Chan 1:42 - Chahta Holisso Holitopa 1886

⁴² Mihma yʋmmak ash o̱ ilauelit Chisʋs a̱ im ʋla tok. Mihma Chisʋs ʋt yʋmmak ash o̱ pisa mʋt, Chona ushi Saimon chia hʋt Sefas, yʋmmʋt toshowakmʋt, tʋli achi hoke, yʋmmak o̱ chi hohchifashke, achi tok.

Chan 1:42 Iomraidhean Croise

2 Mi̱ko 5:4

Mihma Naaman ʋt iba chukowa cha, i̱ shahli ha̱ im anolit, Ʋlla tek Islael yakni minti ʋt yakohmi, micha yakohmi ho̱ achishke, achi tok.

Mahlu 10:2

Yohmi ka ʋbanumpeshi auah tuklo hohchifo kʋt yakohmi kak oke: ʋmmona Saimon atuk osh Pita hohchifo tok; mihma itibapishi Antilu ak a tok; Sebete ushi, Chemis ak osh, nakfish Chan itatuklo tok:

Mark i̱ Holisso 3:16

Mihmʋt Saimon atuk a̱ Pita hochifo tok.

ʋBanumpa Luk Ʋt Holissochi Tok 5:8

Saimon Pita yʋt yakohmi na pisa mʋt, Chisʋs iyi̱kala ha ya̱ pit tikinlit aka hlipiʋt, Hatak nan‐ashʋchi sia hoka a̱ filʋmmit, kanima ish iashke, Chitokaka ma! achi tok.

ʋBanumpa Luk Ʋt Holissochi Tok 6:14

Saimon yʋmmakma ilap ak osh Pita yo̱ hochifo, mikmʋt itibapishi Antilu, Chemis, micha Chan, Filip, mikmʋt Bathlolomu,

Chan 13:18

Moma kak o̱ isht hʋchi anumpuli li ho̱ keyushke: kanima kak o̱ ʋno ʋt atokoli li tok okʋto ithana lishke: yohmi kia Holisso Holitopa yʋt, Pʋska sʋbai ʋpa kash ot iyi kotoba ya̱ isht a sai o̱ wakelishke, achi ha tok a̱ yʋmmʋt ont ai a̱hla chi̱ mak oke.

Chan 21:2

Saimon Pita, micha Tamas Titimʋs hohchifo, mikmʋt Nahlanael Kalili yakni Kana ʋtta, micha Sebete ushi tuklo, anonti nan im ai ithʋna inla tuklo aiena kʋt ai itapehʋt ma̱ya tok.

Chan 4:16

Chisʋs ash ot, Ia cha, chi̱ hatak a̱ ont i̱ howʋt ʋlá, im achi tok.

1 Kolinhlian 1:12

Yohmi ka hʋsh moma kʋt, Ʋno ak osh Pal ai achʋfa sia; anonti, Ʋno mʋt Apollos ai achʋfa sia; mikma, Ʋno ʋto Sefas ai achʋfa sia; yohmik ma, Ʋno ʋto Klaist ai achʋfa sia; hʋsh achi ilʋppak o̱ achi lishke.

1 Kolinhlian 15:5

Mihma yʋmmak ash ot Sefas a̱ i̱ haiaka, yohmi mʋt auah tuklo kash i̱ haiaka tok.

1 Kolinhlian 3:22

Pal ak okmá, keyukmʋt Apollos, keyukmʋt Sefas, keyukmʋt yakni ilʋppa, keyukmʋt ilhfiopak okcha̱ya, keyukmʋt nan illi, keyukmʋt nana kʋt himonasi a̱sha, keyukmʋt nana kʋt a̱sha he moma kʋt hʋchimmi yoke.

1 Kolinhlian 9:5

Ohoyo pin tek a̱ ilauelit a̱ya kʋt, apostel inla ʋhleha, mikmʋt Chitokaka itibapishi ʋhleha, micha Sefas aiena ka chohmit pim ohoyo, pin tek a̱ ilauelit il a̱ya hi ʋt pim ʋlhpiesa keyu ho̱?

Kaleshan 1:18

Atuk osh afʋmmi tuchina ma Pita ya̱ pist ia hosh Cheluselem a̱ ona li tok; mihmʋt ibai anta li̱ nitak auah tahlapi tok.

Kaleshan 2:11

Yʋmohmi tok kia Pita yʋt Antiak a̱ ant anta ma, atokowʋt im asanali li tok, nan ik ʋlhpeso yohmi tok ak oka.

Kaleshan 2:9

Yohmi ka Chemis, Sefas, micha Chan aiena kʋt pehlichika yo̱ ahoba hatuk osh isht i̱ kana ʋma tok a̱ pisa mʋt, ʋno, micha Banabas, il ita tuklo kʋt il iba holhtina chi̱ kak o̱, ibbak isht impakimma ya̱ pima tok; yohmikma ʋbanumpa ik ithano yak o̱ im anumpulit il iakma, ilap ʋt hakshup tʋpa ʋbanumpa in toshola chi̱ hatok.