Chan 1:21 - Chahta Holisso Holitopa 1886

²¹ Mihma okla i̱ ponaklot, Mih kʋto kʋta hak o̱? Elias ak o̱ chia ho̱? achi tok: mihma, Mih sia keyu, achi tok. Hopaii mih mak o̱ chia ho̱? achi ma; afalaminchi mʋt, Keyú, achi tok.

Chan 1:21 Iomraidhean Croise

Mahlu 11:14

Micha hʋchi yimma hinla hokma, ilʋppak osh ʋla he tok Elias mak oke.

Mahlu 16:14

Mihma, Kanimi kʋto, Chan Baptist chia ho̱ mihakma kanimi kʋto, Elias; mikma inlaka yʋto Chelemaias; keyukmʋt hopaii a tok achʋfona mak o̱ chia ho̱ miha hoke, achi tok.

Mahlu 21:11

Mihma okla laua yash osh, Ilʋppak osh Kalili yakni Nasalet a̱ i̱ hopaii Chisʋs mak oke, achi tok.

ʋBanumpa Luk Ʋt Holissochi Tok 1:17

Mikmʋt i̱ki ʋhleha chu̱kʋsh a̱ falaminchit ʋlla puta ka ai it ibafohkit it in nanaiyachikmʋt, anonti nan ik yimmo puta ma hopoyuksa ʋhleha ha̱ im anukfila ha̱ pit ai ibafohkit, okla ha̱ anukfohki na Chihowa hoka im ʋlhtaha chi̱ ka, Elias im anukfila chinto il ai eshi hosh Chitokaka itikba ya̱ ia hi oke, im achi tok.

Chan 1:22

Mihma, Kʋta chia hak o̱? ish pim anoli na auet pi tihleli tuk ʋhleha ha̱ anumpa falama ka ont il imashke: chishno akinli kʋto, Kʋta ho̱ ish ile miha cho? im achi tok.

Chan 1:25

Atuk osh yʋmmak ash o̱ okla i̱ ponaklot, Chishno ak osh Klaist mih mak o̱ chia keyu; Elias a̱ chia keyu; anonti hopaii mih mak o̱ chia keyu hokak osh, nanta katiohmi ho̱ ish baptismochi cho? im achi tok.

Chan 6:14

Yohmi ma Chisʋs ʋt na‐fehna ho̱ yʋmihchi na okla pisa mʋt, Ilʋppak osh hopaii yakni ilʋppa ʋla he tuk mak o̱ pulla mʋhlishke, achi tok.

Chan 7:40

Yohmi hatuk o̱ anumpa ilʋppa haklo mʋt, okla hash ot lauʋt, Ilʋppak osh hopaii mih mak o̱ fehna ho mʋhlishke, achi tok.