1 Samuel 10:8 - Chahta Holisso Holitopa 1886

⁸ Micha sa tikba Kilkal a̱ ish ona chi̱ hoke; mikma chim ona lish, na hukmit isht aiokpʋchi, micha isht it i̱ nanaiyʋchi ʋbit isht aiokpʋchi ya̱ isht ʋtta la chi̱ hoke: nitak untuklo ho̱ ish ahanta na chim ʋla lish, nana ish akaniohma hi ya̱ chim anoli la chi̱ hoke, achi tok.

1 Samuel 10:8 Iomraidhean Croise

2 Samuel 19:16

Mihma Kela ushi Shimei, Benchamait hatak, Bahulim minti ʋt mi̱ko Lewi ya̱ afama chi̱ hosh tu̱shpʋt, Chutah hatak ʋhleha ha̱ awant ona tok.

Lefitikʋs 3:9

Micha illichit im issa itin nanaiyʋchit im issa luak ishit hukmit Chihowah im issa yo̱ im issashke: i̱ nia micha hasimbish ʋt moma, nʋli foni ya̱ ont tikelichit tʋblashke: micha ikfoka ompohomo nia micha ikfoka nia moma,

Choshua 4:19

Mihma hʋshi isht ia ʋmmona nitak ont ishit pokoli fehna ak o̱ okla hash osh Chatan a̱ auet a kohcha cha, Cheliko yakni hʋshi akochaka imma ʋhli Kilkal a̱ ont binanchi tok.

1 Samuel 13:4

Mihma Islael moma kʋt, Sal ʋt Filistin ʋhleha i̱ holihta ya̱ issot kanchi na Filistin ʋhleha hʋt Islael a̱ i̱ yuwalʋshke, achi ho̱ haklo tok: mihma okla hʋt im annoʋt Sal a̱ iakaiyʋt Kilkal a̱ ai itʋnaha tok.

1 Samuel 15:33

Mihma Samuel ʋt, Chi̱ bʋshpo falaia ʋt ohoyo ha̱ ʋlla ik im iksho ikbi chatuk oka, chishki ʋt ohoyo takla ʋlla ik im iksho ya chi̱ hoke, achi tok. Mihmʋt Samuel ʋt Akak a̱ Kilkal ak o̱ Chihowa itikba ya̱ a chanlit tushahlichit taiyahli tok.