Chan 1:4 - Chahta Holisso Holitopa 1886

⁴ Yʋmmak oka isht ai okcha̱ya yʋt a̱sha tok: yohmi ka isht ai okcha̱ya yʋmmak ash ot hatak puta ka in tohwikeli ya tok.

Chan 1:4 Iomraidhean Croise

Atʋloa 49:6

Nan i̱ lawa oklah anukchieto, micha im i̱la̱yak lawa kak o̱ oklah isht ilefehnʋchih kia,

Atʋloa 84:11

Chitokaka Chihowa hak osh hʋshi micha telihpa yoka̱: isht i̱ kana micha ahulittopa ya̱ Chihowa hʋt ima hoke; ai ʋpissalit a̱ya ʋhleha ha̱ nan achukma im i̱ hʋlʋlla he keyu hoke.

Chan 11:25

Chisʋs ʋt, Ʋno ak osh illi a̱ falaminchit tanichi, mikmʋt ai‐okcha̱ya aiena ka sia mak oke. Kʋna hosh ʋno ak o̱ a̱ yimmi hokʋto, ik illi tuk nana kia, okcha̱ya he mak oke.

Chan 12:35

Mihma Chisʋs ʋt, Himonasi ta̱kla kak o̱ tohwikeli hʋt hʋch in takanli hoke. Tohwikeli hʋt hʋchin takanli ta̱kla kak osh hʋsh nowashke, yʋmmak keyukma okhlili hʋt hʋchi onʋtula hinla hoke. Kʋna hosh okhlili ho̱ nowʋt a̱ya hokʋto, kanima yo̱ ia kʋt ithana keyu hoke.

Chan 12:46

Kʋna hoh kia ʋno a̱ a̱ yimmi hokʋt ai‐okhlilika ya̱ ik ai ahanto ka chi̱ mak o̱, nan‐tohwikeli mak osh a̱yʋt yakni a̱ ʋla li ha tok oke.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 3:19

Yohmi ka tohwikeli hʋt yakni a̱ ant iba chukowa ma, ilap nana a kaniohmi ai ʋlhpesa keyu hatuk okʋt, hatak ʋt ai okhlilika yak osh im ai achukma kʋt atohwikinli ka, im i̱ shahli, ilʋppak o̱ isht ai ilbʋsha he anumpa hʋt onʋtula hoke

Chan 5:21

I̱ki ʋt illi a̱ tanichit okchalinchi chatuk a̱, Ushi ʋt yʋmmak inli ho̱ chohmit kʋna ho̱ ilap ahni hosh okchalinchi hoke.

Chan 5:26

I̱ki ʋt ilapʋt kaniohmit ai‐okcha̱ya ya̱ ilap inli il ai i̱shi hokʋt, yʋmmak inli ho̱ chohmit Ushi ʋt ilap inli il ai i̱sha chi̱ ka, im apesa hoke:

Chan 8:12

Mihmʋt Chisʋs ash ot anonti okla ha̱ im anumpuli mʋt, Ʋno ak osh yakni im a tohwikeli sia mak oke; kʋna hosh ʋno a̱ siakaiya hokʋt, ai okhlilika yo̱ a̱ya he keyu; amba ai okcha̱ya tohwikeli hʋt in takala he mak oke, im achi tok.

Chan 9:5

Yakni a̱ ai ahanta li takla hokʋto, yakni a̱ in tohwikeli sia hoke, im achi tok.

1 Kolinhlian 15:45

Yʋmohmi kak o̱ hatak ʋmmona Alʋm ʋt shilombish okcha̱ya yosh toba tok; Alʋm ishtaiyopi kʋto Shilombish okchalinchi yo̱ toba tok, achi hosh holihi̱so hoke.

Efeshan 5:14

Yʋmohmi kak o̱, Nusi tuk chia kʋt, chi okchashke, micha illi tuk chia kʋt falamʋt ish tanashke, mikma Klaist ʋt tohwikeli chima chi̱ hoke, achi hoke.

Koloshan 3:4

Klaist yʋmmʋt il ai okcha̱ya yosh haiaka, yohmikma hʋchishno ak kia a holitopa hosh yʋmmak ash awant hʋsh haiaka hi oke.

1 Chan 1:1

Ai okcha̱ya anumpa yʋmmak osh ʋmmona ka ahanta tok mak o̱ e haha̱klot, pi nishkin a̱ isht e pihi̱sʋt, il o̱ hopo̱koho̱yo tok, micha pibbak ʋt pʋshohonli tok mih mak oke.

1 Chan 1:2

Ai okcha̱ya yʋmmʋt haiaka na e pihi̱sa tuk osh atokowa anolit, Ai okcha̱ya bilia yʋmmʋt I̱ki a̱ takla ahanta chatuk mak osh, ant pi̱ haiaka tok a̱ e hʋchim anoli hoke.

1 Chan 5:11

Yohmi ka Chihowa yʋt ai okcha̱yʋt bilia ya̱ pim issa tok ilʋppak osh nan atokowa annoa mak oke; mikma ai okcha̱ya ilʋppʋt Ushi yak o̱ ai in takali hoke.

Nan Otʋni 22:1

Anonti ai okcha̱ya okhina kashofa achukma, shohkoali klistal ak o̱ chiyuhmi hosh Chihowa, micha Chukfʋlhpobushi ita tuklo im ai o̱ binili holitompa ak o̱ akohoncha mak o̱, yʋmmak ash ot a̱ haiakʋchi tok.

Nan Otʋni 22:16

Ilʋppa puyuta ka atokolit chʋch a hiohli puta ka a hʋchim anohonla chi̱ hoka, Chisʋs sia mak osh ʋm enchil a̱ chʋffichi li tuk oke. Ʋno ak osh Lewi a minti hakshish filaminchi yosh anonti unchululi, mikmʋt shohpakali onnahinli fochik sia mak oke, ahanchi tok.