Chan 10:1 - Chahta Holisso Holitopa 1886

¹ A̱hlishke, a̱hli mak o̱ hʋchim achi lishke, Kʋna hosh chukfʋlhpoba i̱ holihta okhissa yak o̱ ik a chukowo hosh, amba naksika kanima yo̱ pit oiyʋt o̱ walʋbli hokʋto, yʋmmʋt hu̱kopa, mikmʋt na wehpuli mak oke.

Chan 10:1 Iomraidhean Croise

Mahlu 7:15

Hopaii ilahobi ʋhleha chukfʋlhpoba i̱ na fohka fohka hosh hʋchim ai ʋla kia, anu̱kaka yokʋto nashoba isikopa ʋhleha mak oka, ahah! hʋsh im ahnashke.

Chan 10:7

Yohmi hatuk o̱ Chisʋs ash ot atuklanchit, A̱hlishke, a̱hli mak o̱ hʋchim achi lishke, Ʋno ak osh chukfʋlhpoba im okhissa sia hoke.

Chan 3:3

Chisʋs ʋt afalaminchi mʋt, A̱hlishke, a̱hli mak o̱ chim achi lishke, Hatak ʋt atuklant ʋtta keyukmʋt, Chihowa apehlichika ya̱ pisa he keyu hoke, im achi tok.

Loman 10:15

Micha ʋlhtoka keyu kʋt katiohmit ʋbanumpa ha̱ isht anumpula hinla ho̱? holihi̱so kʋt, Isht it i̱ nanaiyʋchi ʋbanumpa isht anumpohonli, micha na hochukma isht anoho̱wa isht ai yukpa puta isht a̱ya ka iyi yʋt yakeh! aiokli fehnʋshke, ahanchishke.

Loman 16:18

Yohmi ka ilʋppa chiyuhmi puta hokʋto Chitokaka Chisʋs Klaist ak o̱ in toksʋli keyu hoke, amba ilap ikfoka yak inli hoke: mikmʋt anumpa achukma puta, micha isht ahninchi anumpa puta aiena kak o̱ nuktʋhlʋt ahah! ik ahno chu̱kʋsh puta ka isht haksichi hoke.

Titus 1:11

Yʋmma itih hʋt ʋlhkʋma pullashke, yʋmmak osh chuka chʋfa moma ka ai a̱hli ka i̱ filʋmmihinchi kʋt, ai ʋlhpesa keyu isht a hofahya he nan isht ahayuchi bʋnna kak osh, yohma hi atuk keyu kia nana ka abahanchishke.

Heblu 5:4

Hatak nana kia ilap ak inli kʋt nan isht a holitopa ilʋppa isha he keyu, amba Alon atok a̱ chohmichit Chihowa ak osh atokoli hok mak oke:

1 Pita 1:10

Ai okcha̱ya yʋmmak o̱ hopaii ʋhleha hʋt a ponaha̱klo, micha achunanchit hoho̱yo tok, isht i̱ kana yosh hʋchim ʋla hi oka yʋmmʋt tikbanli anohonli kʋt;

2 Pita 2:1

Yohmi kia hopaii ai a̱hli keyu ʋhleha hʋt okla ai itin takla ya̱ ai asha ak inli beka tok a̱, anonti nan ithʋnanchi ai a̱hli keyu kʋt hʋch itin takla ai asha he ak inli; yʋmmak okʋt isht okpula he ai a̱hli isht anumpa keyu puta ka lumʋt isht hʋch iba chukowa mʋt, ilap a̱ chumpa tok, Chitokaka kanchi hosh isht ai okpulo ya̱ tu̱shpa fehnʋt isht il onocha hi oke.

2 Pita 2:3

Micha yʋmmʋt nan ahayuchi bʋnna kak osh isht haksichi anumpa ho̱ nan isht itatoba yo̱ isht hʋch ikba hi oke; yʋmma nan isht im ʋlhpisa tok a̱ hopaki kia sʋlaha he keyu, micha yʋmma isht ilbʋsha hi ʋt nosilhha keyu hoke.

1 Chan 4:1

Holitopa ʋhleha ma! hopaii ilahobi lauʋt yakni a̱ atiapa hatuk oka, shilombish a̱ u̱hʋlinchit hʋchi yimmi na; amba Chihowa yak o̱ a minti hokma, nana tukmá, shilombish puta kash imomakachit hʋsh pisashke.