Chan 1:13 - Chahta Holisso Holitopa 1886

¹³ Issish ak o̱ keyu, mikmʋt haknip nan ahni keyu, micha hatak osh nan ahni keyu ho̱, yʋmmak okʋt toba tok; amba Chihowa yak a tok.

Chan 1:13 Iomraidhean Croise

Genesis 25:22

Atuk o̱ ʋlla yash osh ikfoka a̱lhto kʋt itʋboa tok: mihma, Yohmi hokma, nanta katiohmi ho̱ si yakohmi cho? achi mʋt, Chihowah ya̱ ont im a ponaklo tok.

Genesis 25:28

Mihma Aisak ʋt Esau im issi nipi ʋpa kak osh holitobli tok: amba Lebekah ʋt Chekob a̱ holitobli tok.

Genesis 27:33

Mihma Aisak ʋt wʋnihinchi kʋt atampa fehna tok; micha, Kʋta hosh himak a̱ chik lo ki̱sha ma, issi nipi ishit isht ʋm ʋla na moma ka ai ishit apa lish, yukpali li tuk mʋto? a̱hli, yohmi na nayukpa hi oke, achi tok.

Genesis 27:4

Micha nipi champuli an champuli chatuk a̱ chohmi ho̱ is sʋm ikbi cha, isht is sʋm ʋla na ʋpa lashke: yohmikma ik sʋllo ki̱sha kak o̱ ʋmi shilombish ʋt chi yukpalashke, im achi tok.

Atʋloa 110:3

Tʋnʋp ia chi̱ ittʋhobah nittakmʋt, chim okla hʋt ilap ahni hosh chim il issa hi oke; chu̱kʋsh kʋshofa ishit shema kʋt onnʋt minti a ko̱ho̱ccha tohwikeli ak o̱ chiyuhmi hosh, chi̱ himithoa yʋt fichak chiyuhmit chim aiyasha hi oke.

Mahlu 3:9

Micha, Eblaham ak osh pi̱ki oka, acha hi okʋno hʋch ik il anukfillo kashke; Chihowa hʋt tʋli yak aiasha ka Eblaham im ʋlla ya chi̱ ka ai ikba hinla hoke, hʋchim achi lishke.

Chan 3:3

Chisʋs ʋt afalaminchi mʋt, A̱hlishke, a̱hli mak o̱ chim achi lishke, Hatak ʋt atuklant ʋtta keyukmʋt, Chihowa apehlichika ya̱ pisa he keyu hoke, im achi tok.

1 Kolinhlian 3:6

Hatak moma kʋt yohma he mak o̱ Chitokaka yʋt apesa tok o̱, Ʋno ak osh na‐hokchi li tok, Apollos ʋto oka on hlali tok; amba Chihowa yokʋto offochi hatuk oke.

Filippian 2:13

Chihowa ak osh ilap nan isht im ʋlhpesa hosh ai ahni kak o̱ ahnit, hʋsh yʋmihcha chi̱ ka hʋchi a toksahanli hoke.

Titus 3:5

Nan ai ʋlhpiesa isht ahantʋt il atahli tok ak o̱ keyu, amba pi nukha̱klo kak osh himona toba isht ʋlhchihi̱fa kʋt, Shilombish Holitopa yak o̱ himona isht a toba ho̱ isht a pi okchalinchi tok oke;

Chemis 1:18

Immi ha hi osh ikbi tok puta nan i̱ wayahpi e chiyuhma hi o̱, ilap ahni hosh anumpa ai a̱hli yo̱ ishit tobahanchi tok.

1 Pita 1:23

Chihowa im anumpa, yʋmmʋt ma̱ha̱yʋt bilia yak atuk pulla kak o̱ na nihi okpula he keyu yo̱ atuklant isht hʋsh a toba hoke.

1 Pita 1:3

Pin Chitokaka Chisʋs Klaist I̱ki, micha in Chihowa hokʋt holitopashke, yʋmmak osh pi̱ nukha̱klo chinto hatuk osh, Chisʋs Klaist ʋt illi tuk kia, falaminchit tanichi kak osh anonti himonʋchit pikbi tok o̱, na yukpa fehna hosh,

1 Pita 2:2

Ʋllo̱si himona ʋtta chiyuhmit, yʋmmak o̱ isht a hʋchi hofahantit ai okcha̱ya ya̱ hʋsh ona chi̱ mak osh, ʋbanumpa pishukchi ai a̱hli kak o̱ bʋnna fehnʋt hʋsh hoho̱yashke.

1 Chan 3:9

Kʋna hosh Chihowa ak o̱ isht a toba hokʋto ashahanchi chatuk keyu: yʋmma i̱ na nihi ʋt anukfoyuka hatuk o̱; micha yʋmmak okʋt Chihowa ak o̱ isht a toba hatuk okʋt, ashahancha he keyu hoke.

1 Chan 4:7

Holitopa ʋhleha ma! nan i̱ hullo ʋt Chihowa ak o̱ a minti hoka, iloh it i̱ hullashke: micha kʋna hosh i̱ hullo hokʋt moyumʋt Chihowa ak o̱ isht a toba; micha Chihowa ya̱ ithana mak oka.

1 Chan 5:1

Kʋna hosh Chisʋs ʋt Klaist mak atuk a̱ yimmi hokʋto, Chihowa ak o̱ isht a toba mak oke; micha na tobachi tok ash i̱ hullo hokʋto, moma kʋt yʋmma isht a toba tok puta ma i̱ hullo ak inli hoke.

1 Chan 5:18

Kʋna hosh Chihowa yak o̱ isht a toba tuk okʋto, ashahanchi keyu chatuk a̱ il ithanʋshke: amba Chihowa ak o̱ isht a toba tuk okʋto achukmalit il apesahanchi chatuk; yohmikma nan okpulo yʋmmak ash ot ik halelo chatuk oke.

1 Chan 5:4

Kʋna hosh Chihowa yak o̱ isht a toba tuk okʋto, yakni a̱ imaiyachi hoke; micha yakni a̱ nan isht imaiyachi kʋt nana pi yimmi ka ilʋppak oke.