1 Samuel 11:1 - Chahta Holisso Holitopa 1886

¹ Yohmi ma Nahash Ammonait ʋt ʋla cha, Chabesh Kileat i̱ sanalit ont binanchi tok: mihma Chabesh hatak moma kʋt Nahash a̱, Nana it im ʋlhpisa ish pit im apesa na e chim antiashke, im achi tok.

1 Samuel 11:1 Iomraidhean Croise

Genesis 26:28

Mihma Chihowah yʋt chibafoyuka pulla ka̱ e pisa tuk oke: mihmʋt himak a̱ anumpa kʋllo ʋt pitin takla itonlashke, pishno, micha chishno pulla ka̱ pitin takla itonlashke; yohmi kʋt chishno ya̱ nan e chitim apesashke.

2 Samuel 10:1

Atuk o̱ ilʋppa i̱ himmakma yakohmi tok, Ammon in chipota ʋhleha i̱ mi̱ko ʋt illi na ushi Hanun ak osh ʋlhtobʋt mi̱ko tok.

2 Samuel 10:2

Yohmi ma Lewi ʋt, I̱ki ʋt a̱ kana tok oka, Nahash ushi Hanun a̱ i̱ kana lashke, achi tok. Micha Lewi ʋt i̱ki ishit nukha̱klo ka hopohlʋla chi̱ ho̱ in tishu ʋhleha ha̱ tohnot pila tok. Mihma Lewi in tishu ʋhleha hʋt Ammon in chipota i̱ yakni ya̱ ona tok.

2 Samuel 17:27

Atuk o̱ yakohmi tok, Lewi ʋt Mahanaim a̱ ona ma, Ammon im ʋlla ʋhleha ai achʋfa Nahash ushi Shobi, Labbah ʋtta, micha Lo‐teba hatak Ammiel a̱ ushi Machi, micha Lochelim yakni Kileat hatak Basillai aiena kʋt im ʋla mʋt,

2 Samuel 2:5

Mihma Lewi ʋt Chabesh‐kileat hatak ʋhleha ha̱ anumpa shali ʋhleha ha̱ i̱ pila mʋt, Chihowa i̱ holitopa hʋchia hashke, hʋchi̱ shahli Sal fehna ka hʋsh i̱ kana cha, hʋsh hohpi tuk okʋt.

1 Mi̱ko 20:34

Mihma Benhatat ʋt, Tʋmaha holihta puta a̱ki ʋt chi̱ki ya̱ im ishi tok a̱, chi̱ falʋmminchi lashke; mikma a̱ki ʋt Samalia aiitʋnowa ai ikbi tok a̱, chohmichit Tamaskʋs a̱ aiitʋnowa ya̱ ish ai ikbashke, achi tok.

Eksotʋs 23:32

Yʋmma, micha i̱ naholbʋt toba puta ka̱ nana ish itim apesa he keyu hoke.

Tutelonomi 23:3

Ammonait, keyukmʋt Moabait ʋt Chihowah im okla moma itʋnaha ka̱ iba chukowa he keyu; ai iti shali ont ishit pokoli ont ʋhli takla hokʋt Chihowah im okla moma itʋnaha ka̱ ik iba chukowo bilia hi oke.

Nan Apesa 10:7

Mihma Chihowa im ai i̱ nukkilli ʋt libbit Islael a̱ i̱ sanali cha, kanchit Filistin okla ibbak a̱ fohki mʋt, Ammon in chipota aiena ka ibbak a̱ fohki tok.

Nan Apesa 11:4

Atuk o̱ nitak inla ma yakohmi tok, Ammon in chipota hʋt Islael a̱ in tanampi tok.

Nan Apesa 21:8

Micha anonti, Kʋta achʋfa hosh Islael apehlichi moma ka Mispeh ya̱ Chihowa ya̱ ik im ai ʋlo tuk oh cho? achi tok: mihma yakeh! achʋfa kia Chabesh‐kileat minti kʋt abinanchit ai itʋnaha ya̱ ik lo tok.

1 Samuel 12:12

Micha Ammon in chipota i̱ mi̱ko Nahash ʋt ant hʋchin tanampi na hʋsh pisa mʋt, hʋchin Chitokaka Chihowa ʋt hʋchi̱ mi̱ko yokak o̱, hʋchishno ʋt, Aha̱! amba mi̱ko yosh pi pehlicha chi̱ hoke, hʋsh achi tok.

1 Samuel 14:47

Yohmi ho̱ Sal ʋt apehlichika ishit Islael a̱ pehliechi cha, in tʋnʋp moma afolubli ka itibit, Moab, micha Ammon in chipota, micha Etom, micha Sobah i̱ mi̱ko ʋhleha, micha Filistin okla aiena ka itibi tok; micha kanima yo̱ pit filemakmʋt, imaiya tok.