1 Samuel 11:8 - Chahta Holisso Holitopa 1886

⁸ Yʋmohmi ma Besek a̱ a hotihna ma, Islael im ʋlla ʋhleha hʋt tahlepa sipokni tahlepa tuchina ma, Chutah hatak ʋhleha hʋt tahlepa sipokni pokoli tuchina tok.

1 Samuel 11:8 Iomraidhean Croise

2 Samuel 24:9

Mihma Choab ʋt okla holhtina moma ka mi̱ko yash ant ima tok: mihma Islael a̱ hatak chilita nukwia iksho bʋshpo falaia ieshi kʋt tahlepa sipokni tahlepa untuchina tok: mikma Chutah hatak ʋhleha hʋt tahlepa sipokni tahlepa tahlapi tok.

2 Mi̱ko 3:6

Mihma mih nitak akinli ho̱ mi̱ko Cheholam ʋt Samalia ya̱ kohchʋt ia cha, Islael moma ka hoyot hotihna tok.

Nan Apesa 20:2

Mihma okla moma, Islael apehlichi moma ka noshkoboka puta tahlepa sipokni tahlepa ushta, hatak aka a̱ya bʋshpo falaia ieshi hosh Chitokaka im okla hosh itʋnahʋt chieya tok.

1 Samuel 11:9

Micha anumpa shali ʋhleha ʋla kash, Chabesh Kileat hatak ʋhleha ha̱ ilʋppak o̱ hʋsh im achashke, Onnaha̱ lʋshpʋt tahakma hʋchi apela ʋt ona chi̱ hoke, im achi tok. Atuk o̱ anumpa shali ʋhleha hash osh Chabesh hatak ʋhleha ha̱ ont im anoli tok: mihma okla na yukpa tok.

1 Samuel 13:15

Mihma Samuel ʋt wakayʋt Kilkal a̱ ʋttʋt Benchamin i̱ yakni Kibeah ya̱ ona tok. Mihma Sal ʋt okla apehʋt a̱sha moma ka hotihna ma, hatak tahlepa hannali foka tok.

1 Samuel 15:4

Mihma Sal ʋt okla ha̱ hoyot itʋnahli cha, Telaim a̱ hatak aka hi̱ka ʋt tahlepa sipokni tahlepa tuklo, micha Chutah hatak ʋt tahlehpa sipokni pokoli a̱ hotihna tok.