Chan 1:11 - Chahta Holisso Holitopa 1886

¹¹ Yʋmmak okʋt a̱yʋt ilap immi ʋhleha ho̱ im ʋla ma, immi ʋhleha hash osh ik i̱ yimmo ki tok.

Chan 1:11 Iomraidhean Croise

Mahlu 15:24

Yohmi kia yʋmmak ash osh afalaminchi mʋt, Inla yokʋno im a̱ya li ha tok keyu; amba chukfʋlhpoba tʋmoa Islael in chuka‐chʋfa ak a tok oke, achi tok.

ʋBanumpa Luk Ʋt Holissochi Tok 19:14

Atuk ak o̱ i̱ yakni achʋfa okla hash ot i̱ nukkilli cha, Hatak yʋmmak okʋno ik pi pehlichí, il ahna he keyu, achit anumpa shali a̱ iakaiyachit pit chʋffichi tok.

Chan 1:10

Yʋmmak atuk mak o̱ yakni ʋt toba tok o̱, yakni a̱ ai ahanta ma, yakni ʋt yʋmmak ash ik ithano ki tok.

Chan 1:12

Amba laua kaniohmi hosh ahninchit, ilapo hohchifo ha̱ i̱ yimmi hokʋno, Chihowa ushi ʋhleha toba chi̱ mak o̱ isht ai ʋlhpesa ka ima tok;

Chan 19:27

Mihmʋt nan im ai ithʋna yash o̱, Chishki a̱ ish pisashke, im achi tok. Mihma nan im ai ithʋna yʋmmak ash osh hʋshi kanʋlli ʋlhpisa yʋmmak fehna ai‐ʋhlit ia ka, ohoyo hash ilauelit ilap in chuka akinli ho̱ bohli tok.

Chan 3:32

Micha nana ka pi̱sa tuk; mihmʋt ha̱klo tuk aiena mak osh yʋmmak ash atokolit anumpuli hoke; yohmi kia nan ai ʋlhtokowa anohonli ka, hatak nana kia ik yimmoshke.

Apostel isht Anumpa 13:26

Hatak itibapishi li ʋhleha ma! Eblaham isht atiaka ushi, micha kʋna hosh hʋchi takla a̱shwa kʋt Chihowa ya̱ i̱ nukshohumpakma, hʋchishno ak o̱, ai okcha̱ya isht anumpa ilʋppʋt hʋchim a̱ya hoke.

Apostel isht Anumpa 13:46

Yohmi ma Pal, micha Banabas ita tuklo kash ot nukwa̱ya iksho kʋt isht i̱ shahlit ia mʋt, Chihowa im anumpa hʋt ti̱kba hʋchishno ak o̱ a hʋchim anumpa he mʋto ai ʋlhpiesa tuk okʋno; yohmi kia, yʋmmak ash naksi ka pit hʋsh bohli cha, okcha̱yʋt bilia he o̱ ik chi ahobo kʋt isht hʋsh il anukfihinli hoka, okla nan ik ithano yak o̱ pit il i̱ filemʋshke.

Apostel isht Anumpa 21:6

Atuk osh okla it aiokpʋchit pin taiyaha ma, peni pit il ʋlhto ma, yʋmmak ash ot falamʋt, in chuka ilhkoli tok.

Loman 15:8

Yohmi ka Chihowa isht ai a̱hli yak atuk pulla kak o̱ Chisʋs Klaist okʋt hakshup tʋpa yak o̱ nan isht im ʋtta toba kʋt, i̱ki ʋhleha ha̱ nan im ihi̱sa tok puta ka ai a̱hlicha chi̱ kak atok oke, achi lishke.

Loman 9:1

Klaist ak o̱ nan ai a̱hli ka isht ai anumpuli li kʋt holabi li keyu, Shilombish Holitopa ak osh anukfokihinchi ho̱, isht akostininchi li yak kia nan atokowa ka anohonli ak inlishke.

Loman 9:5

Mihmʋt i̱ki ʋhleha tikba chash ot immi, micha yʋmmak o̱ Klaist ʋt hatak haknip imma hokʋno a minti tok osh, moma i̱ shaiyahlit Chihowa holitopʋt biliʋshke. Amen.

Kaleshan 4:4

Yohmi tok kia nitak ont ʋlhpesa kʋt ʋla ma, Chihowa yʋt Ushi ʋt pila na, nan ʋlhpisa i̱ nutaka toba hosh ohoyo ho̱ a toba tok.