1 Samuel 8:6 - Chahta Holisso Holitopa 1886

⁶ Yohmi kia, Mi̱ko ish pima na nana pim apesashke, okla achi ma, Samuel ʋt nana isht ik im ʋlhpeso tok. Mihma Samuel ʋt Chihowa ya im ilbʋshʋt anumpuli tok.

1 Samuel 8:6 Iomraidhean Croise

Atʋloa 109:4

I̱ hullo li kak o̱ a̱ tʋnampi oklah tubah ma̱, ʋno yokʋto ʋnnumpah ilbʋssha ʋnumpule li yoke.

Eksotʋs 32:21

Mihmʋt Moses ʋt Alon a̱ okla hʋt nanta ho̱ chi katiohmichi ho̱ nanashʋchi chinto yakohmi ka̱ ish onochi cho: im achi tok.

Eksotʋs 32:32

Yohmi kia himak a̱ ish ahnikmʋt, nanashʋchi ya̱ ish i̱ kashofashke, atuk o̱ ish yʋmihcha he keyukmʋt, chi̱ holisso ho̱ ish holissochi tuk ʋt is sa kashofashke, achi tok.

Numbas 16:15

Mihma Moses ʋt nukowa fehna cha, Chihowah ma! nana chim ihi̱sa ka̱ chik aiokpacho kashke: issuba nashoba achʋfa kia im ishi li tuk keyu hoke, micha achʋfa kia okpʋni li tuk keyu hoko, achi tok.

Numbas 16:22

Mihma nashuka ishit hlipkaiyachi cha Chitokaka ma! Nipi moma imi shilombish in Chitokaka ma! hatak achʋfa hosh yoshoba na okla moma ka̱ ish i̱ nukkilla chi̱ cho? achi tok.

Numbas 16:46

Mihma Moses ʋt Alon a̱ nabalama ai ʋlhto ishi cha alta ya̱ luak ai ishit fohkit nabalama onochi cha tu̱shpʋt iʋt okla moma ya̱ im onʋt ish i̱ kashoffashke; im ai i̱ nukkilli ʋt Chihowah ya̱ a kohchʋt ia hoka, ililli okpulo ʋt isht iʋshke, im achi tok.

Filippian 4:6

Nana kia isht ik hʋchi ataklaiyamo kashke; amba nana puta ka anumpa ilbʋsha anumpulit asihi̱hlʋt aiokpahanchi hosh nana a hʋchi bʋnna kʋt Chihowa ya̱ im annoho̱washke.

Chemis 1:5

Hʋsh kanimi kʋt isht a hopoyuksa hi ʋt ik hʋchim iksho hokmʋt, Chihowa hak o̱, yʋmmak osh hatak moma ka ai okpanchit ima, micha nan isht ik mihacho chatuk ak o̱, im asilhhashke. Yohmikma yʋmmak oka ima he bano hoke.

1 Samuel 10:19

Atuk o̱ himak nitak fehna hʋchin Chitokaka, yʋmmʋt ilap akinli hosh nan isht hʋch ilbʋsha, micha nan isht hʋchi̱ palʋmmi ya̱ a hʋchi kohchi tok a̱ hʋsh shitilemʋshke; micha, Aha̱! yohmi kia mi̱ko ak o̱ pim ikbí, hʋsh im achi tuk oke. Yʋmohmi hokʋt himak a̱ hʋchim apehlichika, micha hʋchin tahlepa sipokni aiyukali kʋt, Chihowa itikba ya̱ ont hʋsh ile haiakʋchashke, im achi tok.

1 Samuel 12:12

Micha Ammon in chipota i̱ mi̱ko Nahash ʋt ant hʋchin tanampi na hʋsh pisa mʋt, hʋchin Chitokaka Chihowa ʋt hʋchi̱ mi̱ko yokak o̱, hʋchishno ʋt, Aha̱! amba mi̱ko yosh pi pehlicha chi̱ hoke, hʋsh achi tok.

1 Samuel 12:17

Himak nitak ʋt onush ʋmo keyu̱? Chihowa ya̱ i̱ pa̱ya likma, hiloha, micha umba aiena ka et pila chi̱ hoke; yʋmohmi ho̱ mi̱ko hʋsh asilhha kʋt, Chihowa itikba nana hʋsh ashʋchi kʋt chinto fehna ka hʋsh ithaiyanashke, im achi tok.

1 Samuel 12:19

Mihma okla moma kʋt Samuel a̱, Chin tishu ʋhleha ha̱ isht anumpulit, chin Chitokaka Chihowa ya̱ ish im asilhhashke, yohmi na ik pillo kashke: mi̱ko il asilhha kʋt nan il ashʋchi ya̱ il iba fohki tuk okʋt, achi tok.

1 Samuel 12:23

Micha ʋno ʋt anumpa ilbʋsha isht hʋchi anumpuli li kʋt issa lish, Chihowa ya̱ i̱ yoshuba la hi a̱ Chitokaka yʋt ʋm olʋbashke; amba achukma, micha aiʋlhpiesa hina yak o̱ hʋch ithʋnanchi la chi̱ hoke.

1 Samuel 15:11

Sal a̱ mi̱ko ikbit hilechi li tuk ʋt sa nukha̱kloshke: siakaiya he tuk ʋt a̱ filʋmmi cha, a̱ nan ʋlhpisa ya̱ ik yʋmihcho hoka. Mihma Samuel ʋt nukha̱klo tok: micha Chihowa ya̱ ilbʋshʋt i̱ pa̱ha̱ya na ninak achʋfa kʋt hlopulli tok.

1 Samuel 7:5

Mihma Samuel ʋt, Islael moma ka Mispeh ak o̱ hʋsh ai itʋnahlashke, mikmʋt ishit hʋchi anumpulit Chihowa ya̱ im ilbʋsha lashke, achi tok.