Chan 10:10 - Chahta Holisso Holitopa 1886

¹⁰ Na‐hu̱kopa yʋt hu̱kopa, micha ʋbi, nan okpʋni aiena he ak bieka hosh a̱ya chatuk; amba ai okcha̱ya ya̱ okla ahayuchikmʋt, anonti laua kʋt i̱ shahli fehna ho̱ pisa he mak o̱, ʋno ʋto a̱ya li ha tok.

Chan 10:10 Iomraidhean Croise

Mahlu 18:10

Ahah! aiahnit chipota ʋhleha ilʋppa achʋfona kia hʋch ik kanimancho kashke: yʋmmak oka im enchil ʋhleha ʋba yakni aiasha kʋt, A̱ki ʋba binili ka nashuka ya̱ pi̱sa na bilia hoke, hʋchim achi lishke.

Mahlu 18:11

Hatak Ushi ʋt okpulot taha yak o̱ okchalincha chi̱ hosh a̱ya hatuk oke.

Mahlu 20:28

Hatak Ushi ʋt ilapo ak o̱ nan isht im ʋtta chi̱ ho̱ a̱ya ha tok keyu: amba nan isht ʋtta chi̱, mikmʋt laua ho̱ ilap im ilhfiopak a̱ isht chumpa chi̱ aiena hosh a̱ya tok a̱, mih mak o̱ hʋsh chiyuhmashke, achi tok.

Mahlu 21:13

Mihmʋt, Ʋm aboha hʋt ʋba pit ai anumpuli chuka yo̱ hohchifa he, achi hosh holisso tok; yohmi kia hʋchishno ʋto na‐hu̱kopa ʋhleha in chuka yo̱ hʋsh ikbishke, im achi tok.

Mahlu 23:13

Amba na holissochi ʋhleha, micha Falisi ʋhleha, nan ilahobi hʋchia ma! na hʋchi̱ palʋmma he mak oke: ʋba apehlichika ya̱ hatak inla puta ka hʋsh im okhishta hokʋt: mikmʋt hʋchishno ʋt yʋmma pit hʋch ik abeho mʋt, anonti pit abeha he tuk a̱, ant ik abeha hʋch ik im ahnoshke.

Mark i̱ Holisso 11:17

Mihmʋt nan im abʋchit, Ʋm aboha ya̱ oklushi moma kʋt ʋba pit ai anumpuli chuka hochifa hi oke, achi hosh holisso ho̱ keyu̱? yohmi kia hʋchishno yokʋto na hu̱kopa ʋhleha in chuka yo̱ ish ikbishke, achi tok.

ʋBanumpa Luk Ʋt Holissochi Tok 19:10

Hatak Ushi ʋt okpulot taha tok mak o̱ hoyot okchalincha chi̱ hosh a̱ya tok oka, achi tok.

Chan 10:1

A̱hlishke, a̱hli mak o̱ hʋchim achi lishke, Kʋna hosh chukfʋlhpoba i̱ holihta okhissa yak o̱ ik a chukowo hosh, amba naksika kanima yo̱ pit oiyʋt o̱ walʋbli hokʋto, yʋmmʋt hu̱kopa, mikmʋt na wehpuli mak oke.

Chan 10:11

Ʋno ak osh chukfʋlhpoba apesʋchi achukma sia mak oke; chukfʋlhpoba apesʋchi achukma yʋt chukfʋlhpoba ya̱ ilap im ilhfiopak a̱ a kaiyanchi hoke.

Chan 12:47

Yohmi kia hatak nana hosh ʋm anumpa ha̱ haklo cha, ik yimmo hokma, nan im apesʋt ilbʋshali la hi o̱ keyushke; yakni ak o̱ nan im apesʋt ilbʋshali la hi osh a̱ya li tok keyu; amba yakni a̱ okchalinchi la chi̱ ha tok oke.

Chan 12:6

Ilbʋsha yak o̱ i̱ nukha̱klo kak osh ilʋppa achi tok keyu; amba hu̱kopa yatuk osh, micha yʋmmak osh shukcha ya i̱shi hatuk osh, nana kʋt yʋmma ai ʋlbeha ho̱ shaiyali yatuk ak a tok.

Chan 3:17

Yakni ak o̱ ilbʋshacha chi̱ ho̱, Chihowa yʋt Ushi a̱ auet ima tok keyu hoka; amba yʋmmak atuk mak o̱ yakni ʋt isht ai okcha̱ya hi a tok;

Chan 5:40

Yohmi ka ʋm ʋlʋt ai‐okcha̱ya ya̱ hʋsh pisa hi ʋt hʋch ik ahno kʋmohmishke.

Chan 6:33

Ʋba mintit ʋla cha, yakni a̱ ai‐okcha̱ya ihi̱ma kak osh, yʋmmʋt Chihowa i̱ pʋska mak oke, im achi tok.

Chan 6:51

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Loman 2:21

Yʋmohmi ka chishno yʋt inla nan ithʋnanchi chia hokʋt, chishno inli kʋno chik il ithʋnancho cho? Hatak ʋt hu̱kopa he keyu ho̱ otʋninchit ish anumpohonli hokak osh, chishno yʋt ish hu̱kopa cho?

1 Timohli 1:15

Nan ashʋchi ʋhleha yʋmma ʋno ak osh moma i̱ shahli li yatuk a̱, okchalincha chi̱ hosh Klaist Chisʋs ʋt yakni pakna ʋla tok, anumpa ilʋppʋt ai a̱hli fehna ka ʋlhpesa ahnit, aiokpancha he ʋlhpiesa hoke.

Heblu 6:17

Yʋmohmi ka Chihowa hokʋt nana ka im ihi̱sa tok a̱ ont isha he im ai ʋlhpiesa ʋhleha hoka ilap nana im anukfihinla tok ʋt kaniohmit ai inla himma keyu ka, achukmalit i̱ shahlichit im otʋninchi bʋnna hosh, anumpa kʋllo yo̱ il onochit isht ai a̱hlichi tok:

Heblu 7:25

Yʋmohmi hokʋt anonti ilap ak o̱ anukchieto hosh Chihowa hoka im oho̱na hokʋno mominchit okchalincha he bano hosh, yʋmmak oka apelʋchit isht anumpohonli hosh ahantʋt bilia hoka.

2 Pita 1:11

Hʋsh yakohmi hok mak o̱ pin Chitokaka, micha pi Okchalinchi Chisʋs Klaist apehliechi ka bilia ya̱ im ʋltaha achukma hosh ik chʋkowá, hʋchim ai ahni fehna hi oke.