Chan 1:48 - Chahta Holisso Holitopa 1886

⁴⁸ Mihma Nahlanael ash ot, Katiohmit is sʋthana cho? im achi ma, Chisʋs ʋt afalaminchi mʋt, Filip ʋt ont ik chi hoyo ki̱sha ho̱, fik ʋpi nuta ya̱ ish a̱sha kak o̱, chi pi̱sa li kamo, im achi tok.

Chan 1:48 Iomraidhean Croise

Mahlu 10:3

Mihma Filip, micha Bahlolomu; Tamas, mikmʋt pʋblikan hatak Mahlu; Alfeʋs ushi Chemis, micha Lebeʋs osh hohchifo apunta kʋt Tateʋs a tok.

Mahlu 6:6

Amba chishno ʋba pit ish anumpula chi̱ hokʋto, chim abohushi pit ish chukowa cha, okhissa ya̱ pit ish akʋmmikmʋt, Chi̱ki ai‐aluma̱ka ai ahanta yatuk ma pit ish im asilhhashke; yohmikma Chi̱ki aluma̱ka api̱sa yʋt otʋnichi achukma hosh chim atobba hi oke.

Chan 1:44

Filip ʋt Antilu, micha Pita ita‐tuklo in tʋmaha Betsaita yak o̱ ai ʋtta ya tok.

Chan 12:21

Yohmi hatuk osh yʋmmak ash ot Kalili yakni Betsaita tʋmaha a minti tuk, Filip ash im ai ona mʋt, Pi̱ shahli ma! Chisʋs a̱ pisa pi bʋnnʋshke, achit i̱ ponaklo tok.

Chan 14:8

Filip ash osh, Chitokaka ma! Chi̱ki a̱ ish pi̱ haiakʋchashke, yohmikma pim ʋlhpesa hinla hoke, im achi tok.

Chan 2:25

Micha nana hosh hatak a̱ anukfoyuka ka ithaiyana hoka, kʋna kia hatak a̱ isht atokolit im anola he ʋlhpesa keyu ki tok.

Chan 6:5

Yohmi ma Chisʋs ash ot ʋba chakalit, okla laua fehna hosh im ai ʋla na pisa mʋt, Filip ash o̱, Katima ko̱ pʋska ya̱ il a chumpa na okla ilʋppʋt impa chi̱ cho? im achi tok.

Chan 6:7

Mihma Filip ash ot afalaminchi mʋt, Pʋska yʋt iskʋli tahlepa tuklo ʋlhtoba mak osh, momʋt iskʋtinosi aiyuka ho̱ isha hinla kia, ʋlhpesa he keyushke, achi tok.

1 Kolinhlian 14:25

Yohmi ka yakohmi hosh chu̱kʋsh isht im anukfila anu̱kaka yʋt otaiyani yoke: yakohmi hok mak osh hlipia cha, yʋmmak ash ot Chihowa ya̱ aiokpʋchishke, mikmʋt Chihowa hʋt hʋch iba takla ho mʋhli hatuk a̱ anola hi oke.

1 Kolinhlian 4:5

Yʋmohmi hoka Chitokaka yʋt ik lo ki̱sha ka tikbalinchit nan isht anukfillit hʋch ik apeso kashke, yʋmmak osh ai okhlilika ya̱ nana kʋt a luma puta tuk a̱ otʋninchikmʋt, anonti chu̱kʋsh im anukfila puta hatuk ma haiakahancha hi oke; yʋmohmi ha ya hatak moma kʋt nana ai isha he ʋlhpesa tuk ʋt Chihowa ya̱ im ai isha hi oke.