1 Samuel 11:2 - Chahta Holisso Holitopa 1886

² Mihma Nahash Ammonait ash osh afalamichit, Ilʋppak ok mak o̱ Islael moma ka ishit hofahya yosh in takala chi̱ ho̱ hʋchi nishkin isht impakimma moma ka kocha wehli li hok mak osh nana it im ʋlhpisa ya̱ hʋch itim apesa la chi̱ hoke, im achi tok.

1 Samuel 11:2 Iomraidhean Croise

Genesis 34:14

Nana ilʋppa e yʋmihcha he keyu, kʋna hosh hakshup tʋpa keyu ka̱ pin tek a̱ il ima he keyu hoke: yʋmmak okʋt ishit pi hofahya hinla hoka.

2 Mi̱ko 18:31

Hesekiah ya̱ hʋsh i̱ haponaklo ná: Assilia i̱ mi̱ko ʋt yak achi hoka, Nahʋlbina ʋmʋt anumpa ishit hʋs sʋtim apesa cha, kohchʋt hʋs sʋm ʋlashke; micha ilap i̱ pa̱kʋpi aiyukali ai ʋpʋt, micha i̱ fikʋpi aiyukali ai ʋpʋt, micha i̱ kʋli hofobi oka yak o̱ aiyukali hʋsh ai ishkashke.

Atʋloa 44:13

Oklushi pi̱ bili̱ka aiyasha ya̱ i̱ nan isht ik ai ʋhobalo pikbit, pi ʋfullubli kʋt kʋlakshichit ai i̱ yukpa, micha isht a yopula ish pikbi hoke.

Eksotʋs 3:6

Micha achakalinchit, Chi̱ki in Chitokaka, Eblaham in Chitokaka, Aisak in Chitokaka, micha Chekob in Chitokaka sia hoke, achi tok. Mihma Moses ʋt nashuka ya̱ luhmi tok; Chitokaka ya̱ pisa kʋt nukshopa tuk okʋt.

Numbas 16:14

Micha pishukchi, micha foi bila ayanahanli yakni isht chik pimoshke, micha osapa micha pa̱kʋpi ahollokchi ibai asha he a̱ chik pimo ki̱shʋshke; hatak ilʋppa puta nishkin a̱ ish kocha wehla hinla cho̱? il ona he keyu hoke, achi tok.

Nan Apesa 16:21

Amba Filistin ʋhleha hʋt ishi cha, nishkin a̱ fotohlit kocha wehli mʋt, Kasa ya̱ isht ona cha, asonak lakna ibbak a̱ abehlit takchi tok; mihma aboha kʋllo ya̱ afotohli tok.

1 Samuel 11:10

Yʋmohmi ma Chabesh hatak ʋhleha hʋt, Onna ha ya̱ e chi̱ kohchakma, nana ho̱ ʋlhpesa hʋsh ahnikmʋt, hʋsh pi yʋmihchashke, achi tok.

1 Samuel 12:12

Micha Ammon in chipota i̱ mi̱ko Nahash ʋt ant hʋchin tanampi na hʋsh pisa mʋt, hʋchin Chitokaka Chihowa ʋt hʋchi̱ mi̱ko yokak o̱, hʋchishno ʋt, Aha̱! amba mi̱ko yosh pi pehlicha chi̱ hoke, hʋsh achi tok.

1 Samuel 17:26

Mihma Lewi ʋt hatak bili̱ka hieli tuk a̱ im anumpuli mʋt, Hatak kʋna hosh Filistin ilʋppa ʋbi cha, Islael ishit hofahya ka ishit kanchikma, i̱ katiohma chi̱ cho? Filistin hatak hakshup ik tapo ilʋppʋt kʋta hatuk osh Chitokaka okcha̱ya in tʋshka chipota ya̱ pa̱fa hinla cho? achi tok.