Chan 1:19 - Chahta Holisso Holitopa 1886

¹⁹ Mihma yʋmmak ash o̱, Kʋta chia hoh cho? achit ont i̱ ponakla chi̱ ka, Chu okla hʋt na‐holitompa isht a̱sha, micha Lefait okla aiena ka Chelusalem a̱ a kohchit pit tihleli na Chan ʋt atokowa anoli tok a̱ ilʋppak oke.

Chan 1:19 Iomraidhean Croise

Chan 1:7

Yʋmma pulla tuk mak o̱ hatak ʋt momʋt yimma hi o̱, yʋmmak ash osh nan atokoli osh Nan‐tohwikeli ash atokowa anola chi̱ hosh a̱ya tok.

Chan 10:24

Mihma Chu ʋhleha hash ot ʋlʋt yʋmmak ash o̱ ant a folubli cha, Ik ai ithano chohmit il aiasha na katiohmi foka chi̱ ho̱ ish pim ahni cho? Chishno ak osh Klaist chia hokmʋt, achukmalit ish pim anolashke, im achi tok.

Chan 10:31

Mihma anonti Chu okla hash ot tʋli ishit bola chi̱ kʋt tʋli a̱ okla aiowa tok.

Chan 11:19

Mihma i̱ nakfi illi Mahla, micha Meli itatuklo ka hopohlʋla chi̱ hosh Chu okla hʋt lauʋt im ai itahoba tok.

Chan 2:18

Mihma Chu okla hash ot afalaminchi mʋt, Nan isht atokowa nanta ho̱ ish pim otʋninchi hosh ilʋppa puta ka ish yakohmichi cho? im achi tok.

Chan 2:20

Yohmi ma Chu okla hash ot, Tempel ilʋppʋt afʋmmi pokoli ushta akocha hannali ho̱ tobʋt ʋlhtaha tok: yohmi ka chishno ʋto nitak tuchina ho̱ falaminchit ikbit ish hilecha hinla cho? achi tok.

Chan 5:10

Yohmi hatuk o̱ Chu okla hʋt na hlakofi tuk yʋmmak ash o̱, Nitak hullo yoke; chi̱ potʋlhpo a̱ isht ish a̱ya he ai ʋlhpesa keyu hoke, im achi tok.

Chan 5:15

Mihma hatak ash at kohchʋt ia mʋt, hlakofichi tuk ʋt Chisʋs ak atuk a̱, Chu okla ha̱ ont im anoli tok.

Chan 5:16

Yohmi hatuk o̱ Chu okla hash osh, Chisʋs ʋt nitak hullo nitak o̱ yʋmma yʋmihchi tuk o̱, yʋmmak ash i̱ nukkillit ʋbi bʋnnʋt ma̱ya tok.

Chan 5:18

Yohmi ka yʋmmʋt nitak hullo ya̱ kobʋffi kak o̱ illa keyu, amba Chihowa yak osh I̱ki yo̱ mihʋt, Chihowa ya̱ ilapinli kʋt itilaui ho̱ isht il ilapissa aiena hatuk o̱, Chu okla hʋt yʋmmak ash ʋbi bʋnna kʋt i̱ shahlichi tok.

Chan 6:41

Yʋmmʋt, Ʋno ak osh pʋska ʋba minti tok mak o̱ sia hoke, achi hatuk o̱, Chu okla hash ot yʋmmak ash o̱ lumasit na‐mihachit ma̱ya tok.

Chan 6:52

Yohmi hatuk o̱ Chu okla hash ot, Hatak ilʋppʋt katiohmi kak osh ilap nipi ya̱ pipeta na e pa hinla ho̱? achit itachowʋt ma̱ya tok.

Chan 7:1

Nana kʋt ai yakohmi ha ya, Chisʋs ʋt Kalili yakni ak o̱ ahanta tok: Chu okla hash osh yʋmmak ash ʋbi ka bʋnnʋt ma̱ya hatuk o̱, Chu i̱ yakni yokʋno ahanta he ik ahno ha tok.

Chan 7:11

Yohmi ma Chu okla hʋt yʋmmak ash ai‐impa holitopa a̱sha ka hoyot, Mih mʋto katima yak o̱ hikia cho? achi tok.

Chan 7:15

Mihma Chu okla hʋt nukhlakancha cha, Hatak ilʋppʋt katiohmi kak osh ithʋna tok keyu kʋto, holisso ha̱ imponna hoh chishba? achi tok.

Chan 8:22

Yohmi ma Chu okla hash ot, Kanima yo̱ ai ona li ka, hʋchishno ʋto hʋsh ona he keyu, achi kʋt ilap inli kak osh ile ba chi̱ hoh cho? achi tok.

Chan 8:48

Mihma Chu okla ʋhleha hash ot afalaminchi mʋt, Chishno ʋt Samalitan hatak chia hosh, nan‐isht‐ahullo okpulo a̱ ish il ai eshi hatuk a̱, e chi achi kʋt ʋlhpesa ho̱ e miha keyu cho? im achi tok.

Chan 8:52

Mihma Chu okla hash ot, Nan‐isht‐ahullo okpulo a̱ ish il ai eshi hatuk a̱, himak ʋno il akostininchishke; Eblaham, mikmʋt hopaii ʋhleha aiena kʋt illi tok: yohmi ka hatak ʋt nana mihi̱ha li ka ʋm antia hokmʋt, nitak nana ai illika ya̱ pisa he keyu, ish achishke.

Chan 8:57

Mihma Chu okla hash ot, Sipokni kʋt afʋmmi pokoli tahlapi ka chik ono ki̱sha hokak osh, Eblaham a̱ ish pi̱sa tok oh cho? im achi tok.

Apostel isht Anumpa 13:25

Micha Chan ʋt anumpulit ahanta mʋt, Kʋta hak o̱ sia hʋchim ahoba cho? Ʋno ʋto mih mak o̱ sia keyu hoke. Amba siakaiyʋt minti kak o̱, yʋmma iyi i̱ shulush a̱ ʋno ʋt i̱ hotofi la he si ahoba keyu hoke; achi tok.

Apostel isht Anumpa 19:4

Mihma, Chan ʋto ile kostininchit baptismo yo̱ isht baptismochi ho mʋhli cha, ilap iaka̱yʋt mihinti, Klaist Chisʋs mak o̱ yimma hi a̱, okla ha̱ im ahanchi tok; Pal ʋt achi tok.

Tutelonomi 24:8

Leplosi ililli okpulo ya̱ ahah ish ahnashke, micha naholitompa isht asha ʋhleha Lefait ʋhleha hʋt nana moma ka̱ hʋchim abʋchi tuk mak o̱, achukmalit ithaiyanʋt ish yʋmihchashke: yʋmmak ash o̱ i̱ miha li tuk mak o̱ ithaiyanʋt ish yʋmihchashke.

1 Chan 1:5

Yohmi ka Chihowa yʋt tohwikelika, micha yʋmma okhlilika yʋt atakali iksho kʋmohmi aiena ilʋppak o̱ anumpa yʋmma il ai i̱ haponaklo tuk mak osh e hʋchim anolishke.