1 Samuel 10:5 - Chahta Holisso Holitopa 1886

⁵ Yohmi hayokma, Chitokaka i̱ nʋnih Filistin holihta atalaia ya̱ hʋsh ona chi̱ hoke; atukma yakohma chi̱ hoke, tʋmaha holihta yʋmma ish onakma, hopaii kanohmi kʋt achahaka ashʋt salteli, micha ʋhlepushi, micha oskula, micha hap aiena tikba isht a̱ya hosh akowʋt minti ho̱ ish afama chi̱ hoke; mikma Shilombish anukfoyukʋt Chihowa aiokpahancha chi̱ hoke.

1 Samuel 10:5 Iomraidhean Croise

1 Mi̱ko 18:29

Atuk o̱ yakohmi tok, nitak iklʋna kʋt ont ia ma, okla anumpohonli na, opiaka nan ʋbit isht aiokpʋchit im issa chatuk okʋt, ont ʋlhpesa ma, anumpa hʋt iksho, micha afalamichi kʋt iksho, micha na yohmi ahni kʋt iksho tok.

2 Mi̱ko 2:15

Atuk o̱ hopaii ushi ʋhleha Cheliko ya̱ ai asha kash osh ichapaka ya̱ yʋmmak ash pit pisa mʋt, Elichah imi shilombish ʋt Elisha ya̱ onʋtonlʋshke, achi tok. Mihmʋt okla mintit ant afama cha, aka pit im akachunoli tok.

2 Mi̱ko 2:3

Mihma hopaii ushi ʋhleha Behlel ai asha tuk ʋt kohchʋt Elisha ya̱ ont afama mʋt, Himak nitak a̱ Chihowa yʋt chi̱ shahli chi noshkobo ha̱ chim esha chi̱ ka ish ithana cho? im achi tok. Mihma, Ʋno ak kia ithana li, hʋch ik anumpulo kashke, achi tok.

2 Mi̱ko 2:5

Mihma hopaii ushi ʋhleha Cheliko ai asha tuk ʋt im ʋla mʋt, Himak nitak a̱ Chihowa yʋt chi̱ shahli chi noshkobo ha̱ chim esha chi̱ ka ish ithana cho? im achi tok. Mihma, Ʋno ak kia ithana li, hʋch ik anumpulo kashke, achi tok.

2 Mi̱ko 2:7

Mihma hopaii ushi ʋhleha ai achʋfa yosh hatak pokoli tahlapi kʋt iʋt ichapaka ya̱ hopaki ho̱ hieli tok: mihma tuklo kash osh Chatan ontalaka ya̱ hielit okla tok.

2 Mi̱ko 3:15

Yohmi kia himak a̱ ʋhlepa‐olachi ya̱ isht oh ʋm ʋlá, achi tok. Atuk o̱ yakohmi tok, ʋhlepa‐olachi ʋt olachi ma, Chihowa ibbak ʋt ant onʋtoyula tok.

2 Mi̱ko 4:38

Atuk o̱ Elisha yʋt falamʋt Kilkal a̱ ona tok: mihma yakni ya̱ hohchʋfo yʋt a̱sha tok; mihma hopaii ushi ʋhleha hʋt itikba ya̱ chieya tok: mihma in tishu ha̱, Shuti chito ya̱ ito talali cha, hopaii ushi ʋhleha ha̱ nipi okchi ish i̱ honashke, im achi tok.

2 Mi̱ko 6:1

Mihma hopaii ushi ʋhleha hʋt Elisha ya, Yakeh! chi tikba il aiasha yʋt pim atikkonofa fehnʋshke.

Atʋloa 49:4

Nan isht ʋlhpisa ya̱ sʋ haksubish pit wieli la chi̱ hoke; ʋm ʋnnumpah luma ya̱ hap o̱ ishit tiwwiche la chi̱ hoke.

Atʋloa 92:3

Ishit tʋllakchi pukoli, micha ʋhlepah, micha hap a tʋloʋt ula̱ha̱chi ka̱ achukmʋshke.

1 Kolinhlian 14:1

Nan i̱ hullo ya̱ achunanchit iakaiyʋt, ishi ka hʋchi bʋnnashke: mikmʋt Shilombish imma ka anukfoyuka chi̱ ka hʋchi bʋnnashke: yohmi kia Shilombish anukfoyukʋt hʋsh anumpula he ak osh ahni kʋt hʋsh i̱ shahlichashke.

1 Samuel 10:10

Atuk o̱ mintit nʋnih ha̱ ʋla ma, yakeh! hopaii kanohmi kʋt afama tok; mihma Chitokaka imi Shilombish ʋt onʋtola ma, ibataklʋt Chihowa ya̱ aiokpahanchi tok.

1 Samuel 10:4

Mikmʋt okla chi aiokpʋchi cha, pʋska lumbo tuklo ho̱ chima chi̱ hoke, yʋmma ibbak a̱ ish im ai isha chi̱ hoke.

1 Samuel 13:2

Sal ʋt Islael a̱ hatak tahlepa sipokni tuchina ho̱ il atokoli tok: yʋmma tahlepa sipokni tuklo hosh Sal a̱ apehʋt Mikmash, micha Behlel nʋnih ha̱ a̱sha ma, tahlepa sipokni achʋfa kʋt Chonahlan ak o̱ apehʋt Benchamin yakni Kibeah yak o̱ a̱sha tok: micha okla inla kʋno im ʋlbina aiyukali pit tihleli tok.

1 Samuel 13:3

Mihma Chonahlan ʋt Filistin ʋhleha i̱ holihta Keba hikia ka issot kanchi tok; mihma Filistin ʋhleha hʋt haklo tok. Mihma Sal ʋt yakni moma afullota ka hlopullichit isht pu̱fa ya̱ olachit, Heblu ʋhleha hʋt haklashke, achi tok.

1 Samuel 19:20

Mihma Lewi ya̱ isha chi̱ ho̱ Sal ʋt anumpa shali ya̱ tihleli tok: atuk o̱ hopaii kaniohmi kʋt Shilombish anukfoyukʋt anumpuli ma, Samuel ʋt ʋlhtoka tuk osh pehliechit hikia na okla pisa ma, Chitokaka imi Shilombish ʋt Sal im anumpa shali ʋhleha ha̱ onʋtola ma, yʋmmak kia Chihowa ya̱ aiokpahanchi tok.

1 Samuel 9:12

Mihma okla afalamichit, Antʋshke; yakeh! hʋchi tikba anta hoke: himak a̱ hʋsh tu̱shpashke, himak nitak ak o̱ tʋmaha holihta ya̱ ʋla hoka; okla hʋt nan ʋbit isht aiokpʋchi ya̱ himak nitak a̱ achahaka ya̱ isht a̱sha hoka.