Chan 10:16 - Chahta Holisso Holitopa 1886

¹⁶ Yohmi kʋt chukfʋlhpoba inla mʋt ilʋppa a̱shaka ai achʋfa keyu kʋt ʋm a̱sha hoke: yʋmmakma pehlichit ʋla likma, ʋm anumpa ha̱ hakla hi oke: yohmikma aiasha ʋt achʋfakma, anonti chukfʋlhpoba apesʋchi ʋt achʋfa hi oke.

Chan 10:16 Iomraidhean Croise

Genesis 49:10

Shiloh hʋt ik lo ki̱sha ka̱, Chutah ya̱ mi̱ko in tʋbi ʋt micha nanapesa yʋt iyi itin takla ya̱ i̱ filʋmmit ia he keyu hoke: mikma okla im antia kʋt yʋmmak a hi oke.

Atʋloa 86:9

Oklushi momah ish ikbi tok ʋt chi tikba ʋlʋt chi ayokpʋchashke, a̱ Shahlih ma; micha chi hohchifo ha̱ hulittoblichashke.

Mahlu 17:5

Yʋmmʋt anumpohonli moma ho̱, hoshonti tohbi kʋt ant o̱ hoshontikachi tok; mihma anumpa hoshontika auet a kocha kʋt, Ilʋppak osh Sʋso a̱ holitopa yo̱, nan‐isht a sai yukpa fehna hoke; hʋsh i̱ haponaklashke, achi tok.

ʋBanumpa Luk Ʋt Holissochi Tok 15:8

Yʋmmak keyukmʋt ohoyo nanta hak osh tʋli hʋta tushahli pokoli kʋt im a̱sha tuk osh, tushafa achʋfʋt i̱ kʋniakmʋt, pʋla ha̱ pʋlali cha, aboha ya̱ bʋshpolit achukmalit hoyot hikiki̱ʋt ahayuchik mak ahinla keyu̱?

Chan 10:11

Ʋno ak osh chukfʋlhpoba apesʋchi achukma sia mak oke; chukfʋlhpoba apesʋchi achukma yʋt chukfʋlhpoba ya̱ ilap im ilhfiopak a̱ a kaiyanchi hoke.

Chan 10:2

Amba okhissa yak o̱ pit a chukowa hokʋto, yʋmmak osh chukfʋlhpoba ya̱ apesʋchi mak oke.

Chan 10:27

An chukfʋlhpoba ʋto ʋm anumpa ha̱ haklokma, anonti ʋno ʋt ilap ma ithana li ho̱, a si apeha chatuk.

Chan 10:3

Yʋmmak o̱ okhissa apesʋchi atuk ʋt in tiwikma, itih ola ka, chukfʋlhpoba yʋt ithana; yohmi hatuk oka in chukfʋlhpoba atuk ash hohchifo aiyuka hochifot pehlichit kohcha chatuk.

Chan 10:4

Atuk osh in chukfʋlhpoba yash kocha welit tahlikmʋt, tikba im iakma, itih ola ka, ithana hatuk okʋt, chukfʋlhpoba yash ot apehʋt ia chatuk.

Chan 10:5

Yohmi kia inla itih ola hokʋno ik ithano hatuk osh, api̱hʋt ia he keyu hosh, amba i̱ filʋmmit yihlepa chatuk oke, im achi tok.

Chan 11:52

Yohmi kʋt okla yʋmmak bana hi o̱ keyu; amba Chihowa im ʋlla ʋhleha kanima ai it afimimpʋt a̱sha tuk aiena ma hoyot a miha chʋfa ho̱ ai itahoba he ak o̱, tikbanli anoli ha tok.

Chan 17:20

Micha ilʋppa illa ho̱ isht asihi̱hla li keyu; amba ilʋppa pulla im anumpa hatuk mak o̱ a̱ yimma he aiena kak oke.

Chan 6:37

A̱ki ʋt ʋma hokʋno momʋt ʋm ʋla hi oke; mikma kʋna hosh ʋm ʋla hokʋno, ik kaniohmi kia falaminchit kocha pit tobli la he keyu hoke.

Apostel isht Anumpa 15:14

Chihowa yʋt ʋmmona ka oklushi nan ik ithano a̱ kaniohmit aiokpanchit okla ilap isht hohchifa chi̱ ka akohchit ishi tuk a̱, Simion ʋt anohonli tok.

Apostel isht Anumpa 18:10

Ʋno ʋt chi awant a̱ya li hoka; hatak nana hosh chi onʋtulʋt chi hotopala he keyu hoke, tʋmaha ilʋppa okla lauʋt ʋm ai a̱shwa hoka; im achi tok.

Apostel isht Anumpa 22:14

Mihma, Hʋpin tikba ʋhleha in Chihowa yʋt, chishno ʋt ilap o̱ nan ahni ka ish ithaiyana he, mikmʋt A̱hli yʋmma ish pisa cha, yʋmma itakha ai anumpa ma ish hakla hi a̱ chi atokoli tuk oke.

Loman 11:25

Yohmi ka itibapishi li ʋhleha ma! Islael a kashapa hokʋt im anukfila hʋt kahanlo na Chentail ʋhleha isht ai alotowa yʋt ʋla he yak atok, anumpa ai a̱hli ik otano chatuk ilʋppa hʋch ik ithaiyano hosh, hʋchishno ash inli hosh ile yimmit hʋsh ai asha hi a̱ ak hʋchim ai ahnoshke.

2 Hlessalonian 2:13

Yohmi kia itibapishi li Chitokaka i̱ holitopa hʋchia ma! hʋchishno pulla kak o̱ Chihowa ya̱ yak oke il im aiahnit bilia he ʋlhpesa hoke. Shilombish isht a kashofa, micha anumpa a̱hli yimmi pulla hosh hʋchi okcha̱ya he ai ʋmmona ka hʋchi atokoli tok oke:

Heblu 13:20

Yohmi na nan it i̱ nanaiyʋchi Chihowa yʋmmak osh nan it im ʋlhpisa bilia issish ak atuk pulla kak o̱ Chukfʋlhpoba apesʋchi chinto, pin Chitokaka Chisʋs okʋt illi tuk a̱ falaminchit tanichi tok okʋt,

1 Pita 2:10

Yohmi kʋt nitak tikba hokʋno Chihowa im okla hʋchia ha tok keyu kia, himak ano Chihowa im okla hʋchia hoke; isht i̱ kana ya̱ hʋch ik esho ki tok kia, himak ano isht i̱ nukha̱klo ka hʋsh i̱shi tuk oke.

1 Pita 2:25

Yohmi ka chukfʋlhpoba tamoa chiyuhmit hʋsh itʋnowa tok kia, himonasi kano chukfʋlhpoba Apesʋchi micha hʋchimi shilombish ma Nan im atahli yoka falamʋt hʋsh im ona hoke.

1 Pita 5:4

Yohmi ka chukfʋlhpoba apesʋchi Mi̱ko yʋt ant il otʋninchikma, isht a holitopa iachuka okpula himma keyu mak o̱ hʋsh isha hi oke.

Nan Otʋni 3:20

Yakeh! okhissa ya̱ hikiʋt suko̱ho̱ha lishke: Kʋna hosh ʋm anumpa ha̱ haklo cha, okhissa ya̱ tiwi hokma, iba chukowa lish, ibai impa likma, anonti ilap mʋt sʋbai impa chi̱ mak oke.