Chan 1:18 - Chahta Holisso Holitopa 1886

¹⁸ Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

Chan 1:18 Iomraidhean Croise

Genesis 16:13

Mihma Chihowah yʋt im anumpohonli tuk ash hochifot Chitokaka chia hʋt is sa pi̱hi̱sa yoke, achi tok: mihmʋt, Ʋno ʋt ilʋppa pisa li ha yak kia hopo̱koyo li ha cha? achi tok.

Genesis 18:33

Mihmʋt Chihowah yʋt Eblaham a̱ itim anumpulit issa mʋt ia tok: mihma Eblaham ʋt falamʋt aiʋtta ya̱ ona tok.

Eksotʋs 23:21

Ahah ish im ahni cha, im anumpa im antiʋt, chik nukowacho kashke, na hʋchi̱ yoshuba ya̱ chi̱ kashofa he keyu; sa hohchifo kʋt iba foyuka hoka.

Eksotʋs 24:10

Micha Islael in Chitokaka ya̱ pisa tok; micha iyi nuta ya̱ saffai tʋli yosh a patʋlhpo ha tok, micha shohkauali kʋt shutik fehna kak o̱ chohmi tok.

Numbas 12:8

Yʋmmak okʋno itih bi̱ka itim anumpohonli chohmit itim anumpule la chi̱ hoke: micha anumpa luma ha chi̱ keyu hoke; mikma Chihowah holba pisa chi̱ hoke; yohmi ka̱ nantihmi ho̱ an tishu Moses a̱ na mihachit anumpuli ka̱ ik hʋchi nukwio tuk oh cho? im achi tok.

Mahlu 11:27

A̱ki ʋt nan oklu̱ha ka sʋbbak fohkishke: yohmi ka Ushi ya̱ hatak nana kia ik ithano ho̱, amba I̱ki ak banoshke; mikma I̱ki a̱ hatak nana kia ik ithano ho̱, Ushi ak illa, micha Ushi ak osh kʋna ho̱ im otʋnichi hok mak bano hoke.

ʋBanumpa Luk Ʋt Holissochi Tok 10:22

Nan oklu̱ha ka A̱ki ʋt sʋbbak a̱ a fohkishke; yohmi ka kʋna hosh Ushi yoka hatak nana kia ik ithano ho̱, amba I̱ki ʋt ak illa hoke: mikmʋt kʋna hosh I̱ki yoka kʋna kia ik ithano ho̱, amba Ushi ʋt ak illa; micha Ushi ʋt kʋna ho̱ im otʋninchi mak bano hoke, achi tok.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 12:41

Yʋmma im isht a holitopa ya̱ pisʋt yʋmma pit isht anumpuli mak osh Esaias ʋt ilʋppa puta ka achi tok.

Chan 13:23

Yohmi ma nan im ai ithʋna ʋhleha ha̱ achʋfa ka Chisʋs ʋt holitobli yatuk o̱, Chisʋs ikkishi ha̱ ʋtayʋt a̱sha tok.

Chan 14:9

Mihma Chisʋs ʋt, Chi takla ahanta li̱ hopakit taiyaha ka, Filip ʋt chik sʋthano ki̱sha tuk oh cho? kʋna hosh ʋno a̱ sa pi̱sakmʋt, A̱ki a̱ pi̱sa hatuk; yohmi ka katiohmi ho̱, Chi̱ki a̱ ish pi̱ haiakʋchashke, ish achi cho?

Chan 17:26

Yohmi na ilʋppak o̱ chi hohchifo ha̱ isht im anohonli li tuk osh, anonti anohonli la chi̱ hoke: yohmikma na‐holitobli ai isht is sa̱ hullo hatuk ʋt ilʋppak ma anukfoyuka na, anonti ʋno mʋt ai ibacha̱fa lashke, achi tok.

Chan 17:6

Hatak puta ka yakni ak o̱ ai ishit is sʋma hatuk a̱, chi̱ hohchifo ha̱ im otʋninchi li hokʋno; yʋmmak okʋt chimmi hatuk o̱, is sʋma hatuk oka, chim anumpa ha̱ okla holitobli tuk oke.

Chan 3:11

A̱hlishke, a̱hli mak o̱ chim achi lishke, Nana ka il ithana mak osh il anumpuli: mikmʋt e pi̱sa tuk mak osh atokolit il anoli hoke; yohmi ka nana atokolit il anoli ka ik hʋchi yimmoshke.

Chan 6:46

Hatak nana hosh A̱ki ak o̱ pisa chatuk o̱ keyu; Chihowa yak o̱ a minti tok ak bano yʋmmʋto A̱ki a̱ pi̱sa chatuk oke.

2 Kolinhlian 4:4

Klaist, yʋmmʋt Chihowa Hoyulba ka, im ʋbanumpa holitopa in tohwikeli hʋt on tomma chi̱ keyu ka, na yimmi keyu yʋmmak ash o̱ im anukfila puta ka yakni ilʋppa i̱ shahli yosh lʋblichi hatuk oke.

Tutelonomi 4:12

Mihma Chihowah yʋt luak iklʋnna et a hʋchim anumpuli tok; anumpa ola hokʋno hʋsh haklo tok, yohmi kia na holba ka̱ hʋchik peso tok; peh ola kak illa ho̱ hʋsh haklo tok.

Koloshan 1:15

Yʋmmʋt Chihowa ya̱ pisa he keyu ka hoyulba kʋt, nana toba tok puta ka Ʋttahpi yoke.

1 Timohli 1:17

Yohmi ka Mi̱ko okcha̱yʋt a bilia, illa he keyu, na holhponayo hʋt pisa he keyu, Chihowa hopoyuksa yak bano kak o̱ ahninchit holitohombli na bilia hosh ik biliá. Amen.

1 Timohli 6:16

Yʋmmak okʋt ai illa hi ʋt ik im iiksho, micha tohwikeli yʋmmak oka hatak nana hosh ai ona he keyu ho̱ anu̱kaka ai ahanta hoke; yohmi ka yʋmmak oka hatak nana hosh pisa chatuk keyu, micha pisa hi o̱ keyu; yʋmmak okʋt isht a holitopa, micha nana moma isht imaiya bilia ita tuklo kʋt immi hashke. Amen.

Choshua 5:13

Atuk o̱ yakohmi tok, Choshua ʋt Cheliko lapali ka hikiʋt, ʋba chakalit hopo̱koyo mʋt, i chapaka ya̱ hatak ʋt bʋshpo falaia shu̱fit ieshi hosh hikia na pit pisa tok: mihma Choshua ʋt im ona cha, Pishno ak o̱ pibai achʋfa chia hokmá, keyukmʋt pin tʋnʋp ak o̱ ibaiachʋfa chia hokmá, nanta cho? im achi tok.

1 Chan 4:12

Hatak achʋfa kia nitak nan ash Chihowa ya̱ pisa tok keyushke. Pishno ʋt iloh it i̱ hullo hokma, Chihowa yʋt hʋpi anukfoyuka; yohmikma yʋmma il i̱ hullo kʋt ai a̱hli mak oke.

1 Chan 4:20

Hatak ʋt Chihowa ya̱ i hullo li, achi hosh anonti itibapishi ha̱ i̱ nukkilli hokmʋt, yʋmmʋt holabi yoke. Itibapishi ha̱ pi̱sa kʋt ik i̱ hullo kʋto, anonti katiohmi hosh Chihowa pisa chatuk keyu kʋt yʋmma i̱ hulla hinla cho?

1 Chan 4:9

Yʋmmak atuk mak o̱ pishno ʋt isht pi okcha̱ya hi a̱ Chihowa yʋt Ushi achʋfa illa yatuk a̱ yakni a̱ auet kanchi tok oka, ilʋppak o̱ Chihowa yʋt auet hʋpi̱ hullo ka isht ai otʋni tok oke.

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.