Chan 1:14 - Chahta Holisso Holitopa 1886

¹⁴ Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 1:14 Iomraidhean Croise

Atʋloa 2:7

Nan ʋlhpisa ya̱ ʋnoli lashke: Chihowa hʋt, “Sʋsoh chia hoke; ʋno ak osh himak nittak a̱ chi tobʋche lishke.

Atʋloa 45:2

Pisah achukma kʋt hʋttak ʋhlehah ish i̱ shaiyahlishke; ayukli yosh chittiʋlbi ya̱ o̱ fohopʋshke; yʋmohmi hoka̱ Chitokaka yʋt chi yokpali na billiʋshke.

Atʋloa 85:9

Im ai okcha̱ya yʋt i̱ nukshopa ʋhleha hak o̱ i̱ bili̱kasih pulla hoke; yʋmohmi hatuk o̱ ahulittopa yʋt pi̱ yakni ya̱ ai ittoiyula hoke.

Mahlu 1:16

Atuk o̱ Chekob ʋt Meli, yʋmmak o̱ Chisʋs ʋt a tobʋt ʋtta tuk osh Klaist hohchifo ka, i̱ hatak Chosef a̱ tobachi tok.

ʋBanumpa Luk Ʋt Holissochi Tok 2:11

Himak nitak a̱ nan‐okchalinchi, yʋmmʋt Klaist Chitokaka mak osh Lewi in tʋmaha ha̱ a hʋchim ai ʋttʋshke.

ʋBanumpa Luk Ʋt Holissochi Tok 2:7

Mihmʋt ishi ahpi kʋt ʋlla nakni osh in tola cha, yʋmmak ash na‐hlilahli o̱ a bonulli mʋt, aboha anu̱ka yano aiasha yʋt iksho hoka, issuba ai‐ilhpita yo̱ fohkit bohli tok.

ʋBanumpa Luk Ʋt Holissochi Tok 9:32

Yohmi kia Pita, micha inlaka aiena yʋmma apehʋt a̱ya tuk ash ot nosilhha fehna tok: atuk osh okla ont okchʋt taha mʋt, isht‐a holitopaka yash, micha hatak tuklo kʋt apehʋt hieli tuk ash aiena ka okla pisa tok.

Chan 1:1

Ʋmmona ka Anumpa hʋt ahanta mʋt, Anumpa hʋt Chihowa ya̱ ai iba chʋfa tok: mihmʋt Anumpa hash ot Chihowa ya tok.

Chan 11:40

Mihma Chisʋs ʋt, Chi yimmi hokmʋt, Chihowa isht a holitopaka ya̱ ish pisa hinla hoke, ak chim acho ke tuk oh cho? im achi tok.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 14:9

Mihma Chisʋs ʋt, Chi takla ahanta li̱ hopakit taiyaha ka, Filip ʋt chik sʋthano ki̱sha tuk oh cho? kʋna hosh ʋno a̱ sa pi̱sakmʋt, A̱ki a̱ pi̱sa hatuk; yohmi ka katiohmi ho̱, Chi̱ki a̱ ish pi̱ haiakʋchashke, ish achi cho?

Chan 17:22

Yohmikma ilʋppʋt ai itib achʋfa kʋt pishno il itibai achʋfa kak inli ho̱ chohma hi a̱, nan‐isht aholitopa is sʋma tok a̱ ilʋppa ima lishke.

Chan 17:24

A̱ki ma! is sʋma tok ʋhleha hak kia kanima yo̱ ai ahanta likma, si api̱hʋt a̱sha cha, nan‐isht ʋm aholitopa yʋmma is sʋma tok a̱ pisa he ak o̱, ahni lishke: yakni ʋt ik tobo ki̱sha mak o̱ is sa holitobli tok mak oke.

Chan 18:37

Yohmi hatuk o̱ Pailat ash osh, Mih kʋto mi̱ko chia akinli hotuma? im achi ma, Chisʋs ʋt afalaminchit, Mi̱ko sia mak atuk o̱ ish mihʋshke. Nan ai a̱hlika atokolit anoli la he ilʋppak osh sa toba cha, anonti ilʋppa pulla hatuk mak o̱ a̱yʋt yakni a̱ ʋla li tuk oke. Nan ai a̱hlika yo̱ anukfoyuka aiyukali hokʋto, ʋm anumpa ha̱ haponaklo bano hoke, achi tok.

Chan 2:11

Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.

Chan 3:16

Chihowa yʋt yakni a̱ i̱ hullo fehna kʋt, kʋna hosh yʋmma i̱ yimmikmʋt ik illo hosh, amba ai okcha̱yʋt bilia yo̱ pisa hi o̱, Ushi achʋfa illa holitopa ya̱ auet ima tok.

Chan 3:18

Kʋna hosh yʋmma i̱ yimmi kʋto, isht ai ilbʋsha he anumpa hʋt onʋtula keyu hoke: amba kʋna hosh i̱ yimmi keyu hokʋto, Chihowa Ushi achʋfa illa holitopa hohchifo hatuk a̱ i̱ yimmi keyu kʋt, isht ai ilbʋsha he anumpa hʋt onʋtula ma̱shko hoke.

Chan 6:51

Ʋno ak osh pʋska okcha̱ya ʋba minti tok a̱ sia mak oke; hatak nana hosh pʋska ilʋppa ʋpa hokmʋt, okcha̱ya na bilia he; yohmikma pʋska ipeta la he, yʋmmʋt ʋno sa nipi yakni ʋt ai okcha̱ya hi o̱, isht atobbi la chi̱ kak oke, im achi tok.

Chan 8:32

Mikmʋt nan‐aia̱hli ka hʋsh ithana he; mikma nan‐aia̱hlika yash ot yuka keyu hʋch ikba hi oke, im achi tok.

Apostel isht Anumpa 13:33

Im ʋlla ʋhleha hʋpia hak o̱, Chihowa yʋt yʋmmak ash isht pim ai a̱hlichi hosh Chisʋs a̱ falamichit tanichi tok. Yohmi kʋt ataloa ont atu̱kla ka, Sʋso chia hoke, himak nitak a̱ chikbi lishke, achit aholisso akinli hoke.

Loman 8:3

Yohmi ka ʋba nan ʋlhpisa yʋt nana ka ik atahlo kʋt, haknip ak atuk pulla kak o̱ ik ai a̱hlo hatuk o̱, Chihowa hʋt ilap Ushi ak inli ho̱ ai ashʋchika isht ʋlhtoba mak o̱ hatak nan ashʋchi haknip a̱ hobachit auet kanchi hosh, haknip ak o̱ ai ashʋchika ya̱ ai i̱ palʋmminchi tok:

Loman 9:5

Mihmʋt i̱ki ʋhleha tikba chash ot immi, micha yʋmmak o̱ Klaist ʋt hatak haknip imma hokʋno a minti tok osh, moma i̱ shaiyahlit Chihowa holitopʋt biliʋshke. Amen.

1 Kolinhlian 15:47

Hatak ʋmmona kʋt yakni yo̱ a toba hatuk osh, yakni imma kak oke. Hatak atukla kʋto ʋba minti Chitokaka ak oke.

2 Kolinhlian 12:9

Mihma, Nan isht ʋm i̱ kana yʋt isht chim ʋlhpesa hoke; nan ʋm isht hlampko yʋt ik hlampko yak o̱ isht im ai ʋlhtaha yoka, ʋm achi tok. Yʋmohmi hoka Klaist isht i̱ hlampko yʋt si onʋtuyula chi̱ ka, nan isht ik sa hlampko isht ilauata li kak osh ʋm ʋlhpesa chi̱ hoke.

Kaleshan 4:4

Yohmi tok kia nitak ont ʋlhpesa kʋt ʋla ma, Chihowa yʋt Ushi ʋt pila na, nan ʋlhpisa i̱ nutaka toba hosh ohoyo ho̱ a toba tok.

Efeshan 3:8

Ʋno ʋt ʋbanumpa yimmi moma ik lauwo ka ik a lauwo sia hoh kia, isht i̱ kana ilʋppa ʋma na Klaist nan isht yukpali kʋna hosh ithʋnʋt hlopullicha he keyu a̱, Chentail a̱ isht im anumpuli la hi atok.

Koloshan 1:19

I̱ki ʋt ʋlhpesa ahni kʋt, yʋmmak ash o̱ nan isht ai ʋlhtaha yʋt afoyuka he, ahni tok:

Koloshan 2:3

Klaist ak o̱ na hopoyuksa, micha nan ithana ita tuklo im isht ilaiyukpa moma kʋt a luma hoke.

Koloshan 2:9

Klaist ak osh Chihowa yʋt akaniohmi ka isht alotowa kʋt:

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

Heblu 1:3

Yʋmmak ash osh Chihowa isht a holitopa shohmalali, micha Chihowa mih fehna yatuk, micha nan oklu̱ha ka im anumpa kʋllo ai a̱hli kak o̱ isht ieshi hosh ai ashʋchika isht a pi̱ kashofa hi a̱ ataiyahli tok osh, Nan oklu̱ha imaiya ʋba chaha moma i̱ shahli ka a binili im isht impak imma ak o̱ binili tok.

Heblu 1:5

Nitak nanta kash o̱ enchil ʋhleha ha̱ achʋfona kia, Chishno yʋt sʋso chia mak o̱ himak nitak a̱ chi tobachi lishke; micha anonti ilap ʋt, Ʋno yak o̱ Sʋso hachi̱, mikmʋt, ʋno yʋt I̱ki sia hachi̱ hoke, im achi tok o̱?

Heblu 10:5

Yʋmohmi hoka yakni ilʋppa ʋla mʋt, Nan ai ashʋchi isht ʋlhtoba, micha ʋba isht aiokpʋchi aiena hokʋno chik ahno tok; amba haknip o̱ is sʋm ikbi tok, achi tok:

Heblu 2:11

Yohmi ka na‐kashofi, micha nan ai ashʋchika i̱ kashofa aiena kʋt it ibai achʋfa hoke; yakohmi hoka ik hofahyo hosh itibapishi ʋhleha hochihi̱fo kʋt,

Heblu 5:5

Yohmi ka Klaist ak kia ilap ak inli hosh na holitompa isht ʋtta chinto toba chi̱ kʋt isht ile holitoblichi tok keyu: amba, Chishno ʋt Sʋso chia ho̱ himak nitak oka chi tobachi lishke; im achi kak atok oke.

1 Chan 4:14

Micha pishno ʋt e pihi̱sa mak osh yakni a̱ okchalinchi a he I̱ki ʋt Ushi a̱ auet kanchi tok a̱ atokowa il anohonlishke.

1 Chan 4:9

Yʋmmak atuk mak o̱ pishno ʋt isht pi okcha̱ya hi a̱ Chihowa yʋt Ushi achʋfa illa yatuk a̱ yakni a̱ auet kanchi tok oka, ilʋppak o̱ Chihowa yʋt auet hʋpi̱ hullo ka isht ai otʋni tok oke.

2 Chan 1:7

Na yoshubli laua kʋt yakni a̱ atiapa cha, Chisʋs Klaist ʋt haknip a̱sha hosh ʋla tok a̱ atokowa anoli keyushke. Ilʋppak osh na yoshubli, micha Klaist i̱ sanali aiena mak oke.

Nan Otʋni 19:13

Yohmi mʋt issish isht humma anchi o̱ ai anchi tok; mihmʋt i̱ hohchifo hʋt, Chihowa im Anumpa, achi tok.

Nan Otʋni 21:3

Yohmi ma anumpa ola chinto kʋt ʋba aholitopa ya̱ a kohcha na haklo li ma, yakeh! Chihowa hʋt im ʋlhtipo yʋt hatak puta ka ibafoyuka hatuk o̱, yʋmmak o̱ ibai ahanta chi̱, mikma im okla tobakma, anonti Chihowa ilap mʋt yʋmma in Chihowa hosh ibafoyukʋt ahanta chi̱ hoke.