Chan 1:25 - Chahta Holisso Holitopa 1886

²⁵ Atuk osh yʋmmak ash o̱ okla i̱ ponaklot, Chishno ak osh Klaist mih mak o̱ chia keyu; Elias a̱ chia keyu; anonti hopaii mih mak o̱ chia keyu hokak osh, nanta katiohmi ho̱ ish baptismochi cho? im achi tok.

Chan 1:25 Iomraidhean Croise

Mahlu 21:11

Mihma okla laua yash osh, Ilʋppak osh Kalili yakni Nasalet a̱ i̱ hopaii Chisʋs mak oke, achi tok.

Mahlu 21:23

Atuk osh tempel a̱ ona cha, nan ithʋnanchi hosh ahanta ma, na holitompa isht a̱sha pehlichi ʋhleha, mikmʋt okla i̱ hochitoka ʋhleha aiena kʋt im ai ʋla cha, Nan isht ai ʋlhpesa nanta mak o̱ ilʋppa puta ka isht ish yakohmichi cho? micha kʋta hosh nan isht ai ʋlhpesa ilʋppa chima tok oh cho? achi tok.

Mahlu 3:6

Yʋmmak ash o̱ im ai onʋt, nan im aiashʋchika puta ilanolit, Chatan a̱ ai im a baptismo tok.

Chan 1:24

Mihma okla ʋlhtokʋt ilhkoli tuk ash ot Falisi ʋhleha ha tok.

Apostel isht Anumpa 5:28

Hohchifo ilʋppa isht im abʋchit hʋchik ahanto ka hi a̱, kʋllochi fehnʋt okla e chim apesa tuk keyu̱? Yohmi kash o̱ Cheluselem a̱ hʋchim anumpa isht ai alotolit hʋsh kaiyanchi; yohmi mʋt hatak ilʋppa im issish a̱ pishno ak o̱ isht pi onochi hʋchi bʋnnʋshke; ahanchi tok.

Tutelonomi 18:15

Chin Chitokaka Chihowah yʋt a hʋch itin takla hʋsh itibapishi ʋhleha ai achʋfa yosh ʋno chohmi ho̱, Hopaii chi̱ hilecha chi̱ hoke; yʋmmak o̱ ish i̱ haponakla hi oke.

Tutelonomi 18:18

Itibapishi ʋhleha im itin takla ya̱, Hopaii chishno chohmi ho̱ i̱ hilechi la hi oke, micha ʋm anumpa ha̱ itih ha̱ fohkalikma, im apesa li tuk mak o̱, moma ho̱ im anumpula hi oke;