Chan 1:15 - Chahta Holisso Holitopa 1886

¹⁵ Chan ʋt yʋmmak oka atokowa anoli hosh, chitolit anumpulit, Auet siakaiyʋt mihinti kak osh sa ti̱kba ahanta tok mak okʋt, yʋmmak ash holitopa kʋt ʋno a̱ a̱ shahli ho̱, isht anumpohonli li tuk a̱ ilʋppak atuk mak oke, achi tok.

Chan 1:15 Iomraidhean Croise

Mahlu 3:11

Ʋno yokʋto hʋsh ilekostinincha chi̱ mak o̱, oka ya̱ ishit hʋchi baptismochi li ho mʋhlishke; yohmi kia auet siaka̱yʋt mihinti hokʋto ʋno a̱ shaiyahli, yʋmma i̱ shulush a̱ isht im a̱ya hi o̱ si ahoba keyu hoke; yʋmmak osh Shilombish Holitopa, micha luak aiena mak o̱ ishit hʋchi baptismocha hi oke.

Mark i̱ Holisso 1:7

Mihmʋt ʋbanumpa isht anumpohonli mʋt, Ʋno a̱ a̱ shahli fehna hosh auet siakaiyʋt minti, yʋmmak okʋno ʋno ʋt i̱ shulush isht‐talakchi yak kia a hlipiʋt hotofi la he si ahoba keyu hoke.

ʋBanumpa Luk Ʋt Holissochi Tok 3:16

Chan ash ot mominchit im anumpullit, Ʋno yokʋto oka yo̱ isht hʋchi baptismochi li mʋhli; yohmi kia achʋfa kʋt a̱ shahli fehna hosh mihinti ka i̱ shulush isht‐talakchi a̱ ʋno ʋt hlitoli la hi o̱ si ahoba keyu hoke; yʋmmak osh Shilombish Holitopa, micha luak aiena ho̱ isht hʋchi baptismocha hi oke.

Chan 1:27

Yʋmmak osh siakaiyʋt minti kʋt holitopa kʋt a̱ shahli ka, i̱ shulush isht‐talakchi a̱ hotofi la he si ahoba keyu mak oke, achi tok.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 8:58

Mihma Chisʋs ʋt A̱hlishke, a̱hli mak o̱ hʋchim achi lishke, Eblaham ʋt iksho ki̱sha ma, anta li tok oke, im achi tok.

Koloshan 1:17

Yohmi ka yʋmmak ash osh nana moma ka in tikba yoke, mihma yʋmmak o̱ nana moma kʋt a takala he atok ʋt ont ai yʋmohmit isht ai it im ʋlhpesa hoke.

Heblu 13:8

Chisʋs Klaist okʋt pilashash kaniohmi tuk ʋt, himak nitak a̱ mih ash inli, micha peh bilia yoke.

Nan Otʋni 1:11

Ʋno ak osh Alfa, mikmʋt Omeka, ʋmmona, mikmʋt ont ishtaiyopi aiena sia mak oke; yohmi hoka nana ho̱ ish pihi̱sa kʋt holisso ha̱ ish a holissochi cha, Asia yakni chʋch a hiohli untuklo Efesʋs, micha Smʋna, mikmʋt Pʋkamos, micha Hlaiatila, mikmʋt Satis, micha Filatelfia, mikmʋt Laotisea aiena ka pit ish pilashke, ahanchi ho̱ haklo li tok.

Nan Otʋni 2:8

Mikmʋt chʋch Smʋna a hikia nan isht im ʋtta ya̱ pit ish i̱ holissochashke. Ʋmmona, micha ont ishtaiyopi aiena, yʋmmak osh illi tok ʋt, okcha̱yʋt ahanta mak osh, ilʋppa puta ka achishke.