Chan 1:34 - Chahta Holisso Holitopa 1886

³⁴ Atuk o̱, Ilʋppak osh Chihowa ha̱ Ushi pulla hatuk a̱ pi̱sʋt, atokowa anoli li tuk oke, achi tok.

Chan 1:34 Iomraidhean Croise

Atʋloa 2:7

Nan ʋlhpisa ya̱ ʋnoli lashke: Chihowa hʋt, “Sʋsoh chia hoke; ʋno ak osh himak nittak a̱ chi tobʋche lishke.

Mahlu 11:27

A̱ki ʋt nan oklu̱ha ka sʋbbak fohkishke: yohmi ka Ushi ya̱ hatak nana kia ik ithano ho̱, amba I̱ki ak banoshke; mikma I̱ki a̱ hatak nana kia ik ithano ho̱, Ushi ak illa, micha Ushi ak osh kʋna ho̱ im otʋnichi hok mak bano hoke.

Mahlu 16:16

Mihma Saimon Pita yʋt afalaminchi mʋt, Chihowa okcha̱ya Ushi, Klaist chia mak oke, achi tok.

Mahlu 17:5

Yʋmmʋt anumpohonli moma ho̱, hoshonti tohbi kʋt ant o̱ hoshontikachi tok; mihma anumpa hoshontika auet a kocha kʋt, Ilʋppak osh Sʋso a̱ holitopa yo̱, nan‐isht a sai yukpa fehna hoke; hʋsh i̱ haponaklashke, achi tok.

Mahlu 26:63

Yohmi kia Chisʋs ʋt nana ik acho ki tok. Mihma na holitompa isht a̱sha pehlichi i̱ shahli ʋt anumpuli mʋt, Chishno ak osh Klaist Chihowa Ushi chia hatuk okmʋt, keyukma nana hatuk okmʋt, ish pim anola he mak o̱ Chihowa okcha̱ya pulla ka isht a chim apesa lishke, im achi tok.

Mahlu 27:40

Mihmʋt, Tempel a̱ okpʋni cha, anonti nitak tuchinakma ikbit tahli chia hʋt, ish ile okchalinchashke, Chihowa a̱ Ushi chia hokmʋt, iti‐taiyukhʋna ya̱ auet akowá, achi tok.

Mahlu 27:43

Chihowa ya̱ anukcheto atuk oka, yʋmmak osh i̱ hullo hatuk okmʋt, himonasi a̱ ant ik hlakofichí; Chihowa Ushi sia hoke, achi hatuk oka achi tok.

Mahlu 27:54

Sintulion micha api̱hʋt ma̱yʋt Chisʋs a̱ apesʋchi tuk aiena kash osh yakni winakʋchi, mihmʋt nana kʋt ai yakohmi puta na pisa mʋt, okla nukshopa fehna mʋt, Ilʋppak okʋt Chihowa ha̱ Ushi yo̱ mʋhli tuk pullʋshke, achi tok.

Mahlu 3:17

Yohmi ma ʋba shutik a̱ auet ai anuhumpa kʋt, Ilʋppak osh sʋso a̱ holitopa yo̱ ilʋppak o̱ nan isht a sai yukpa mak oke, achi tok.

Mahlu 4:3

Mihma imomaka pisa yash osh im ʋla mʋt, Chihowa Ushi chia hokmʋt, tʋli yak ma̱ya kʋt pʋska toba chi̱ ka i̱ mihá, im achi tok.

Mahlu 4:6

Mihmʋt, Chihowa Ushi chia hokmʋt, aka pit ish ile pilashke; chi apesahancha chi̱ ka im enchil ʋhleha ha̱ atohno na ibbak a̱ isht ʋba takalihinchit chisht a̱ya na nitak kaniohmi kia chiyi ya̱ tʋli isht chik ai isso ka hi a̱, holisso tok oka, im achi tok.

Mahlu 8:29

Mihmʋt tahpʋlʋt okla mʋt, Chisʋs, Chihowa Ushi chia hʋt nanta ho̱ isht ish pi ahalaia cho? ik ai ono ki̱sha ho̱, ish pilbʋshacha chi̱ hosh ilʋppa ish la hoh cho? achit okla tok.

Mark i̱ Holisso 1:1

Chisʋs Klaist Chihowa Ushi im ʋbanumpa ai ishtia ʋmmona kʋt,

Mark i̱ Holisso 1:11

Yohmi ma ʋba ya̱ anumpa hʋt auet takali kʋt, Chishno ak osh Sʋso a̱ holitopa chia hoke; chishno ak o̱ nan‐isht chi a sai yukpa hoke, achi tok.

ʋBanumpa Luk Ʋt Holissochi Tok 1:35

Mihma enchil ash osh anonti afalaminchit, Shilombish Holitopa yak osh chim a̱ya he; yohmikma Nana moma i̱ shahli nan isht im aia̱hlika yʋt chi o̱ hoshontikacha hi oke; yohmi hoka na‐holitopa kʋt chim ʋtta hi ʋt yʋmmak kia Chihowa Ushi hohchifa hi oke.

ʋBanumpa Luk Ʋt Holissochi Tok 3:22

Yohmi ma Shilombish Holitopa yʋt nipi a̱sha hosh pʋchi‐yoshuba chiyuhmit ʋba mintit im ʋla ma, ʋba ya̱ anumpa hʋt auet takali kʋt, Chishno ak osh sʋso a̱ holitopa chia hoke; chishno ak o̱ nan isht chi a sai yukpa mak oke, achi tok.

Chan 1:18

Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

Chan 1:49

Mihma Nahlanael ash ot afalaminchi mʋt, Labbai ma! chishno ak osh Chihowa Ushi chiʋshke; chishno ak osh Islael okla i̱ mi̱ko chiʋshke, im achi tok.

Chan 10:30

Ʋno, A̱ki itatuklo li kʋt il it ibai achʋfa hoke, achi tok.

Chan 10:36

I̱ki ʋt na‐holitopa ka isht a im atokoli cha, yakni a̱ auet kanchi tok o̱, Chihowa Ushi sia hoke, achi li tuk ak o̱, Nan ik ahobalot ish anumpuli, hʋsh achi hoh cho?

Chan 11:27

A̱hli, Chitokaka ma! chishno ak osh Chihowa Ushi, Klaist yakni ilʋppa a̱ya hi a tok mak o̱ chia ka sai yimmishke, im achi tok.

Chan 19:7

Chu okla hʋt afalaminchi mʋt, Nan‐ʋlhpisa hʋt pin tonla: yohmi ka ilʋppak okʋt Chihowa Ushi ilapissa hatuk okʋt, pi̱ nan‐ʋlhpisa pulla kak o̱ isht illa he ʋlhpesa hoke, im achi tok.

Chan 20:28

Mihma Tamas ʋt afalaminchi mʋt, An Chitokaka ma! an Chihowa ma! im achi tok.

Chan 20:31

Amba Chisʋs ʋt Chihowa Ushi Klaist mak a tok a̱, hʋchi yimma he; micha hʋchi yimmi pulla hosh yʋmma hohchifo hatuk mak o̱ okcha̱yʋt bilia ya̱ hʋsh ahayucha he mak o̱, ilʋppa puta kʋt holisso hatuk oke.

Chan 6:69

Micha chishno ak osh Chihowa okcha̱ya Ushi, Klaist mak o̱ chia pulla ka il ithanʋt, pi yimmi fehna hoke, im achi tok.

Loman 1:4

Micha shilombish holitopa hokʋno illi tuk osh falamʋt tani kak osh Chihowa Ushi nan im ai a̱hli fehna kʋt isht otaiyani ai oklu̱ha tok:

2 Kolinhlian 1:19

Ʋno, mikmʋt Silfanʋs, micha Timohliʋs aiena pulla kak o̱, Chihowa Ushi Chisʋs Klaist, yʋmmʋt hʋchim anuhumpa kʋt, yau yatuk osh, anonti keyu yatuk keyushke, amba yʋmmak okʋt yau yatuk oke.

Heblu 7:3

I̱ki iksho, ishki iksho, isht ai unchululi iksho, nitak ai isht ia ʋmmona tok ʋt iksho, micha im ilhfiopak ʋt ont ai ʋhli tok ʋt iksho, amba Chihowa Ushi yak o̱ chiyuhmi hosh na holitompa isht ʋtta yosh ahantʋt bilia hoke.

1 Chan 2:23

Kʋna hosh Ushi a̱ i̱ yimmi keyukmʋt, yʋmmak osh I̱ki a̱ pit ahalaia keyu mak oke; amba Ushi a̱ i̱ yimmi hokʋto I̱ki a̱ ib ahalaia ak inli hoke.

1 Chan 3:8

Kʋna hosh ashahanchi kʋt Setan ak o̱ ibai achʋfa mak oke: Setan ak okʋt ʋmmona mak inli ho̱ ashʋchit isht auehinchi tok oka. Setan ʋt nan ai isht ʋtta tok puta ka okpʋna chi̱ pulla kak osh Chihowa Ushi ʋt ant haiaka tok.

1 Chan 4:9

Yʋmmak atuk mak o̱ pishno ʋt isht pi okcha̱ya hi a̱ Chihowa yʋt Ushi achʋfa illa yatuk a̱ yakni a̱ auet kanchi tok oka, ilʋppak o̱ Chihowa yʋt auet hʋpi̱ hullo ka isht ai otʋni tok oke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.

2 Chan 1:9

Kʋna hosh ashahanchi cha, Klaist im anumpa anukfoyukʋt a̱ya keyu hokʋto, Chihowa ya̱ pit ai ibai achʋfa ho̱ keyu hoke. Kʋna hosh Klaist im anumpa ha̱ afoyukʋt a̱ya hokʋto, mihi yosh I̱ki, micha Ushi aiena ka pit ai ibai achʋfa hoke.

Nan Otʋni 2:18

Anonti chʋch Hlaiatila a hikia nan isht im ʋtta ya̱ pit ish i̱ holissochashke: Chihowa Ushi yʋmmʋt nishkin ʋt luak libbi ho̱ chiyuhmi ma, iyi mʋt tʋli lakna malanta achukma ho̱ chiyuhmi mak osh ilʋppa puta ka achishke.