1 Samuel 11:6 - Chahta Holisso Holitopa 1886

⁶ Mihma Sal ʋt anumpa yʋmma haklo ma, Chitokaka imi Shilombish ʋt onʋtola tok, mihma nukhobelʋt chu̱kʋsh libbi fehna tok.

1 Samuel 11:6 Iomraidhean Croise

Eksotʋs 32:19

Atuk o̱ yakohmi tok, binah ha̱ bili̱ka ona mʋt, wakushi yash, micha hihla aiena ka̱ pisa tok; mihmʋt Moses im ai i̱ nukkilli ʋt libbi mʋt, nʋnih nuta ya̱ patʋssa yash ibbak a̱ mokofit aka pila cha, koli tok.

Numbas 12:3

Yohmi ka̱ hatak Moses ʋt chu̱kʋsh yohbi kʋt hatak moma yakni paknaka aiasha ka̱ i̱ shahli tok.

Mark i̱ Holisso 3:5

Mihma okla chu̱kʋsh kʋllo ka isht nukha̱klot, ik im ʋlhpiesot filemʋt pisa mʋt, hatak ash o̱, Chisemochí, im achi tok. Mihma chisemochi tok; yohmi ma ibbak ash osh falamʋt hlakofit in tʋnnʋp ak inli ho̱ chohmi tok.

Efeshan 4:26

Hʋchi nokowa kia, ik hʋchi yoshubo kashke; hʋsh nokowa mo̱ma na hʋshi ʋt ik okʋtulo kashke.

Nan Apesa 11:29

Yʋmohmi ma Chihowa imi Shilombish ʋt Chefhlah ya̱ onʋtola na Kileat, micha Manasseh ya̱ hlopullit, micha Mispeh Kileat a talaia ya̱ hlopulli cha, Mispeh Kileat a talaia ya̱ ʋttʋt ia mʋt, hlopullit Ammon in chipota ha̱ im ona tok.

Nan Apesa 13:25

Mihma yʋmmʋt Solah, micha Eshtaol ititakla Tan binah ha̱ ahanta ma, nitak kanimikma Chihowa imi Shilombish ʋt ilhkolichit isht ia beka tok.

Nan Apesa 14:6

Mihma Chihowa imi Shilombish ʋt onʋtola fehna ma, issi kosoma ushi yokmá yʋmihcha he tuk ʋt chohmichit hlilʋffi tok, yohmi kʋt ibbak a̱ nana fo̱ka tok keyu: yohmi kia nana kaniohmichi tuk ʋt i̱ki, micha ishki itatuklo ka im anoli tok keyu hoke.

Nan Apesa 15:14

Atuk o̱ Lehi ya̱ ʋla ma, Filistin ʋhleha hʋt i̱ shakapa tuk: mihma Chihowa imi Shilombish ʋt onʋtola fehna ma, aseta ishit talakchi kash osh nuchi yosh luak o̱ ishit lua tuk chohmi tok: mihma ibbak ishit talakchi tuk ʋt mokohli tok.

Nan Apesa 3:10

Mihma Chihowa im i̱ Shilombish ʋt onʋtola cha, Islael nan im apesa toba cha, kohchʋt tʋnʋp ia tok: mihma Chihowa yʋt Chushan‐lishahlaim Mesopotamia i̱ mi̱ko ya̱ ibbak fohki tok: mihma ibbak ʋt Chushan‐lishahlaim a̱ imaiyʋchi tok.

Nan Apesa 6:34

Yohmi kia Chihowa imi Shilombish ʋt Kiteon a̱ onʋtola na isht‐pu̱fa olachi na Abiese ʋt im itʋnahʋt iakaiya tok.

1 Samuel 10:10

Atuk o̱ mintit nʋnih ha̱ ʋla ma, yakeh! hopaii kanohmi kʋt afama tok; mihma Chitokaka imi Shilombish ʋt onʋtola ma, ibataklʋt Chihowa ya̱ aiokpahanchi tok.

1 Samuel 10:6

Mikma Chihowa imi Shilombish ʋt ant chi onʋtolakmʋt, ta̱kla Chihowa ish aiokpahanchi cha, hatak inla ish toba chi̱ hoke.

1 Samuel 16:13

Yohmi ho̱ Samuel ʋt bila lapish ʋlhto kash ishi cha, itibapishi ai ititakla ahʋmmi tok: mihma nitak yʋmma i̱ himmak ia ka Chihowa imi Shilombish ʋt Lewi ya̱ onʋtoyulʋt isht ia tok. Yohmi ho̱ Samuel ʋt wakaya cha, Lamah ya̱ ona tok.

1 Samuel 16:14

Amba Chihowa imi Shilombish ʋt Sal a̱ issʋt ia na Chihowa ʋt ik yohmi ahni na shilombish okpulo yosh nukhlakʋshli tok.