Chan 1:1 - Chahta Holisso Holitopa 1886

¹ Ʋmmona ka Anumpa hʋt ahanta mʋt, Anumpa hʋt Chihowa ya̱ ai iba chʋfa tok: mihmʋt Anumpa hash ot Chihowa ya tok.

Chan 1:1 Iomraidhean Croise

Genesis 1:1

Ʋmmona ka̱ Chitokaka yʋt ʋba, micha yakni aiena ka̱ ikbi tok.

Atʋloa 45:6

Chitokaka ma, chim ai o̱ binili hulittopa yʋt billiʋt billia yoke; chim apehlichika i̱ tʋbi ʋt ai ʋlhpiesa i̱ tʋbi yoke.

ʋBanumpa Luk Ʋt Holissochi Tok 24:53

Yohmi mʋt Chihowa ya̱ in taloʋt holitoblichit pit aiokpahanchit tempel anu̱kaka ya̱ aiasha beka tok. Amen.

Chan 1:14

Micha Anumpa hash ot nipi yo̱ toba cha, nan isht i̱ kana, micha nana aia̱hlika aienʋt isht alotowa hosh pi takla ahanta tok: yohmi na isht a holitopa ya̱, I̱ki a̱ Ushi ʋt achʋfa illa cha ai isht a holitopa chatuk mak o̱, chiyuhmi ho̱ e pihi̱sa tok.

Chan 1:18

Hatak nana hosh Chihowa ya̱ nitak nan ash o̱ pisa tok keyu: Ushi holitopa achʋfa illa I̱ki shakba ya̱ afoyuka, yʋmmak atuk okʋto yʋmmak oka otʋninchi tok oke.

Chan 1:2

Yʋmmak inli hosh ʋmmona ka Chihowa ya̱ ai iba chʋfa tok.

Chan 16:28

A̱ki ak o̱ a kohchʋt a̱ya hosh yakni a̱ ʋla li tok osh; anonti yakni ash issʋt, A̱ki a̱ im ia li hoke, im achi tok.

Chan 17:5

Yohmi ka, A̱ki ma! yakni ʋt iksho mak o̱ na holitopa ka isht chiba holitopa li ya tok mak o̱, himak a̱ chishno a̱ ai il a aieninchit is sa holitoblichashke.

Chan 20:28

Mihma Tamas ʋt afalaminchi mʋt, An Chitokaka ma! an Chihowa ma! im achi tok.

Chan 8:58

Mihma Chisʋs ʋt A̱hlishke, a̱hli mak o̱ hʋchim achi lishke, Eblaham ʋt iksho ki̱sha ma, anta li tok oke, im achi tok.

Loman 9:5

Mihmʋt i̱ki ʋhleha tikba chash ot immi, micha yʋmmak o̱ Klaist ʋt hatak haknip imma hokʋno a minti tok osh, moma i̱ shaiyahlit Chihowa holitopʋt biliʋshke. Amen.

Efeshan 3:9

Micha im anukfila luma hatok a̱ itibai achʋfa kʋt kaniohmi ka hatak moma ka pisachi la hi atok; yʋmma yakni tobahpi a minti ka Chihowa hʋt Chisʋs Klaist nana moma ka isht ikbi tok ʋt, luhmit ieshi tok;

Filippian 2:6

Yʋmmʋt Chihowa hoyulba yatuk osh, Chihowa ya̱ ile itilauechi kʋt na wehpuli ya he ahni tok keyu.

Koloshan 1:15

Yʋmmʋt Chihowa ya̱ pisa he keyu ka hoyulba kʋt, nana toba tok puta ka Ʋttahpi yoke.

Koloshan 1:17

Yohmi ka yʋmmak ash osh nana moma ka in tikba yoke, mihma yʋmmak o̱ nana moma kʋt a takala he atok ʋt ont ai yʋmohmit isht ai it im ʋlhpesa hoke.

1 Timohli 3:16

Mikma moyuma kʋt ilʋppa ai a̱hli ai ahnishke; ʋbanumpa nan otʋninchi kʋt na chinto fehna; yohmi kʋt Chihowa hʋt haknip o̱ isht otʋnit, Shilombish Holitopa ka isht ai a̱hlit, enchil ʋhleha ha̱ im a haiakʋt, Chentail ʋhleha ha̱ isht im anuhumpa tok, mihma yakni paknaka ya̱ ai i̱ yihimmi tok o̱, ʋba a holitopa ka ik chukowá im ai ahni na pit chukowa tok.

Titus 2:13

Mikmʋt ai okcha̱yʋt isht il ai yukpa bilia, micha Chihowa Chitokaka, pi okchalinchi Chisʋs Klaist ʋt isht a holitopa ieshi hosh haiaka hi a̱ pit hoho̱yot il ahanta he;

Heblu 13:8

Chisʋs Klaist okʋt pilashash kaniohmi tuk ʋt, himak nitak a̱ mih ash inli, micha peh bilia yoke.

Heblu 7:3

I̱ki iksho, ishki iksho, isht ai unchululi iksho, nitak ai isht ia ʋmmona tok ʋt iksho, micha im ilhfiopak ʋt ont ai ʋhli tok ʋt iksho, amba Chihowa Ushi yak o̱ chiyuhmi hosh na holitompa isht ʋtta yosh ahantʋt bilia hoke.

2 Pita 1:1

Saimon Pita, Chisʋs Klaist im apostel, micha in tishu hokʋt pin Chihowa, micha pi Okchalinchi, Chisʋs Klaist ʋt nan aiʋlhpiesa yʋmohmi tok pulla mak o̱, na yimmi pi̱ holitopa itilaui ka ahayuchi tok ʋhleha yʋmmak o̱ pit aiokpuchi kʋt,

1 Chan 5:20

Micha Chihowa Ushi ʋt ʋla cha, yʋmmak osh nan ai a̱hli ka mak atuk ash il akostinincha chi̱ ka, nan isht akostininchi a̱ pi anukfoki tuk a̱ iloh ithanʋshke; yohmi ho̱ pishno ʋt yʋmmak osh nan ai a̱hli ka mak atuk Ushi Chisʋs Klaist a̱ il ai ibai achʋfa hoke. Ilʋppak osh Chihowa ai a̱hli, micha ai okcha̱yʋt bilia mak oke.

1 Chan 5:7

Tuchina hosh nan atokoli kʋto ʋba ya̱ a̱sha, I̱ki, micha Anumpa, mikmʋt Shilombish Holitopa aiena kak oke; mikmʋt tuchina ilʋppʋt achʋfa hoke.

Nan Otʋni 1:11

Ʋno ak osh Alfa, mikmʋt Omeka, ʋmmona, mikmʋt ont ishtaiyopi aiena sia mak oke; yohmi hoka nana ho̱ ish pihi̱sa kʋt holisso ha̱ ish a holissochi cha, Asia yakni chʋch a hiohli untuklo Efesʋs, micha Smʋna, mikmʋt Pʋkamos, micha Hlaiatila, mikmʋt Satis, micha Filatelfia, mikmʋt Laotisea aiena ka pit ish pilashke, ahanchi ho̱ haklo li tok.

Nan Otʋni 1:17

Yohmi ma yʋmmak ash o̱ pisa li mʋt, illi yo̱ chohmit iyi ituma ya̱ ont sa tula tok. Yohmi ma ibbak isht impak imma ya̱ ishit si umbitepa mʋt, Ʋno ak osh ʋmmona, micha ont ishtaiyopi aiena sia mak oke, ik chi nukshopo kashke.

Nan Otʋni 1:2

Mihi yosh Chihowa im anumpa, mikmʋt Chisʋs Klaist nan isht im atokowa, micha nana ho̱ pisa tok aiena kʋt atokowa anoli tok mak oke.

Nan Otʋni 1:8

Chitokaka nan oklu̱ha imaiya yʋt himak a̱ okcha̱yʋt ahanta kʋt, yʋmmak osh okcha̱yʋt ahanta tok osh, himak a pilla ka okcha̱yʋt ahanta he mak osh, Ʋno ak osh Alfa, Omeka, ai isht ia ʋmmona, micha ont ai ʋhli aiena sia mak oke, achishke.

Nan Otʋni 19:13

Yohmi mʋt issish isht humma anchi o̱ ai anchi tok; mihmʋt i̱ hohchifo hʋt, Chihowa im Anumpa, achi tok.

Nan Otʋni 2:8

Mikmʋt chʋch Smʋna a hikia nan isht im ʋtta ya̱ pit ish i̱ holissochashke. Ʋmmona, micha ont ishtaiyopi aiena, yʋmmak osh illi tok ʋt, okcha̱yʋt ahanta mak osh, ilʋppa puta ka achishke.

Nan Otʋni 21:6

Atuk osh yʋmmak ash ot, Ʋlhtaiyahʋshke; Alfa, micha Omeka, ai isht ia ʋmmona, micha ont ai ʋhli sia hosh, kʋna hosh itukshila hokma, oka ai okcha̱ya kʋli hak o̱ pilla ai ima la chi̱ mak oke.

Nan Otʋni 22:13

Alfa, Omeka, ai isht ia ʋmmona, ont ai ʋhli, ʋmmona, ont ishtaiyopi sia mak oke.

Nan Otʋni 3:14

Mikmʋt chʋch Laotisea a hikia nan isht im ʋtta ya̱ pit ish i̱ holissochashke: Amen, Nan atokowa anoli a̱hli, Chihowa nana ikbi tok a̱ moma in Tikba mak osh ilʋppa puta ka achishke.