1 Samuel 2:3 - Chahta Holisso Holitopa 1886

³ Himak pilla ka yohmit ile chahʋchi atampa fehnʋt hʋsh anumpuli ná: ilefehnʋchi anumpa hʋt chitih ha̱ ik kohcho kashke: Chihowa ʋt Chitokaka nan ithana yosh yʋmmak osh nana kaniohmi puta ka wekichi hoka.

1 Samuel 2:3 Iomraidhean Croise

1 Mi̱ko 8:39

Yohmikma ʋba aholitopa ya̱ ish ai ahanta kʋt et ish a haklo cha, ish i̱ kashofikmʋt ish i̱ yʋmihchi cha, chu̱kʋsh a̱ ish ithaiyana kʋt, hatak moma nana akaniohmi tuk aiyukali kak o̱ ish ihi̱mashke: (chishno, chishno pulla ak illa kak osh, hatak im ʋlla ʋhleha moma chu̱kʋsh a̱ ish ithana hokʋt;)

Atʋloa 147:5

Pi̱ Shahli yʋt chintoh, micha nan isht im ai a̱hli ʋt chintoh fehna hoke; nan ai ʋkostininchi ya̱ kʋna hosh hutihna he keyu hoke.

Atʋloa 17:10

Imi chu̱kʋsh a̱ i̱ kʋmalih mʋt, ile fehnʋchit itih ha̱ isht ʋnumpo̱ho̱li hoke.

Atʋloa 31:18

Ai ʋlhpiesa yoka̱ a sʋnalit ilefehnʋchit shittilemʋt nukwa̱yah iksho hosh ʋnumpuli ittiʋlbi hulabi ʋt ʋlhkʋmashke.

Atʋloa 44:21

Ilʋppa̱ Chitokaka yʋt silhhit ʋhayucha hinlah keyuh choh? yʋmmak osh chu̱kʋsh ai ʋloma̱ka putta ka̱ ithana yokʋt.

Atʋloa 75:5

“Hʋchi̱ lʋpish a̱ chahʋchih fehnʋt hʋchik chahacho kashkeh, micha ikunla kʋllochit nukwa̱ya iksho hosh hʋchik ʋnumpolo kashkeh, im achi lishkeh,” ish achishke.

Atʋloa 94:4

Lawachit nukwa̱ya iksho hosh ʋnumpo̱ho̱li hoke; nan ik ʋlhpeso yʋmihchi moma kʋt ilefehnʋchi hoke.

Heblu 4:12

Yohmi ka Chihowa im anumpa hʋt okcha̱ya, micha isht ai a̱hli fehna, micha halupa kʋt bʋshpo falaia itahla̱kla halupa yak kia i̱ shahli hosh hlopullichit bʋshli kʋt, ilhfiopak, micha shilombish ita tuklo ka it i̱ filʋmmichi, anonti itachakli, micha lupi ita tuklo ka it i̱ filʋmmichi, micha chu̱kʋsh anu̱kaka nan isht ahni, micha nan isht anukfilli puta ka akostininchit nan im apesa yoke.

Choshua 22:22

Chitokaka Chihowa na holbʋt toba moma i̱ shahli, Chitokaka Chihowa na holbʋt toba moma i̱ shahli, yʋmmʋt ithanʋshke, mikma Islael ak kia ithana chi̱ hoke; Chihowa im asanali hokmá, keyukmʋt i̱ yoshuba hokmá, nana hatuk ma, (himak nitak a̱ ik pi okchalincho kashke.)

Nan Otʋni 2:23

Mikmʋt ohoyo yʋmma im ʋlla ʋhleha hatuk ma illi mak o̱ isht ahambi la chi̱ hoke; yohmikma ʋno ak osh hatak chu̱kʋsh nana ai ahni puta ka afʋnalechit ithana sia hatuk a̱ chʋch ʋhleha puta kʋt ithaiyana he mak oke: yohmikma hʋchishno hʋsh a kaniohmi puta kak o̱ isht ai ʋlhpesa aiyukali mak o̱ hʋch ima la hi oke.

Nan Apesa 9:38

Yʋmohmi ma Sebul ʋt, Chitih isht anumpulit, Abimilech ak osh kʋta hatuk o̱ il im antia hinla cho? ish ahanchi tuk mʋto? okla ilʋppak o̱ ish shitilema tuk mak keyu̱? inta! himak a̱ ish kohcha cha, ish itibashke, im achi tok.

1 Samuel 16:7

Yohmi kia Chihowa ʋt Samuel a̱, Nashuka, micha chahaka atokolit ish pisa ná; ak aiokpacho tuk oka: Chihowa ʋt nana pisa kʋt hatak na pisa ka chohmi keyu hokʋt; hatak ʋto nashuka ya̱ pisa hoke, amba Chihowa ʋto chu̱kʋsh oka atokolit pisa hoke, im achi tok.