Chan 10:11 - Chahta Holisso Holitopa 1886

¹¹ Ʋno ak osh chukfʋlhpoba apesʋchi achukma sia mak oke; chukfʋlhpoba apesʋchi achukma yʋt chukfʋlhpoba ya̱ ilap im ilhfiopak a̱ a kaiyanchi hoke.

Chan 10:11 Iomraidhean Croise

2 Samuel 24:17

Atuk o̱ Lewi ʋt okla issot kanchi enchel a̱ pisa mʋt, Chihowa ya̱ im anumpulit, Yakeh! ʋno ak osh nan ashʋchit, ʋno ak osh nan ik ʋlhpeso fehna yʋmihchi li tuk oke: yohmi kia chukfʋlhpoa ilʋppʋt nanta ho̱ katiohmi tuk oh cho? chibbak ʋt ʋno, micha a̱ki in chuka achʋfa yak o̱ i̱ sanalashke, chim asilhha lashke, achi tok.

Atʋloa 23:1

Chihowa hʋt chukfʋlhpoba chomihchit si ʋpesʋchi yatuk o̱, nanah sʋ bʋnna he keyushke.

Atʋloa 80:1

Islael ʋpesʋchi, Chosef a̱ ʋlhpoa chipinta chomihchit pehliechit isht a̱ya chia hʋt et ish hʋponaklashke; chelubim paknaka binnili chia hʋt et ish tombashke.

Mahlu 20:28

Hatak Ushi ʋt ilapo ak o̱ nan isht im ʋtta chi̱ ho̱ a̱ya ha tok keyu: amba nan isht ʋtta chi̱, mikmʋt laua ho̱ ilap im ilhfiopak a̱ isht chumpa chi̱ aiena hosh a̱ya tok a̱, mih mak o̱ hʋsh chiyuhmashke, achi tok.

Chan 10:2

Amba okhissa yak o̱ pit a chukowa hokʋto, yʋmmak osh chukfʋlhpoba ya̱ apesʋchi mak oke.

Chan 15:13

Hatak ʋt i̱ kana ʋhleha ha̱ i̱ hullo kʋt im ilhfiopak a̱ aka bohyuli hoka, hatak nana kia yʋmma i̱ shahlichit it i̱ hulla hi ʋt ikshoshke.

Efeshan 5:2

Micha Klaist ʋt pi̱ hullo cha, pishno ak atuk mak o̱ nan ashʋchi isht ʋlhtoba, Chihowa nan i̱ balama, isht il im issa tok a̱ chiyuhmit, ai it i̱ hullot hʋsh ai itʋnowashke.

Titus 2:14

Yohmi kʋt yʋmmak ash osh ai ashʋchika puta ka a pi hlakofihinchi cha, pi kashofi na ilap immi okla holitopa fehna e toba cha, nan toksʋli achukma puta ka a yiminta hosh isht il ahanta he mak o̱, pi ʋlhtoba hosh illi tok.

Heblu 13:20

Yohmi na nan it i̱ nanaiyʋchi Chihowa yʋmmak osh nan it im ʋlhpisa bilia issish ak atuk pulla kak o̱ Chukfʋlhpoba apesʋchi chinto, pin Chitokaka Chisʋs okʋt illi tuk a̱ falaminchit tanichi tok okʋt,

1 Pita 5:4

Yohmi ka chukfʋlhpoba apesʋchi Mi̱ko yʋt ant il otʋninchikma, isht a holitopa iachuka okpula himma keyu mak o̱ hʋsh isha hi oke.

1 Chan 3:16

Pishno pulla hatuk mak o̱ ilap im ilhfiopak a̱ isht pi atobbi tok a̱ ilʋppa fehna ak o̱ Chihowa ʋt pi̱ hullo ka, isht il akostininchishke: yohmi ka pishno ʋt il itibapishi ʋhleha ha̱ pim ilhfiopak a̱ isht il atobba he ʋlhpesa hoke.

Nan Otʋni 7:17

Chukfʋlhpobushi ai o̱ binili holitompa iklʋnna binili yʋmmak osh impʋchit, pehlichit oka kʋli okcha̱ya hiohli puta ka isht oho̱na he: yohmikma Chihowa ak osh nishkin okchi puta ma mominchit i̱ kasholichit tahla he mak oke, ʋm achi tok.