Chan 1:51 - Chahta Holisso Holitopa 1886

⁵¹ Mihma, A̱hlishke, a̱hli mak o̱ chim achi lishke, Himak a pilla ʋba yʋt tiwa na Chihowa im enchil ʋhleha hʋt Hatak Ushi a̱ auet ai akoho̱wa, anonti ʋba pit ai ihi̱ya aiena ka, ish pisa hi oke, im achi tok.

Chan 1:51 Iomraidhean Croise

Genesis 28:12

Atuk osh holhpokna tok, mihma yakeh, atuya yʋt yakni ya̱ o̱ hikia mʋt, paknaka yʋt shutik a̱ ont bikeli tok: mihma yakeh, Chitokaka im enchel ʋhleha hʋt ai atu̱hu̱yʋt, micha ai akoho̱wa tok.

Mahlu 25:31

Hatak Ushi ʋt, enchil ʋhleha moma kʋt api̱ha ho̱, ilap isht aholitopaka il ai i̱shit ʋla he, yohmikmʋt im ai om binili holitopa yatuk ma om binila he oke.

Mahlu 26:24

Kaniohmit isht holihi̱so tok mak o̱ Hatak Ushi ʋt a yʋmohmi hoke: amba Hatak Ushi a̱ ishit inla ya̱ im issa hatak okʋto i̱ palʋmma chi̱ mak oke; hatak yʋmmak okʋt ik tobo tok okmak osh im achukma hi atuk oke achi tok.

Mahlu 3:16

Yohmi na Chisʋs ʋt baptismo mak inli hosh oka ya̱ ai ʋttʋt kocha ia tok; yohmi ma ʋba shutik ʋt auet in tiwa tok; mihma Chihowa imi Shilombish ʋt pʋchi yoshuba chiyuhmi hosh aka mihintit, yʋmmak ash o̱ ant o̱ binili tok.

Mahlu 4:11

Yohmi ma Setan ash osh i̱ filʋmmi ma, enchil osh ai ʋla cha, okla ant nan isht im anta tok.

Mahlu 8:20

Mihma Chisʋs ash osh, Chula puta kʋt chiluk ʋt im a̱shakma, ʋba hushi puta kʋt ʋlhpichik ʋt im asha hoke; amba Hatak Ushi okʋto noshkobo ha̱ kanima a bohla hi ʋt ik im iiksho hoke, im achi tok.

Mahlu 9:6

Yohmi kia Hatak Ushi yʋt yakni paknaka anta kʋt nan ai ashʋchika puta ka kashofa hi ʋt im ai ʋlhpesa hatuk a̱, hʋsh akostinincha chi̱ kak oka, palsi isht abeka ash o̱, Tanit chi̱ potʋlhpo ishi cha, chi̱ chuka ish iashke, im achi tok.

Mark i̱ Holisso 1:10

Micha oka ya̱ ai ʋttʋt kocha ia mak inli ho̱, ʋba shutik ʋt auet tiwa na Shilombish Holitopa yʋt pʋchi‐yoshuba chiyuhmi hosh ʋba mintit yʋmmak ash o̱ ant o̱ binili tok.

Mark i̱ Holisso 14:62

Mihma Chisʋs ʋt, Mih sia mak oke: yohmi ka Hatak Ushi ʋt nan‐oklu̱ha imaiya ibbak ishtimpakimma ya̱ binili, mikmʋt ʋba hoshonti anu̱kaka minti aiena ho̱ hʋsh pisa he mak oke, achi tok.

ʋBanumpa Luk Ʋt Holissochi Tok 2:13

Yohmi ma i̱ mih‐makinli ho̱ enchil okla chinto yʋt enchil ash o̱ ant okla apeha cha, Chihowa ya̱ aiokpʋchit,

ʋBanumpa Luk Ʋt Holissochi Tok 2:9

Yʋmohmi tuk o̱ Chihowa im enchil ʋt a̱yʋt im ʋla na Chihowa im a tohwekeli chinto kʋt ai on tommit talaia ma, okla nukshopa fehna tok.

ʋBanumpa Luk Ʋt Holissochi Tok 22:43

Mihma enchil ʋba minti kʋt ant i̱ haiakʋt hlampkohonchi tok.

ʋBanumpa Luk Ʋt Holissochi Tok 22:69

Himak a pilla ma Hatak Ushi ʋt Chihowa nan oklu̱ha imaiya im ibbak isht impak imma ya̱ a binila he mak oke, im achi tok.

ʋBanumpa Luk Ʋt Holissochi Tok 24:4

Atuk o̱ yakohmi tok; okla nana a kaniohmi ik ai ithano fehnʋt ma̱ya ma, yakeh! hatak tuklo kʋt i̱ na‐fohka shohmalali hosh itumasi a hinli tok.

ʋBanumpa Luk Ʋt Holissochi Tok 3:21

Okla moyuma kʋt baptismot taha ma, yakohmi tok: Chisʋs ak kia baptismo cha, ʋba pit asilhha ma, ʋba yʋt auet tiwa,

Chan 1:50

Chisʋs ʋt afalaminchi mʋt, Fik ʋpi nuta ya̱ ish a̱sha ho̱ chi̱ pi̱sa li tuk achi li kak o̱, chi yimmi há cha? nana kʋt ilʋppa i̱ shahli fehna ka ish pisa hi oke, im achi tok.

Chan 10:1

A̱hlishke, a̱hli mak o̱ hʋchim achi lishke, Kʋna hosh chukfʋlhpoba i̱ holihta okhissa yak o̱ ik a chukowo hosh, amba naksika kanima yo̱ pit oiyʋt o̱ walʋbli hokʋto, yʋmmʋt hu̱kopa, mikmʋt na wehpuli mak oke.

Chan 10:7

Yohmi hatuk o̱ Chisʋs ash ot atuklanchit, A̱hlishke, a̱hli mak o̱ hʋchim achi lishke, Ʋno ak osh chukfʋlhpoba im okhissa sia hoke.

Chan 13:16

A̱hlishke, a̱hli mak o̱ hʋchim achi lishke; Tishu hʋt i̱ shahli ha̱ imaiya chatuk keyu; mikma nan‐ʋlhtoka yosh a̱ya kʋt nan‐atokoli tuk a̱ imaiya chatuk keyu hoke.

Chan 13:38

Chisʋs ʋt afalaminchi mʋt, Ʋno a̱ pulla kak o̱ chim ilhfiopak aka ish bohyula chi̱ cho? A̱hlishke, a̱hli mak o̱ chim achi lishke; Aka̱ka yʋt ik olo ki̱sha ho̱, hituchina ha chik sʋthano ish miha chi̱ hoke, im achi tok.

Chan 14:12

A̱hlishke, a̱hli mak o̱ hʋchim achi lishke, Kʋna hosh a̱ yimmikmʋt, ʋno nana ai yʋmihchi li tuk ash yʋmihchi akinla hi oke: yohmikmʋt ʋno ʋto A̱ki a̱ im ia li hatuk oka, nana kʋt a fehna ilʋppa puta ka i̱ shahli ho̱ yʋmihcha hi oke.

Chan 16:20

A̱hlishke, a̱hli mak o̱ hʋch im achi lishke; Hʋchishno yokʋto nishkin okchi mintit hʋsh yaha̱ya chi̱ hoke; yohmikma yakni ʋto na‐yukpa chi̱ hoke: mikma hʋchi nukha̱klo fehna he; yohmi kia na hʋchi nukha̱klo kash ot falamʋt isht a hʋchi yukpa hi oke.

Chan 16:23

Mikma nitak yʋmma fehnakma nana kia hʋch ik sa̱ ponaklo ka hi oke. A̱hlishke, a̱hli mak o̱ hʋch im achi lishke, Ʋno a̱ hohchifo ho̱ nana ka A̱ki a̱ isht a hʋsh im asilhhakma, hʋch ima he mak oke.

Chan 21:18

A̱hlishke, a̱hli mak o̱ chim achi lishke, Chi himita mʋto chishno inlit il ai ʋskofachechit, chishno ish ahni hosh kanima ish a̱ya beka tok: yohmi kia ont a chi sipokni hayokmʋto, chibbak a̱ ish wakeli na inla hosh chi ʋskofachechi cha, kanima ish aiahni keyu kia, chisht a̱ya hi oke, im achi tok.

Chan 3:3

Chisʋs ʋt afalaminchi mʋt, A̱hlishke, a̱hli mak o̱ chim achi lishke, Hatak ʋt atuklant ʋtta keyukmʋt, Chihowa apehlichika ya̱ pisa he keyu hoke, im achi tok.

Chan 3:5

Chisʋs ʋt afalaminchi mʋt, A̱hlishke, a̱hli mak o̱ chim achilishke, Hatak ʋt oka, micha Shilombish ita‐tuklo kak o̱ isht ai ʋtta keyu hokʋto, Chihowa apehlichika ya̱ chukowa he keyu hoke.

Chan 5:19

Mihma Chisʋs ash osh afalaminchi mʋt, A̱hlishke, a̱hli mak o̱ hʋchim achi lishke; Ushi yʋt ilapo inli hokʋto nana kaniohma he keyu, amba nana ho̱ I̱ki ʋt yʋmihchi ho̱, pisa tuk mak oh chatuk oke; nana ho̱ yʋmmak osh a yohmik mak o̱, Ushi yak kia yʋmmak o̱ ai yohmi akinli hoke.

Chan 5:27

Micha yʋmmak okʋt Hatak Ushi atuk oka, nan apesʋt ahanta he isht ai ʋlhpesa ka im apesa hatuk oke.

Chan 6:26

Chisʋs ʋt afalaminchi mʋt, A̱hlishke, a̱hli mak o̱ hʋchim achi lishke; Nana a fehna puta ka yʋmihchi li ho̱ hʋs sa pi̱sa tuk ak osh hʋs sa hoyo kak keyu, amba pʋska ya̱ hʋsh pʋt, hʋchi kaiya tuk ak oke.

Chan 6:32

Yohmi ma Chisʋs ash ot, A̱hlishke, a̱hli mak o̱ hʋchim achi lishke, Pʋska ʋba minti yʋmma Moses ak osh hʋch ipeta ha tok keyu; yohmi kia A̱ki ak osh pʋska aia̱hli ʋba minti ka hʋch ipeta hoke.

Chan 6:47

A̱hlishke, a̱hli mak o̱ hʋch im achi lishke, Kʋna kia a̱ yimmi hokʋto ai‐okcha̱yʋt bilia ya̱ pisa hoke.

Chan 6:53

Mihma Chisʋs ʋt, A̱hlishke, a̱hli mak o̱ hʋchim achi lishke; Hatak Ushi nipi ya̱ ʋpʋt, im issish ma hʋsh ishko keyu hokmʋt, ai okcha̱ya hi ʋt hʋchi anukfo̱ka keyu hoke.

Chan 8:34

Chisʋs ash ot afalaminchi mʋt, A̱hlishke, a̱hli mak o̱ hʋchim achi lishke, Kʋna hosh nan ai ashʋchika ya̱ ai yohmi hokmʋt, nan‐ai‐ashʋchika ya̱ i̱ yuka mak oke.

Chan 8:51

A̱hlishke, a̱hli mak o̱ hʋchim achi lishke; Hatak ʋt nana mihi̱ha li ka ʋm antia hokmʋt, nitak nana ai‐illika ya̱ pisa he keyu hoke, im achi tok.

Chan 8:58

Mihma Chisʋs ʋt A̱hlishke, a̱hli mak o̱ hʋchim achi lishke, Eblaham ʋt iksho ki̱sha ma, anta li tok oke, im achi tok.

Apostel isht Anumpa 10:11

Micha shutik ʋt tiwa, yohmi ma, nan ai ʋlhpitta yosh nan tohbi chito wishakchi u̱shtʋt ita shekonopa ho̱ chohmi hosh aka i̱ mintit, yakni ant onʋtoyula ho̱, pisa tok.

Apostel isht Anumpa 7:56

Micha, Ʋba yʋt tiwa, micha Hatak Ushi ʋt Chihowa ibbak isht impak imma ya̱ auet hikia aiena ho̱, pisa lishke; achi tok.

2 Hlessalonian 1:7

Micha hʋchishno ʋt hʋch ilbʋsha kʋt, hʋsh pibafoha hi a̱ hʋchim ahna hi ʋt ʋlhpesa hoka, nitak yʋmma fehna Chitokaka Chisʋs ʋt enchil hlampko puta ka il ai eshit,

2 Hlessalonian 1:9

Yʋmmak okʋt Chitokaka, micha nan isht im ai a̱hli holitopa itikba ai i̱ filʋmmit na palʋmmi a bilia isht im ʋlhtobʋt ilbʋsha he;

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

Heblu 1:14

Yʋmmak ash ot moyuma kʋt nan isht ahanta shilombish osh ai okcha̱ya pisa he im ai ʋlhpiesa ʋhleha yʋmmak o̱ nan isht im ahanta chi̱ ʋlhtoka yo̱ keyu̱?

Chute 1:14

Mihma Enok, Alʋm isht ai unchululi ont isht untuklo kak kia, anumpa ilʋppa tikbanli anohonli kʋt, Yakeh! Chitokaka yokʋt i̱ holitopa ʋhleha tahlepa sipokni pokoli ka ai itʋpehʋt ʋla kʋt.

Nan Otʋni 19:11

Yohmi ma ʋba aholitopa yʋt tiwa ma, yakeh! issuba tohbi ho̱ pisa li tok; mihma yʋmma o̱ binili kʋt, Ai a̱hli, micha Na miha tuk ʋt ai a̱hlichi mak o̱ hohchifo hosh, yʋmmʋt nan ai ʋlhpiesa bano ho̱ nan apesʋt, tʋnʋp ikbi yoke.

Nan Otʋni 4:1

Nana kʋt a yakohmi haya, anonti pit hopo̱koyo li ma, yakeh! ʋba shutik a̱ okhissa yʋt tiwa tuk atok: yohmi ma auet sʋt im anumpuli anumpa ʋmmona haklo li ka, isht pu̱fa yo̱ chiyuhmi hosh, Ilʋppak o̱ oiyá, mikma himak a pilla nana a kaniohma he puta ka chim otʋninchi lashke, achi tok.