Chan 10:2 - Chahta Holisso Holitopa 1886

² Amba okhissa yak o̱ pit a chukowa hokʋto, yʋmmak osh chukfʋlhpoba ya̱ apesʋchi mak oke.

Chan 10:2 Iomraidhean Croise

Atʋloa 23:1

Chihowa hʋt chukfʋlhpoba chomihchit si ʋpesʋchi yatuk o̱, nanah sʋ bʋnna he keyushke.

Atʋloa 80:1

Islael ʋpesʋchi, Chosef a̱ ʋlhpoa chipinta chomihchit pehliechit isht a̱ya chia hʋt et ish hʋponaklashke; chelubim paknaka binnili chia hʋt et ish tombashke.

Mahlu 15:11

Nana kʋt itih ha̱ pit chukowa kak osh hatak a̱ okpʋni ho̱ keyu: amba nana hʋt itih ha̱ a kohcha, ilʋppak osh hatak a̱ okpʋni hoke, im achi tok.

Chan 10:14

Ʋno ak osh chukfʋlhpoba apesʋchi achukma sia hoke; an chukfʋlhpoba ya̱ ithaiyana li hoke; mikma anonti ʋmmi hʋt ʋno a̱ sʋthana hoke.

Chan 10:7

Yohmi hatuk o̱ Chisʋs ash ot atuklanchit, A̱hlishke, a̱hli mak o̱ hʋchim achi lishke, Ʋno ak osh chukfʋlhpoba im okhissa sia hoke.

Chan 10:9

Ʋno ak osh okhissa sia hoke: hatak nana hosh ʋno ak o̱ si a chukowa hokʋto, okcha̱ya he: micha pit chukoho̱wʋt, anonti kohonchʋt, ai‐impa ya̱ ahayuhoncha hi oke.

Apostel isht Anumpa 20:28

Yʋmohmi hoka hʋchishno akinli, micha nan iaka̱ya ʋhleha moma, Shilombish Holitopa yʋt mihi yo̱ apesʋchi puta hʋch ikbi tok a̱, ahah! ahnit Chihowa im iksa puta ilap im issish akinli ho̱ isht chumpa tok a̱, mominchit hʋsh pehlichashke.

1 Timohli 4:14

Na hʋlbina chimmi ha he nitak hopaki pilla kash annoho̱wa tok o̱, ʋbanumpa isht ʋtta ʋhleha hʋt ibbak chi onochi na chim ai a̱hli tok ʋt, chi anukfoyuka kʋt isht chik ahanto ki ná.

Titus 1:5

Kleti a̱ ish anta he chim ai ahni li kʋt ilʋppak atok; nana kʋt ik ʋlhtaho puta tuk a̱ achukmalit isht ish ahanta kʋt, chim apesa li hatuk oka, ʋbanumpa isht ʋtta ya̱ tʋmaha puta ka ish ai atokohonlashke.

Heblu 13:20

Yohmi na nan it i̱ nanaiyʋchi Chihowa yʋmmak osh nan it im ʋlhpisa bilia issish ak atuk pulla kak o̱ Chukfʋlhpoba apesʋchi chinto, pin Chitokaka Chisʋs okʋt illi tuk a̱ falaminchit tanichi tok okʋt,

1 Pita 2:25

Yohmi ka chukfʋlhpoba tamoa chiyuhmit hʋsh itʋnowa tok kia, himonasi kano chukfʋlhpoba Apesʋchi micha hʋchimi shilombish ma Nan im atahli yoka falamʋt hʋsh im ona hoke.

1 Pita 5:4

Yohmi ka chukfʋlhpoba apesʋchi Mi̱ko yʋt ant il otʋninchikma, isht a holitopa iachuka okpula himma keyu mak o̱ hʋsh isha hi oke.

Nan Otʋni 1:20

Fochik untuklo sʋbbak isht impak imma a̱lhto ho̱ ish pi̱sa kash, micha tʋli holisso lakna pʋla ai o̱ hikia puta aiena kash ot nan isht ʋlhpisa kʋt ilʋppak oke. Fochik untuklo kʋt chʋch a hiohli untuklo ka nan isht im ʋtta ʋhleha untuklo kak oke; yohmikma pʋla ai o̱ hikia untuklo ish pi̱sa kash ot chʋch a hiohli untuklo kak oke, ʋm achi tok.