1 Samuel 7:3 - Chahta Holisso Holitopa 1886

³ Mihma Samuel ʋt Islael in chuka achʋfa moma ka im anumpulit, Hʋchi chu̱kʋsh isht ai oklu̱hʋchit Chihowa ya̱ falamʋt hʋsh im ona hokmʋt, oklushi inla i̱ na holbʋt toba, micha Ashtalolh aiena ka̱ hʋch ititakla ya̱ hʋsh a kanchi cha, hʋchi chu̱kʋsh a̱ Chihowa ya̱ hʋsh im atahli cha, yʋmmak bano ho̱ hʋsh aiokpʋchashke; mikma Filistin okla ibbak a̱ akohchit hʋchi hlakoficha chi̱ hoke, achi tok.

1 Samuel 7:3 Iomraidhean Croise

Genesis 35:2

Yohmi ma Chekob ʋt in chuka achʋfa ya̱, micha api̱ha tuk moma ka̱, Naholbʋt toba puta hʋch itin takla a̱sha ka̱ hʋsh kanchashke; micha hʋchi kashofa cha, nafohka inla ishit hʋsh fohkashke.

1 Mi̱ko 11:33

Okla sa kanchi cha, Sitonian okla i̱ naholbʋt toba ohoyo Ashtolelh, Moab okla i̱ naholbʋt toba Chemosh, micha Ammon in chipota i̱ naholbʋt toba Milkom aiena ka aiokpʋchi cha, a̱ hina puta ik ai itʋnoho̱wo, micha sa tikba ai ʋlhpiesa ik yʋmihcho, micha a̱ nanʋlhpisa puta, micha a̱ nan isht ai apesa puta aiena ka ik yʋmihcho kʋt i̱ki Lewi atok a̱ ik chohmo hoka.

1 Mi̱ko 8:48

Yohmi cha in tʋnʋp ʋhleha hʋt yukachit pehlichit ia tuk i̱ yakni ya̱ a̱sha hosh chu̱kʋsh ai oklu̱hanchit, micha shilombish ai oklu̱hanchit falamʋt chim oho̱na cha, anumpa ilbʋsha ya̱ i̱ yakni i̱ki ʋhleha ish ima tok, tʋmaha holihta ish atokoli tok, micha chi̱ hohchifo chuka im ikbi li tuk ash, pilla ha̱ et anumpohonlikma;

2 Mi̱ko 17:39

Amba hʋchin Chitokaka Chihowa yak o̱ hʋsh i̱ nukwiashke; mikma yʋmmak osh hʋchin tʋnʋp moma ibbak a̱ a hʋchi hlakofficha hi oke, achi tok.

2 Mi̱ko 23:15

Mikmʋt alta Behlel hikia tuk ak kia, micha achahaka Nebat ushi Cheloboam Islael a̱ nan ashʋchechi tok ʋt ikbi tok, alta yʋmmak kia, micha achahaka yʋmma itatuklo ka kinahlichi tok; micha achahaka ya̱ hukmi mʋt, ahʋhlichit pushechi cha, Ashelah ha̱ hukmi tok.

Mahlu 15:8

Okla ilʋppʋt itih hokʋno a̱ bili̱kasi isht ʋla mʋt, itiʋlbi ma ishit sa holitoblishke; yohmi kia chu̱kʋsh okʋto auet a̱ hopakishke.

Mahlu 4:10

Mihma Chisʋs ash osh, Setan ʋt kanima iashke: chin Chitokaka Chihowa hak o̱ ish ai okpahanchikmʋt, yʋmmak illa ho̱ ish im antiashke, achi kʋt holisso hoka, im achi tok.

Mahlu 6:24

Hatak nana kia i̱ shahli ha̱ tuklochit holitobla he keyu; achʋfalit i̱ nukkilli cha, achʋfa yak o̱ holitobla hinla; keyukmʋt achʋfalit pit halanli cha, achʋfa yak o̱ kanimancha hinla hoke. Chihowa micha Mammon it aieninchit hʋsh holitobla he keyushke.

ʋBanumpa Luk Ʋt Holissochi Tok 4:8

Mihma Chisʋs ash ot afalaminchit, Setan chia hʋt ʋm ashaka yak o̱ ish hikiashke; Chitokaka chin Chihowa yak o̱ i̱ hʋchukbihlepʋt ish aiokpahanchashke; micha yʋmmak illa ho̱ holitoblit ish im antiashke; achi kʋt holisso hoka, im achi tok.

Chan 4:24

Chihowa yʋt Shilombish oke: yohmi ka kʋna hosh yʋmma pit aiokpʋchi hokʋt shilombish, mikmʋt aia̱hli aiena mak o̱ isht aiokpʋchi pullashke, im achi tok.

Tutelonomi 10:20

Chin Chitokaka Chihowah ya̱ ish i̱ nukwiashke; yʋmmak o̱ ish im antiashke, micha yʋmmak o̱ ish asitiashke, micha yʋmmak o̱ hochifo hosh anumpa kʋllo ish ilonochashke.

Tutelonomi 13:4

Hʋchin Chitokaka Chihowah ya̱ iakaiyʋt hʋsh itʋnowashke, micha i̱ nukwiʋt im anumpa ha̱ holitoblit, im anumpa ha̱ hʋsh im antiʋt, in toksa̱hanlit hʋsh asitiashke.

Tutelonomi 4:29

Yohmi tuk kia yʋmma a̱shʋt chin Chihowah Chitokaka ya̱ ish hoyokmʋt, chi chu̱kʋsh a̱ mominchit, micha chi shilombish a̱ mominchit hʋsh hoyokmʋt, hʋsh ahayucha hi oke.

Tutelonomi 6:13

Chin Chitokaka Chihowah ya̱ ish i̱ nukwia cha, ish im antiashke, micha yʋmma hochifot anumpa kʋllo il onochit ish anumpulashke.

Choshua 13:31

Micha Kiliat ʋt iklʋna, micha Ashtololh, micha Etlei, Bashan ʋtta Ok im apehlichika tʋmaha holihta yosh Manasseh ushi Machi im ʋlla ʋhleha ha̱ immi hatok: Machi im ʋlla ʋhleha iklʋna hosh itakʋshkoa ʋlhpisa hosh immi hatok.

Choshua 24:14

Yʋmohmi hoka Chihowa ya̱ hʋsh holitobli cha, chu̱kʋsh a̱hli, micha apissali bieka hosh hʋsh im antiashke; micha na holbʋt toba puta hʋch i̱ki ʋhleha hʋt okhina mish tʋnnʋp, micha Echip a̱ aiokpʋchi tok a̱ hʋsh kanchashke; micha Chihowa yak o̱ hʋsh im antiashke.

Choshua 24:23

Yʋmohmi hoka himak a̱ naholbʋt toba puta ka hʋch ititakla ya̱ hʋsh kanchashke, micha hʋchi chu̱kʋsh a̱ Islael in Chihowa Chitokaka ak o̱ isht hʋsh asitiashke, achi tok.

Nan Apesa 10:16

Mihmʋt okla inla i̱ naholbʋt toba puta kʋt im ai itintakla aiasha ka kanchi cha, Chihowa yak o̱ im antia tok: mihma Islael ʋt ilbʋsha kak o̱ imi shilombish ʋt nukha̱klo tok.

Nan Apesa 10:6

Mihma Islael im ʋlla ʋhleha hʋt Chihowa itikba ya̱ nana ik achukmo ka yʋmohmit Baalim, micha Ashtalolh, micha Silia i̱ naholbʋt toba puta, micha Siton i̱ naholbʋt toba puta, micha Moab i̱ naholbʋt toba puta, micha Ammon in chipota i̱ naholbʋt toba puta, micha Filistin ʋhleha i̱ naholbʋt toba puta aiena kak o̱ aiokpʋchi cha, Chihowa ya̱ issa cha, ik im antio tok.

Nan Apesa 2:11

Mihma Islael im ʋlla ʋhleha hʋt nana ik achukmo ka Chihowa itikba a yʋmohmit, Baalim a̱ aiokpʋchi tok.

Nan Apesa 2:13

Mihmʋt Chihowa ya̱ issa cha, Baal, micha Ashtalolh ita tuklo kak o̱ iakaiya tok.

1 Samuel 31:10

Micha i̱ nahalupa yash Ashtalolh in chuka okla bohli mʋt, haknip ash Belh‐shan holihta naksika ya̱ apotolit anʋhlichi tok.