1 Samuel 4:3 - Chahta Holisso Holitopa 1886

³ Mihma okla hʋt falamʋt im ʋlbina ha̱ ona ma, Islael hatak im asʋnonchi ʋhleha hʋt, Katiohmi ho̱ Chihowa ʋt himak nitak a̱ Filistin okla itikba ya̱ issot pi akakohlichi cho? Chihowa nan it im apesa afoyuka itombi holitopa ya̱ Shiloh ya̱ ont ai isht iloh ʋlashke, yohmi na pititakla ʋlakmʋt, pin tʋnʋp ibbak a̱ kohchit pi hlakofichashke, achi tok.

1 Samuel 4:3 Iomraidhean Croise

2 Samuel 15:25

Mihma mi̱ko ʋt Satok a̱, Chitokaka im itombi holitopa ya̱ falʋmminchit tʋmaha holihta ya̱ isht ish onashke: Chihowa i̱ holhponayo itikba ya̱ isht i̱ kana ai ahayuchi likma, anonti sʋsht ona cha, yʋmma micha ai ahanta aiena ka sʋpisacha hi oke.

Atʋloa 74:1

Chitokaka ma, nantihmi ho̱ shittilemʋt ish kanchi na billia hosh, oklah ish ʋpesʋchih chatuk ʋt im asʋnalit chim anukhubela yʋt shubullih choh?

Atʋloa 74:11

Nantah kʋtiohmi ho̱ chibbak a̱, chibbak ishtimpakimma yak kia fʋlʋmminchit ish eshih choh? chikkishi ha̱ ish a luhmi tuk ʋt ish a kohchikmʋt, okpʋnit ish tahlashke.

Numbas 10:33

Mihma Chihowah i̱ nʋnih ha̱ issʋt nitak tuchina anowa okla ona tok; mihma Chihowah nan itim apesa afohka itombi holitopa ak osh nitak tuchina anowa yʋmma im afoha hoyot im ahayucha chi̱ hosh tikba ia tok.

Numbas 10:35

Atuk o̱ yakohmi tok, itombi holitopa yʋt wakayʋt iakma, Moses ʋt Wakaya, Chihowah ma, mikma chin tʋnʋp puta kʋt ita fimimpashke; micha chi̱ nukkilli ʋhleha hʋt chi tikba yihlepashke, achi tok.

Numbas 31:6

Yohmi ma Moses ʋt tʋnʋp a̱ pila tok, apehlichi achʋfakma tahlepa sipokni achʋfa ho̱, yʋmma micha naholitompa isht ʋtta Eleasa ushi Finehas aiena kʋt naholitopa isht asha, micha olacha chi̱ ho̱ isht pu̱fa yʋt ibbak foyuka yo̱ tʋnʋp a̱ pila tok.

Tutelonomi 29:24

Oklushi moma kak kia, nanta katiohmi ho̱ Chihowah yʋt yakni ilʋppa yʋmihchi tuk oh cho? nanta katiohmi ho̱ nuklibisha chito lʋshpa kʋt yakohmi hoh cho? okla acha hi oke.

Tutelonomi 31:26

Nan ʋlhpisa holisso ilʋppa ishi cha, hʋchin Chitokaka Chihowah nan itim apesa afohka itombi holitopa anu̱kaka hʋsh bohlashke; yʋmohmi ho̱ witnes chi̱ sanalit yʋmma itoyulashke.

2 Timohli 3:5

Chihowa ya̱ holitobli ilahobi kia, ai a̱hli ka ona hosh yohmi keyu ka he: yʋmma chiyuhmi hokʋno ish i̱ filʋmmashke.

Heblu 9:4

Yʋmmak oka anu̱kaka ya̱ na balama aluachi tʋli holisso lakna isht toba, micha nan it im ʋlhpisa yash im itombi yokʋt tʋli holisso lakna yosh isht ompoholmot apakfoyupa, yʋmmak o̱ tʋli holisso lakna nan ai ʋlhto manna yosh ʋlhto, micha Alon in tʋbi yʋt bikobli tok, micha tʋli patʋssa tuklo nan it im ʋlhpisa yʋt ai o̱ holihi̱so tok aiena kʋt foyuka hosh taloha tok:

Choshua 4:7

Afalamichit, Chihowa nan it im apesa ʋt afoyuka itombi holitopa itikba ya̱ Chatan oka yʋt hokofa tok; yʋmmʋt Chatan a̱ tanʋbli ma, Chatan oka yʋt hokofa tok a̱ hʋsh im achashke; yohmi na tʋli ilʋppak o̱ Islael im ʋlla ʋhleha hʋt isht ithana na bilia hi oke, im achi tok.

Choshua 6:6

Yohmi ma Choshua, Nun ushi ʋt na holitompa isht asha i̱ howa cha, Nan it im apesa yʋt afoyuka itombi holitopa yash ishit hʋsh sholashke; yohmikma na holitompa isht asha untuklo kʋt chukfi nakni lapish isht pu̱fa untuklo ka shoyuli hosh Chihowa im itombi holitopa itikba ya̱ hielashke, im achi tok.

Choshua 7:7

Mihmʋt Choshua ash osh, Ikikkeh! Chitokaka Chihowa ma! nanta katiohmi ho̱ Amolait ʋhleha ibbak a̱ ish pi fohki na pi mosholicha chi̱ ka, okla ilʋppa Chatan a̱ ant ish pi tanʋblichi tuk oh cho? pim ʋlhpesa cha, Chatan mishtʋnʋp mak inli ho̱ il ai asha hatuk okbano!

Choshua 7:8

Chihowa ma! Islael okla hʋt in tʋnʋp ʋhleha ha̱ nʋli ak o̱ i̱ filihi̱mi ka, nanta hak o̱ miha la chi̱ cho?

1 Pita 3:21

Yʋmmak ash o̱ chiyuhmi hosh himonasi ak kia baptismo yʋt, yʋmmak osh haknip liteha yoka isht kanchi keyu, amba Chihowa itikba isht il akostininchi achukma ai yʋmohma he il apihi̱sʋt, Chisʋs Klaist illi tok kia falamʋt tani tok pulla kak o̱ yʋmohmi kak osh pi okchalinchi ak inli hoke.

Chute 1:5

Yʋmohmi ka Chitokaka yokʋt kanimihchit Echip yakni a̱ a kohchit okla ha̱ hlakofichi ha yʋt na yimma he keyu ʋhleha hokʋno ʋbit taiyahli tok; ilʋppa himonna ma hʋsh ithana hatuk ak inli kia, hʋsh ithaiyana he mak o̱ hʋchim ai ahni lishke.

1 Samuel 1:24

Atuk osh pishechi tuk ʋt issʋchi mʋt, ishi cha, wak hobʋk himita tuchina, micha bota tohbi efah achʋfa, micha okapa̱ki kotoba achʋfa aiena ka ishi cha, Chihowa in chuka Shiloh ya̱ isht ona tok: mihma ʋlla yash osh himita tok.

1 Samuel 14:18

Mihma Sal ʋt Ahiah ya̱, Chitokaka im itombi holitopa ya̱ isht ish lashke, im achi tok. Nitak yʋmma Chitokaka im itombi holitopa ʋt Islael im ʋlla ʋhleha hak o̱ takla talaia tok oka.

1 Samuel 4:2

Mihma Filistin okla hʋt Islael a̱ itiba chi̱ kʋt im ʋlhtahʋt hieli tok: mihmʋt itibit itafama ma, Islael ʋt Filistin okla itikba akakoha tok; micha ai itibi yʋmma tʋshka chipota ya̱ tahlepa sipokni ushta foka ho̱ okla ʋbi tok.