 Iomraidhean Croise

Atʋloa 146:8

Chihowa hʋt nishkin lʋpa ʋhleha ha̱ i̱ fʋtummi yoke; Chihowa hʋt ʋkahchunnoli ʋhleha ha̱ ʋkahchʋkalichi yoke; Chihowa hʋt ai ʋlhpiesa ʋhleha ha̱ i̱ hullo yoke.

Atʋloa 94:9

Haksubish a̱ ikbit hilechi tok ʋt hakla he keyu hoh choh? nishkin a̱ ikbi tok ʋt pisa he keyu hoh choh?

Eksotʋs 4:11

Mihma Chihowah yʋt, Kʋta hosh hatak itʋkha ikbi tok oh cho? micha kʋta hak osh ik anumpulo, micha ik haponaklo, micha pisa, micha ik hopo̱koyo ikbi hoh cho? Chihowah sia hoh keyu cho?

Eksotʋs 8:19

Mihma yushpakʋmmi ʋhleha hʋt Falaoh ya̱, Ilʋppʋt Chitokaka ibbak ushi yoke, im achi tok: mihma Chihowah yʋt achi tuk mak o̱, Falaoh chu̱kʋsh ʋt kʋllo tuk osh ik i̱ haponaklo tok.

Mahlu 11:5

Lʋpa yʋt hopo̱koyo ma, imomokpulo yʋt nowa; leplosi ʋbi okla hʋt i̱ kashofa; mikma ik haponaklo yʋt haponaklo; illi tuk ʋt tani; mihma ilbʋsha puta ka ʋbanumpa hʋt isht im anuhumpʋshke.

Mahlu 4:24

Mihma isht annoa kʋt Silia moma ka ont hlopulli tok; mihma okla hʋt abeka ilaiyuka puta isht issikkopa hatuk; micha nan isht‐ahullo okpulo ai i̱ fo̱ka hatuk; mihmʋt tasimbo yatuk; micha palsi isht abeka yatuk moyuma ka okla isht im ai ona tok; mihma yʋmmak ash hlakofolichi tok.

Chan 10:22

Hʋshtula yo̱ tempel a̱ himonʋchit Chitokaka pit im issa impa hosh Chelusalem a̱ a̱sha ho̱, yohmi tok.

Chan 9:6

Ilʋppa mak achit ont issa mʋt, yakni a̱ on tofʋt, lukfi a̱ itukchi ishit yʋmʋslit tahli mʋt, hatak lʋpa nishkin a̱ lukfi ash o̱ isht im apolusli tok.